08-04-2012, 07:37 PM
|
 |
عضو سوبر
|
|
تاريخ التسجيل: Jul 2010
المشاركات: 456
معدل تقييم المستوى: 7480
|
|
|
أنا ضيعت نفسي ومستقبلي يوم اني دخلة الكلية التقنية
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
مساكم الله بالخير حبايبي اخباركم طيبين أنا بدخل بالموضوع على طول مالي خلق مقدمات وكذا الواحد طفشان وزهقان من نفسه وتفاكير .. قبل لا ادخل بالموضوع أنا
مؤهلاتي العلمية : ثانوية عامة قسم شرعي النسبة 88.29 خريج عام 1427 / 1428
دبلوم حاسب الي سنتين تخصص تقنية شبكات معهد نيوهورايزن التقدير :ممتاز
المعدل : 90% والسجل الاكاديمي : 4.85 خريج عام 1430 / 1431
الكلية التقنية قسم التقنية الادارية : تخصص إدارة مكتبية : التقدير ممتاز
المعدل :4.70 مع مرتبة الشرف الثانية خريج عام 1432 / 1433هـ
الـعـمـر : 22 سنه
بصراحة ياحبايبي انا ضيعت نفسي بنفسي وخشيت الكلية التقنية كل مارحت لجامعه قالولي مانعادلك المواد لازم تبدأ من جديد او تروح ابتعاث خارجي والابتعاث الخارجي ماقدر عليه حتى لو انه على حساب الدولة انا ظروفي ماتسمح اني اطلع برى ورحت للكلية التقنية اللي بالرياض قالو مافي بكالريوس ادارة هذا من ناحية الدراسة
اما من ناحية الوظائف انا مليت ومشكلتي توني متخرج والله جاني هبال ونا جالس لي اربع شهور
انا استلمت وثيقة تخرجي الكلية لاتقنية 19 / 01 / 1433 وصار فيه تقديم بقطاع عسكري وقدمت عليهم والحمدلله قبلت وكل شي وخلصة اوراقي وانعقدت دورتي بالرياض رحت للدورة وكملت الـ45 يوم بكل عناء وصبرر وكل شي وحضرت بعد الـ45 يوم الاسبوعه الاول والان احنا بالاسبوع الثاني ماحضرت اللي هو امس السبت والسبب عجزت ارتاح نفسيا تجيني ضيقه هناك اذا رحت ابوي وامي كلموني اضغط على نفسك وكذا ضغطت على نفسي الاسبوع الاول والله ان اليوم هناك عندي عن 20 سنه بس انتظر يجي يوم الاربعاء علشان ارجع لاهلي ولا ارجع للدوره نهائيا قلت لاهلي عن اللي احس فيه قالولي امي وبوي اهم شي عندنا صحتك وراحتك انكان تتركها ونت مقتنع اللي جابها يجيب غيرها قلت الحمدلله وبنفس الوقت انا افكر لشي قدام مو بيومي يعني افكر ابي اكون نفسي بسرعه وناصغير ابي اتزوج ونا صغير بس مشكلتي عجزت ارتاح ورب البيت ضيقه اذا رحت المهم استخرت الله وجلست الحين انا مايذبحني ويغثني الا المجتمع اللي حولي لاجلس يتكلم انت غشيم تركت العسكرية كل يتمناها ونت يجيك الرزق وترفسه برجلك قلت يناس مو كذا انا عجزت ارتاح واللي يقولي انت مو كفو تتدخل عسكرية لوني مو كفو كان ماصبرت وتحملت اشد شي بالعسكرية اللي هي فترة الـ45 يوم وحضرت بعدها الحمدلله يعني انا ما هجيت ولا هروب من الدوره لا لا لاكني مارتحت يعني مجتمع متخلف الحمدلله اني مو مدح لنفسي اي قطاع عسكري اقدم عليه يقبلني ولله الحمد بفضل الله ثم رضاء والديني علي ودعائهم لي لاكن شي يحز بالخاطر لاجاك كلام نفس كذا مافي احد يحس بمعاناتي الا امي وبوي يوم قلتلهم قالوا ربي يعوضك باللي احسن منها واريح منها واخير منها يمكن الله رادك عن شر فيها والحمدلله انتهينا من الامر الثاني
الامر الثالث : انا تركتها هاذي بدى يجيني تفكير وحالتي حاله يالله متى احصل وظيفه انا تركت هاذي وش ابسوي متى بتجيني متى ابي اكون نفسي متى ابتزوج والعمر يمشي الحين اخااف اصير مثل فلان راحت عليه الدنيا والايام وتقدم فيه العمر ولا سوى شي بحياته
بصراحه انا توهقت بدراستي للكلية التقنية ليتني من الاساس داخل جامعه والله العظيم اني ندمان ندمان اني درست كلية تقنية لاكن يناااااس علمووني كيف اكمل دراستي الوظايف انا ايست منها لان اقل شي يبغون بكالريوس ابي اي طررريقة اكمل دراستي غير الابتعاث الخارجي واللله العظييم يناااس براااس ام ام امي دراااسة خلاااص مابي لا وظايف ولا شي ابي اكمل دراستي لو بس القى اي جامعه بالمملكة يعادلون لي الدبلوم والله لا اكمل بكالريوس ودراسات عليا انا مابي يقولون لي تبدأ من جديد من لاصفر ابغاهم يعادلون لي ولو مافي احد بيعادلي انا مستعد ارضخ للامر الوااقع وابدا من جديد من لاصفر وادرس جامعه
هذا اللي عندي انا دارري طولت بكلامي وكل شي بس غصب علي مافي احد يسمع لي ولا شي قلت يمكن اللي فالمنتدى يصيرون اخير من المجتمع اللي حوولي من اقارب وخوياء
انا الان محد ريحني بكلام زين ويطيب خاطري الا (( أمي - أبوي - اخواني الصغار وهم صغار اصرف من اخوياي واللي يقربون لي - وخواتي وبسسسسس))
الله يوفقني يارب ويوفقكم كلكم ويرزقني ويرزقكم ياارب
|
العرض العادي
