ليه مضيق صدرك ياخوي انت تعتبر خريج جديد توك متخرج ومعدلك حلو والفرص لسى قدامك

ناس ماتلقى الا بعد سنه ولا سنتين عادي اهم شي انت دور واسعى ومثل ماقالت الاخت

ترى البنوك وشركة الكهرباء يقبلون كثير من التقنية

وانا متاكدة باذن الله بنشوف لك موضوع بقسم مبروك التعين تبشرنا

انا نفسك خريج تقنية
احس شهادة الثانوية افضل منها

ياخوي استهدي بالله , انا زيك متخرجه من كلية التقنية بمعدل 4.45 ومرتبة الشرف الثانيه .. ودقيت الارض دق ادور على وظيفة ولا لقيت ,وبالمنتديات ماقصررت ولا خليت احد ماكلمته لكن لاعلم ولاخبر .. والحين قاعده بالبيت ولا كأن معي شهادة ولا شي حالي حال اي جدار بالبيت , لكني تحديت نفسي و بقدم على جامعة الاميره نورة بنت عبدالرحمن إن شالله وبنسى السنتين السوداء ووبدأ اكون نفسي من جد وجديد ولا افكر باليأس أو اني ادخله حياتي , صحيح شهادتنا يا اخوي مالنا الا نبلها ونشرب مويتها , بس مو معناته احطم نفسي ومعنوياتي عموما هذا قدر وربي كاتبه لنا ولازم نرضى فيه ونخليه درس اننا ماندخل شي الا واحنا ضامنينه ..
انت يا عزيزي دخلت بحالة بداية الوسوسه والانسان الشي اللي يخاف منه يصير له .. خلك متوكل على الله فهو حسبك .. وانسى الموضوع وقدم على دراسات جديده ورربي يوفقنا وياك .. تقبل مروري واعتذر عن الاطاله عزيزي

اخوي اذا معك شهادة الكلية التقنية روح مكتب الجنيد تعبع القوات البرية فيه التقديمات مفتوحة طواال السنة وراتب حلوة والرتبة وكيل رقيب او رقيب فني ودوام بس الصباح ومعك خميس وجمعة اجازة عندك سلاح الصيانة وسلاح المهندسين وقطاع الصيانة في القاعدة الجوية هذا افضل شيء بالنسبة لشهاتدك وغيرها كثير الحق عمرك يا خوي قسم بالله انو الشباب هناك مسوين زحمة واعلى الشهادات على مكتب التجنيد والله يوفقك اشاء الله

اقسسم بالله انك صادق اخوي ان عمري بالكليه التقنيه


الله يعين يارب ويكتب اللي فيه يارب

السلام عليكم ورحمة الله وبركاته

لو مكانك أكمل دراستي يا هنا يا ابتعاث وعمرك 22 مو كبير .. حط في بالك أنك لو استمريت تتأسف وتندب حظك راح تمر السنوات وتلاقي عمرك أكبر وأنت محلك سر

توكل على الله وابدأ من جديد دراسة واللي درسته ما راح يضيع عليك راح يحسب لك في الـ سي في ويرجح موقفك عن التقدم لوظيفة إن شاء الله

الله يوفقك

أخوي حاول لساتك صغير بعمرك أنا شفني عمري تقريبا وصل 27 سنه

يعني صارلي عاطل 5سنين وللحين أدور وظيفه ماخليت ولابقيت مكان

الا ودورت ظروفي للأسف ماسمحتلي اكمل دراسه حتى اخر سنه بالثانوي

كملتها ليلي بسبب الظروف الشخصيه يعني انت بخير الحمدلله لسى مافاتك شئ

تقدر تكمل الله يوفقك يارب ويرزقك من حيث لاتعلم

ياخوك وش تقول الي كان في ارامكو والله ان جاني الوسواس والظغط والقيلون منسبت فصلاني وانا كنت مجبور بس مانقول الا الله يعين بس

وعسى ان تكرهو شياء وهو خيرا لكم
فرج الله همك

اخوي الغالي
انت خريج كليه تقنيه بمعدل عالي ماشاء الله
سجل في ارامكو لا في سكيكو نظام التدرج الوظيفي (تدريب منتهي بالتوظيف ) وظيفه ممتازه ولها مستقبل

الله يوفقك ويسر لك امرك

انا خريج كليه تقنيه و موظف في شركه خاصه واتمنى اي قطاع عسكري يقبلني
تحياتي لكـ