الفراغ ذبحني

جرح عاطل · #1 (**permalink**) 08-04-2012, 06:39 AM

السلام عليكم ورحمة الله وبركاته
مساء الخير / صباح الخير

ي أخوان انا ابي مساعدتكم
انا ذبحني الفراغ اربع وعشرين ساعة وانا فاضي ما عندي لا شغل ولا مشغلة
أشوف اخواني اللي رايح المدرسة واللي رايح الجامعة وانا مدري وين اروح طفشته حتى من نفسي
انا عاطل لية ثلاث سنوات طفشت من كل شي ابي شي يشغلني
انا املك سيارة خاصة بي وعمري واحد وعشرين سنة يعني توي صغير
والله من الفراغ تجيني افكار مدري من وين تجي افكار سيئة
الله يكفينا شر الدنيا
ي أخوان انا طرحة هالموضوع ممكن احد عنده فكره ولا شي يعني اقدر
استفيد من وقتي وللمعلومة انا من الناس اللي اتقبل اي شي
وعندي قابلية اتعلم اي شي بسرعة ولله الحمد بس ماحد يمك
ودخل العائلة يتراوح ما بين جيد الى جيد جدا
يرب انك تبعد عندي وعن جميع المسلمين والمسلمات الهم والحزن
اللهم فرج همنا ي كريم

والسلام عليكم ورحمة الله وبركاته

ام رغوده · #2 (**permalink**) 08-04-2012, 06:54 AM

الله يحفظك من كل سوء اخوي ويرزقك ويفرجها عليك
طيب ممكن تشتغل من على النت اي شغله اوتتعلم اوتاخذه دورة تنمي فيها نفسك
انت وين ساكن ؟

بوووووووناصر · #3 (**permalink**) 08-04-2012, 09:11 AM

الله يوفقك ويرزقك الوظيفه

معآآآذير · #4 (**permalink**) 08-04-2012, 09:23 AM

حياك الله اخوي شوف يالغالي انا اقلك ابسط شي اذا مالله كتب لك وظيفه او بالاحرى وظيفه تناسب طموحك

اذا عندك راس مال او تقدر توفر راس مال - الله مكثر المشاريع بس انت توكل ع الله وابدأ خطوه خطوه توصل لهدفك

ان شاء الله - واذا تبي فكره اعم ادخل ع قسم مشاريع وافكار بمنتدانا العزيز وربي قسم راح تتعلم اشياء كثير

ويمكن تشوف لك مشروع تشوف نفسك فيه وتقدر تبدع فيه وتطوره مع الوقت واكيد البدايه من الصفر

والله يكتب لك الخير يارب وين ماكان واكثر من الاستغفار

اخوك عاطل وعمري 23 وحديث التخرج معي بكاليوريوس ومالله كتب لي شي

والي قاهرني مامعي راس مال ولا كان دخلت بالتجاره وطورت وضعي

اتمنى اكون ماضغطت عليك بكلامي بس حبيت افيدك والله يكتب لك بكل خطوه بركه

طويلةبال · #5 (**permalink**) 11-04-2012, 04:32 AM

فكر بأشياء تحبها العمل الحر ترا مهم فيه ميوولك
بقول لك قصه شخص تخرج من الجامعه وكان يحب الكورة ويعرف يلعب ويعرف الاندية والخطط وقوانين اللعب
وبدا من
صناعه الكورة نفسها كان في باله تصاميم جديدة من (لون-شكل-خامه)>>طلب من المصنع تشكيلها
له استأجر ملعب على مدار السنة وبدا يدرب المبتدئين وبدا
بتجميع اللاعبين من عمر 7سنين-18 سنه وياخذ رسوم بسيطة عن كل لاعب وكل اسبوع مباراه
حتى في المراكز الصيفية صاروا يطلبونه بترتيب والاعداد حتى انضم لجريده يوميه في قسم الرياضه ولازال يمارس هوايته

فالهوايه مهمة وهي اللي بتخليك مبدع >>هذا في العمل الحر

شوف انت وش تحب وتوكل

القروض عندك من باب رزق جميل - المئوية - رياده الاعمال وكثير جهات تقرض وتساعد

لوتينَ · #6 (**permalink**) 11-04-2012, 04:43 AM

وعليكم آلسلآم ورحمةة الله وبركآته
صبآح آلخير . .
آخوي دآم معآك سيآره . . تقدر تآخد نآس من مدينتك آلى مدينه ثآنيه 500 ريآل حق آلمشوآر على حسب
آو روحَ بآب رزق جميل للتوظيف . . آو جدآره . . آو هدف . . آو تلآد . . آلغرفه آلتجآريه
كلهآ تقدم لككك وظآئف
الله يوفقك ويسخر لك . .

ليلي علوي · #7 (**permalink**) 11-04-2012, 05:11 AM

الله يرزقك من واسع فضله

حاول تبحث عن رزقك لو بالتوصيل داخل نفس مدينتك ....

واكثرمن الاستغفار

تم التحديث · #8 (**permalink**) 11-04-2012, 05:13 AM

وعليكم السلام ورحمة الله وبركاته
صل الفجر بالمسجد وروح الحلقة الشغل مو عيب
وشوف اللي يناسبك لين تلقى وظيفة حلوة
الفراااااااااااااااااااااااااع هم وغم وحالة
الشغل مو عيب مهما كان حلال