السلام عليكم
صبحكم الله بالخير
والله ان النوم ماجاني من التفكيير
افكر بالترشيح هل راح يتأخر او هو قريب
والله ماقدر اتحمل الشركة اللي كل يوم تضغطني اكثر بس علشان اقدم استقالتي وشكلي برضخ للامر الواقع واقدم الاستقاله على الرغم من ان حضوري وانصرافي ممتاز وشغلي يخلص قبل الوقت اللي يحددونه بس دايما اللي مو من اهل ديرتك يصير حاقد عليك ويضايقك
الكلام انا تو اتنقل بين المنتديات لقيت واحد من الشباب نزلت له وظيفة بالمدينه المنور وفيه واحد سأله هل المدينه المنوره من الرغبات اللي انت حاطه قال نعم وكاتب لا ارغب بأماكن اخرى
الصراحه طمني كثير بالشي هذا ونقول يالله يسر الامر
وفيه واحد ثاني كاتب ان واحد من اللي طالعه اسمائهم موظف الان وهو خريج المعهد المهني طيب اذا كان الاكلام صحيح كيف يرشحونه وهو بالاساس موظف .
و اتوقع فيه ناس راح ترفض الوظيفه اذا كانت بديره بعيده او اذا كان مثل الموظف ولابحاجة وظيفه ولي مستقر بوظيفع بالقطاع الخاص
يعني اتوقع الترشيح الجديد ماراح يتاخر بمشيئة الله
اكثرو من الدعاء وصلات الوتر فإنه ينزل العظيم لسماء الدنيا ليجيب دعوة السائلين
يارب يامن تجيب دعوة الداعي اذا دعاك وفقنا ويسر امورنا بوظيفة بالحكومه وجعلنا من السعيدين يارب العالمين اللهم تقبل دعائنا عاجل غير اجل يارحيم .

صبحكم الله بالخير جميعاً

اولا يا إخوان يجب ان لا نقطع الأمل ولا نستعجل الامور فالخير قريب إنشاء الله

وعلى فكرة انا سئلت عن الدفعة الثانية وانشاء الله راح تطلع (خلال ) شهر يعني ممكن اسبوعين ثلاثة شهر وإنشاء الله الترشيح حليفنا وتأكدوا ما دمتم مطابقين فإن الترشيح آت لا محاله على الاقل حنا احسن من غيرنا اللي قدموا ولا طلعت لهم مطابقة يعني نعتبر انفسنا مشينا ربع المشوار في إجراءات الوظيفة ونسأل الله أن يمن علينا وتقر أعيننا بإذنه تعالى

دع الحرص على الدنيا وفي العيش فلا تطمع
ولا تجـــمع من الــــمال فلا تدري لمن تجـــمع
فإن الــرزق مقســـــومُ وســـوء الظـــن لاينفع

الله يعطيك العافيه اخوي دبلوم اتعبناك معنا
والله يوفقك ان شالله بالمكان اللي تتمناه
مادام الدفعه الثانيه باقي عليها شهر نصبر مثل ماصبرنا 7 سنوات
ومثل ماقلت اللي طابق الا ما يتم ترشيحه بحول الله
الله يوفق الجميع
انا من الزعل امس والنرفزه قلت ابطلع واترك المنتدا واخبار الوظيفه بس ماقدرت افارقكم ولاتابعكم
الله يوفقنا جميعا
شكرا

على ربك

بخصوص من ظهرت أسمائهم في الترشيح .. ماهي المرحلة التالية ؟ هل معنى ذلك أنه تم توظيفهم ؟
أم هناك مرحلة متبقية ؟
وكم تستغرق إجراءات المباشرة ؟

كلنا بنترشح انشاء الله

اخوي الظفيري أنا معدلي 3.64 , و كلامك صحيح لأني رحت اليوم الديوان أسألهم عن وضعي قالوا لي عندك خطأ في تاريخ التخرج و هذا اللي خفت منه طحت فيه , لأني مسوي تجديد للوثيقة و بالتالي صار تاريخ تحرير الوثيقة متأخر سنتين عن تاريخ التخرج ,و لكن الحمد الله جبت لهم صورة الوثيقة القديمة اللي فيها تاريخ تحرير التخرج الأصلي و تم إرفاقها مع خطاب و مجموعة صور أوراق و ارسالها إلى مدير الخدمة المدنية و قالوا لي تعال لنا يوم السبت علشان تشوف إيش صار .... الغريبة أن الموظف وقت المطابقة ما قالي عن هالقضية .
إن شاء الله خير يتم تعديل التاريخ و نلتحق بالمرشحين حتى لو على الدفعة التالية .

اخوي دبلوممحاسبة مشكور على ما تتحفنا به من أخبار و متابعات .