ياليت تفيدوني عن تجارة التمور (بالقصيم )

لا إله الا الله · #1 (**permalink**) 17-03-2008, 11:20 AM

انا عندي 15000 ألف وودي اشغلها بالتمر

بس ما اعرف وشلون .. علما انني بنت

ممكن تفيدوني؟؟

الله يجزاكم الجنة ويوفقكم بالدنيا والأخرة

ولدالرياض2008 · #2 (**permalink**) 17-03-2008, 03:34 PM

هلا اختي

ما وضحتي اختي انتي ناويه تجارة تمور توزيع يعني تشترين جمله وتوزعين او قصدك زراعه لانها تفرق كثير وضح وشو اللي تبينه بالتفصيل وان شالله افيدك
لي ربع بالقصيم وما يقصرون ان شالله بالمعلومات المفيدة

عاشق الهدايا · #3 (**permalink**) 17-03-2008, 08:46 PM

اتوقع مصنع تعبئة وتغليف تمور بس مأعرف عنه اي شيء واعتقد انه غير مكلف

لا إله الا الله · #4 (**permalink**) 18-03-2008, 09:18 AM

اقصد اخذ تمور بالجملة وأوزعها

وشكرا

ولدالرياض2008 · #5 (**permalink**) 18-03-2008, 05:28 PM

ذا يكون فتره الموسم يبيعون اغلب المزارع تروحين لاي مزرعه تدرين ان راعيها خبير وامين وتشترين اانا اسمع بالمدينه يبيعون النخله ب50ريال وتنتج النخله تقريبا 10 كراتين صغيره باول الموسم يبيعون الكرتون روثانا المدينه ب40 ريال واي استفسار انا حاضر

الخثعمى · #6 (**permalink**) 18-03-2008, 08:23 PM

التمور رخيصه بالقصيم لو عندك احد خارج القصيم ترسلين له كميه ويسوقها باذات

فى رمضان كان واحد من الشباب يجيب من القصيم ويبيعه لمندوبى التسويق ببنده وغيرها

من المحلات التجاريه الكبر وكان معين خير

فتى نجد · #7 (**permalink**) 19-03-2008, 02:33 AM

اختي الكريمة ...

فيه بنات كثير بالقصيم يشتغلون بالتمر ولكن بطريقه جداً رائعة .. يعني يسوون تمر محشي بالبسكوت والطحينه وتمر محشي باللوز وعليه دبس وشغلات كثيررررره روعه .

انا ممكن اعطيك رقم وحده تسوي بعض الشغلات بالتمور وانتي كلميها وحاولي تشترين منها بالجمله أو اشتري عينات وشوفي كيف الطريقه وبعدين ابدأي سويها انتي وسوقيها علىمعارفك ..

اذا تبين رقمها راسليني على الخاص ...

وموفقه إن شاء الله ..