هنا تجمع دفعة (2010)متقدم في الخدمة المدنية من حملة الدبلوم

احمد المطلق · #**761** (**permalink**) 14-07-2012, 02:00 PM

اقتباس:

المشاركة الأصلية كتبت بواسطة خالد علي العليان

صبحكم الله بالخير
اخواني ابسأل اللي عنده علم او صار عنده خبره بموضوع الترشيحات
السوال الاول :
هل قسم الالكترونيات التوظيف فيه شحيح وقليل يعني راح اتاخر بالتوظيف ؟
السوال الثاني:
متى توقعون الترشيح القادم هل قريب ام على بداية السنه القادمة ؟
السؤال الثالث :
انا رقمي او ترتيبي 18 تتوقون لو نزلو ترشيح راح يكون لي نصيب من الوظايف او بعيد بنسبة لتخصصي ؟
شكرا لكم جميعا اتمنى تردون على لان الهم اقل عمري وغثى القطاع الخاص اتعبني
لاكن الله سبحانه بيرزق بعزه عاجل غير اجل.

1- قسم الالكترونيات الطلب عليه يشبه الطلب على قسم الحاسب يعني أقل بكثير من الادارة المكتبية و على فكرة انا مثلك تخصصي في الثانوية الصناعية الكترونيات و معدلي قريب من معدلك لكن اللي بيساعدك باذن الله هو تاريخ تخرجك القديم نسبيا و معدلك العالي كما رأيته.

2- لن يكون هناك ترشيح قبل أن تطرح دفعة مطابقة ثالثة للدبلوم و بعدها بشهر أو شهر و نصف تنزل دفعة ترشيح جديدة و يكون فيها ناس من المطابقين القدامى ,بالنسبة لدفعة المطابقة الثالثة قد تطرحها الخدمة المدنية في النصف الاول من شهر رمضان بناءا على نظامهم في الدفعات السابقة و الله أعلم .

3- ان شاء الله يكون لك نصيب أهم شيء الصبر و التوكل و الثقة بالله سبحانه و تعالى .

احمد المطلق · #**762** (**permalink**) 14-07-2012, 02:03 PM

اقتباس:

المشاركة الأصلية كتبت بواسطة تركي ا

السلام عليكم
متخرج 1429/08/02 من معهد العالمية للحاسب والتقنية
ومعدل 2.91 من 5.
دبلوم سنتين حاسب الآلي (تقنية برمجة)
ومقدم على الخدمه المدنيه عام 1431 في شهر 1 وكذلك على جدارة
وماطلع اسمي للمطابقة

اخوي سبب تأخيرك هو أنه فيه ناس كثير أقدم منك في تاريخ التخرج ,, ثاني شيء معدلك مش عالي , لكن ان شاء الله يجي نصيبك لا تستعجل .

الحيراان · #**763** (**permalink**) 14-07-2012, 04:01 PM

اقتباس:

المشاركة الأصلية كتبت بواسطة عبدالله آلظفيري

ذاك اول مافي معايير لكن في وقت البراك المعايير موجوده

وراح يجيك الدور لا تخاف لكن السؤال هل معلومات مطابقة لماسجلته على الموقع

وش قالك الي في الديوان اذا قالك كل شيء مطابق انتظر شهر 11 او عشرة وراح تشوف

لاني لاحظت وقت الترشيحات تتشابه في السنة الماضية والسنة هذي

حيث اعلنوا الترشيحات في شهر 6 و شهر 8 وشهر 10 ثلاث دفع للدبلوم

وهالسنة اعلنوا شهر 6 و الحين 8 وباقي دفعة لنفس السنة

الله يسمع منك يا اخوي عبدالله

موظف الديوان خذ الشهادات وعطاني ورقة بأستلام صور الشهادات واتوقع جميع اللي طابقو اخذه نفس الورقة ..

اتمنى يكون كلامك صحيح وفيه دفعة في شهر 10

يـــــــــــــــــــــــــــــــــــــــــــــــــ ـــــــــا رب وفقني ووفق اخوتي جميعا

أخوكم
بوأحمد

ahmadka · #**764** (**permalink**) 14-07-2012, 09:13 PM

السلام عليكم

يا شباب في قريب لي تعين في الحوطة فرع وزارة التجارة وهو يبي جدة مكة الباحة ابها المدينة الي يبي الحوطة يتواصل طبعاً المرتبة الخامسة دفعة الدبلومات الاخيرة
اسأل الله العلي القدير أن يكتب لنا ولكمـ جميعاً التوفيق والسداد

سابك في قلوبنا · #**765** (**permalink**) 14-07-2012, 11:09 PM

مبروك تستاهلون وبالتوفيق الله يسعدكم

واحد ثالث · #**766** (**permalink**) 15-07-2012, 04:18 PM

طيب
فيه فرق بين المطابقة سنة 1431 والمطابقة سنة 1433 ؟

عبدالله آلظفيري · #**767** (**permalink**) 15-07-2012, 04:42 PM

اقتباس:

المشاركة الأصلية كتبت بواسطة زنبق الياقوت

اخوي عبدالله

ممكن تعلمني كيف احسب النقاط

انا خريجة دبلوم ومعدلي 3.4من 5
متخرجه 4/1/1414

لك الشكر

اول شيء تحطين معدلك الي هو 3,4 تنقصين منه 2,5 وتحسبينه
طبعاً يطلع لك تسعة من عشرة
تضربينه في عشرة يصير 9 نقاط هذا من ناحية نقاط الشهادة
وعلى التخرج على كل سنة 3 نقاط الى تاريخ التسجيل
يعني لو انتي سجلتي في عام 1431 توقفين عند هالسنة ماتحسبين نقاط
على السنة الي تجي بعدها اما من ناحيتك انتي تخرجتي اكثر من عشر سنوات
علشان كذا راح تجيك نقاط على الحد الاعلى الي هو عشر سنوات ويحسب لها 30 نقطة
عندك هنا 30 و 9 نقاط و تضيفين عليها 50 نقطة الي هي تعدل 2,5 الي ماحسبنها من قبل
لانه نظام الخدمة المدنية يحسب من 1 الى خمسين نقطة والي فوقها نصف نقطة
بحد اعلى 75 نقطة لشهادة

انتي نقاطك 30+50+9 = 89 نقطة

ملاحظة الحد الاعلى لنقاط 95 نقطة اعلى منها مايحسبونه

عبدالله آلظفيري · #**768** (**permalink**) 15-07-2012, 04:51 PM

اقتباس:

المشاركة الأصلية كتبت بواسطة احمد المطلق

هم قالوا لي على المرتبة السادسة , بس مدري أي درجة , الأولى أو الرابعة ؟
و قضية البدل هذه ما أدري عنها كذلك ... هم على أي أساس يعطون البدل ؟ على مسمى التخصص أو على بعد المكان ؟

بسألك بعد ... يعطون راتب إضافي أول ما اشتغل يعني غير راتبي ؟ و الا كيف ؟

نعم يعطونك بدل اذا كان مسمى وظيفتك ناسخ آلة او مسجل معلومات وعلى ماسمعت من احد الاخوة يقول مبرمج يعطونه وكل واحد على حسب تخصصة اما كاتب والشغلات اليدوية مايعطونه ويسمونه بدل طبيعة عمل لانك لو استخدمت الحاسب على سبيل المثال ناسخ آلة كل الموظفين يجون له ويقولون له اكتب لنا كذا وكذا وهو الي يشيل الشغل فوق تحت والمبرمج بعد كل ماخرب جهاز يجيبونه له يقولون له صلحة و برمج لنا
اما سالفة بعد المكان مالها شيء الا اذا كنت موظف في هجرة بعيدة عن السكن اكثر من 100 كيلو متر يجيك 250 ريال فقط

ايوة يعطونك راتب اضافي لكن مايصرف لك من اول يوم
يصرف لك بعد ماتغيير المهنة عن طريق الاحوال المدنية وترفعها لشؤون الموظفين
بعدين يصرف وشوف كم يبيله علشان يجيك ممكن شهر او شهرين وفي بعض الوزارات 6 شهور

حط في بالك انك بتشتغل نصف شهر او شهر من دون راتب خذ احتياطك

على مايخلصون يحطون اسمك في المسيرات والرواتب

عبدالله آلظفيري · #**769** (**permalink**) 15-07-2012, 05:02 PM

اقتباس:

المشاركة الأصلية كتبت بواسطة احمد المطلق

اخوي عبد الله الظفيري معليش على كثرة الأسئلة بس انت اخو عزيز و صاحب مواقف طيبة مع الأعضاء في المنتدى ..

باستفسر منك انت لما رحت للكشف الطبي سووا لك على طول أو عطوك موعد علشان الزحمة ؟

و بالنسبة لمقر عملك في المدينة رحت أول مرة بالنقل الجماعي أو بسيارتك ؟

أكيد عطاني موعد لاني في الاحساء مثلك زحمة غير طبيعية وكان على ايامي الترسيم يفحصون معنا وفي ناس تفحص حق الحج علشان كذا عطاني موعد بعد اسبوعين الله يهديهم
اخوي حاول تشوف لك واسطه السكرتي هو راس البله يمشي ربعه و يجطل فينا .

لا اخوي مارحت بالنقل الجماعي انا رحت بالسيارة على طول و المشكلة ان فرع وزارتي في جدة يعني مو المدينة وتنتهي السالفة رحت جدة وخلصت امروي واستأجرت يومين على ماتخلص الاوراق وبعدها رحت للمدينة المنورة

لاني لو مارحت بالسيارة كان توهقت

لاني راح استأجر سيارة او اني اروح بتكسي وراح استأجر شقة مفروشة مؤقته وراح ادفع للاكل

يعني ممكن في شهر اخسر اكثر من راتبي بثلاث مرات

شقة مفروضة بـ 250 في اليوم واذا لفقت روحك في غرفة بـ 150 ريال مايعادل 4500 في الشهر
تكسي في اليوم 40 او استأجار 60 خلنا نحسبها من 50 ريال مايعادل 1500 في الشهر
وعندك الاكل 50 في اليوم مايعدل 1500 ريال

حطيت هذا في عين الاعتبار علشان كذا مسكت الطريق بالسيارة ولاني اعرف طريق المدينة انا مسكت طريق المدينة مرتين قبل التعيين

علشان كذا مافرقت معاي اشرب بايسن وتوصل اي مكان تبغى تروحه يعطيك طاقة كبيرة

عبدالله آلظفيري · #**770** (**permalink**) 15-07-2012, 05:11 PM

اقتباس:

المشاركة الأصلية كتبت بواسطة ahmadka

السلام عليكم

يا شباب في قريب لي تعين في الحوطة فرع وزارة التجارة وهو يبي جدة مكة الباحة ابها المدينة الي يبي الحوطة يتواصل طبعاً المرتبة الخامسة دفعة الدبلومات الاخيرة
اسأل الله العلي القدير أن يكتب لنا ولكمـ جميعاً التوفيق والسداد

كيف يقدر ينقل الواحد قبل اكمال سنة
السنة التجريبية