الله يوفقك ويرزقك

انا اقول لك ترى فيه ناااس كثييييييييييييييييييييييييييييييييييييير مثلك يبون يكملون عشان يصيرون بكالوريوس بس يقولون لازم من جديد

انا من رايي ادرس بكالوريوس من جديد وشد حيلك وجب معدل كويس وقدم بعدعا على اللي تبي


واذا على العمر توك صغير ولاحق على الغثاء والشقا الله يعين

اهم شيء الصحة والعافية

والرازق هو الله



والله يوفقك

فيه ناس هنا بالمنتدى تخرجوا من التقنية تخصص تسويق والحين هم في ارامكو بدون واسطه
بس الدنيا توافيق

الله يوفقك ويسعدك والزم الاستغفار والله يرزقك بوظيفه احسن من اللي تتمناها
وانتبه من الحسد والعين

وعليكم السلام ورحمة الله وبركاته

والله وانا اخوك اللي بخاطرك كله نزله اهني فضفض لا تخلي شى بخاطرك وترى احنا اهني جاين نساعدك

باللي نقدر عليه ويعلم الله ياصاحبي كلام الناس هذا اخطر شى كلام يجيبك وكلام يوديك ودوخه وتبي تسوي

كل شى وانت اتشوف كلام فلان وعلان كويس ومره اتقول لا خليني امشي على كلام فلان اتشوفه صحيح

ثم ترجع تفكر مره ثانيه لا هذا فكرته حلوه .

فياصاحبي عبود انت نسبتك حلوه بالثانويه وبالكليه التقنيه ومعدلك حلو مره ماشاء الله تبارك الله

بغض النظر عن القسم الادبي اللي يقولو مافيه وظائف للادبي فيه ياصاحبي وكثير حيييل وصارت هالحين

الوظائف العلمي بنفس وظائف الادبي لكن ارجع واقولك ياصاحبي انت مدامك في راسك دراسه وعندك القدره

انك تواصل دراستك ال4 سنوات جايه وتحصل على اعلى المراتب فواصل وكمل ترى بالاخير ماراح ينفعك احد

ابدا حتى اقرب الناس يفزع للغريب ويخلي القريب مثل مايحصل هالايام .

.................................................. ................................................

اما بنسبه للتقديمات قدم ياصاحبي على الشركات الكبرى مثل ارامكو وسابك وشركه الكهرباء وشركه المياه

الوطنيه تراهم يقبلو اصحاب التقنيه وبراتب حلو كمان وعندك الخطوط الجويه طيار قدم عليهم

هالحين والله كل شى صارت معقده وياخذو يا حاسب ولا شهاده فوق الثانويه فانت قدم على هالشركات

الكبيره وفي نفس الوقت كمل دراستك الجامعيه ولا تسمع كلام التسلاب فلان قال وفلان فعل كلامهم

يجيب الهم وياريت ينفعو نفسهم بالاول مشان ينفعوك مشان جذيه ياصاحبي لا تفكر فيهم وسوي اللي قلتلك

عليها شركات كبرى وكمل دراستك غيرها صعبه تحصل

هذا اللي اقدر افيدك فيه يا صاحبي

واسف على الاطاله

الله يوفقك ويكتب لك الخير

يا اخوي اهم شئ مدام اهلك راضين عليك يالله لك الحمد وصلاه يمقن فيك عين من ضيقه بس انصحك تكثر من سجود والاستغفار واقرا المعوذات الصبح والمساء ومهنتك للحين طالب ما تغيرت عسكري عشان تقول راح مستقبلك يعني تقدر ترجع للعسكريه او ان شاء الله تلقى وظيفه مدنيه تغنيك العسكريه حاول انك تكمل بكالريووس بتقينه الرياض وقدم على الخدمه المدنيه وانصحك من اخ لاخ استغفر كل يووم لمده ساعه على الاقل في اليوم وراح الله يمدك بالارزاق باذن الواحد الاحد تحياتي اخوي

الله يوفقك وتلقى الوظيفه
وصدقني ان رزقك مكتوب عند الله سبحانه
الله يرزقك رزقا من عنده
اللهم آمين

بحيثان شغال صح على هذا الموضوع

اول ملاه راح اقولها قصتك مثلي 100% نفس الشي 45 يوم واسبوع وطلعت وابشرك دخلت القطاع اللي هو حلمي من صغري ولكن وصلت مرحله اشوف باب المطار اوقف مكاني ما اعرف اتحرك اخوياي يقولون يلا اقولهم والله والله يا ان جبال الحجاز فوق صدري ما اقدر قبل لا اطلع كنت اخش الحمامات اعزكم الله وابكي لين اشهق احس اني بموت وتصدقون بالدوره كان الضباط يقولون لي انت مكسب لنا لدرجة انهم يدورون لي جزا يتعبني مالقو لاني العب من صغري كمال اجسام اخر شي وربي طلع من يديني الدم قالي تعبت قلت له لين تطيح رقبتي عساني ما اتعب ماكان اي شي ابد ابد متعبني بالدوره حتى التدريب كنت اسوي اي شي عشان اتعاقب واعتبره تمرين لي لكن والله ما انسى ذاك اليوم الاربعاء طلعت و وصلت الرياض دخلت الفندق ابي انام ماقدرت قلت لخويي فلان ماراح ارجع قالي ايش قلت له ما اقدر اكمل من قوة التعب النفسي اسف ياربي واغفر لي رحت للشباك وكنت ابي ارمي نفسي من الدور ال14 جلست والله 4 ايام مانمت بعدها لدرجة اني امشي من بيتنا لحالي لين اوصل منطقه ثانيه مدري كيف وصلت ولين اليوم اقول ليش طلعت وانت وصلت لين حلمك من صغرك والله ما ادري ولكن كل اللي عرفته ان في شي منعني ارجع وربي اني ابي ارجع مو قادر ذاك الويكند لدرجة اني كلمت وعلى اني برجع اكمل ويوم حجزت طياره زي ماذكرت وقفت ماعرفت اتحرك ....كل اللي عرفته عن نفسي الحين ان عمي بروفسور يقولي يا فلان انت اكبر من كذا وانت تقدر تكون اكثر من كذا وفعلآ انا امارس هوايه اتحدى اتحدى اتحدى مهندسين يفهمون وش اقول حتى لو اعطيه نص اللي فبالي بينفجر مخه لاني من سادس ابتدائي وانا امارسها وبشفقيه لكن بأذن الله الواحد الاحد الذي بيده ملكوت السموات والارض وانا اثق ان وعد الله حق استغفروه يمددكم بمال وبنين ...
وبأذن الله لن اقف وهذا عمري وصل ال26 فل يذهب العمر للجحيم فلا أريد سوا مغفرة ربي ورضا الوالدين ..

تحياتي لك ياصاحب الموضوع واتمنى تتواصل معي بأيميلك والناس للناس والكل بالله .

اسف لكن تصدقون ارتحت يوم كتبت اللي بخاطري