السلامـ عليكمـ ورحمة الله وبركـــــــــــــــــاته

كيف حالكمـ جميعاً أرجو أن تكونوا بخير وأفضل حال

من فترة وأنا أعاني من مشكلة النومـ بمعنى لا أنامـ إلا قبيل الفجر بساعة أو ساعتين

لكن أضطر أواصل حتى لا أضيع صلاة الفجـــر.

لقد ضقت ذرعاً وأرغب في حل المشكلة دون أية عقاقير أو أدوية

لذلك من لديه حل فليفضل به وله جزيل الشكـر

ساعات تجيني نفس حالتك واواصل ويوم تجي 10 بالليل انام واعدل نومي موفق ولاتنساني من صالح دعائك

وعليكم السلام
مع القعده في البيت لاتفكر بتاتا البته انا نومك يتعدل اكثر من7ايام
نفس المشكله معايه انا اواصل اشرب ثلاجة قهوه بالزنجبيل مو بالهيل
لان الهيل يضر القلب وخصوصا اذا كنت مواصل تحس ان قلبك بيطلع من صدرك مغير تمسكه عشان لايطير هههههههه
طبعا اواصل الى الليل ولاجات الساعه 10 او 11 حطيت راسي
النظام هذا حده من 3-7ايام وبعدها ينقلب
ونرجع من جديد نعدل ونزبط

والله وانا اخوك كنت زيكـ بس كنت عاطل
ااواصل لين صلاة الفجر ثم ارقد حتى الصلاة احيانا اتركها واحيانا
اصلي لين ربي رزقني بوظيفة والان صحيح اني اسهر لين 12 او 1 وارقد
بس اقوم الصبح 7 واداوم
بس شوف اذا جبرت نفسك وغصبت نفسك صدقني انك بترقد
بس اهم شيء لا تفكر وانا داري اللي يعاني من مشكلة النوم
يفكــر كثير بس سو مثلي تسدح واقرا المعوذات وغمض عينك وبترقد ان شاء الله
لا تنساني من صالح دعائكـ

بالمناسبة أنا ما استخدمـ المنبهات من قهوة وشاي وبايسن .. إلخ يعني ما لها ذنب

مليت من وضعي المتشقلب ليلي نهار ونهاري ليل

ليلي ونهاري ماينطاق ههههههههه
يـ ابن الحلال أنت تفكر وذبحك التفكير أغلب الناس كذا لأتاخذ منبهات ولا منومات أظبط الساعه البوليجيه الي هي ساعة النوم وخلك على نمط معين علشان تاخذ أقصى قدر ممكن من فائدة النوم

اذا عاطل توقع ذا الشي ان نومك بينخبص اخوي موظف واذا جاته اجازه انعفس نومه عادي

وانا مثلك اواصل عشان اصلي الفجر ونادرا جدا انام بدري واذا نمت بدري الله لايهينك حط منبه الجوال تحت راسك وبيصحيك وقت الصلاه عادي

الحمدلله عالعافيه اعرف ناس ماتنام الى بحبوب عندهم ارق ونومهم ساعه بس الحمدلله عالعافيه

الله يعينكـ اما انا ما ذبحني غير الارق وكثرة التفكير واحينا قسم بالله غير ابلع ثلاث حبات هستوب
ولا من النوع الثاني حبوب نسيت اسمها مثل الهستوب تجيب النوم ابلع منه كم حبه وبعدها انااااااام لكن اقوم مصدددددع بسبب هالحبوب ,,
المهم واناخوكـ ادعي ربك يعدل احوالنا وحوالكـ

__________________

أنا عاطل مؤقتاً( بسبب الجامعة ) والوضع مزري ..

خيال شهران .. الكلامـ سهل بس كيف أطبق ؟!

وعليكم السلام ورحمة الله وبركاته

بقول لك أنا إيش أسوي لما يصير لي كذا

أحط السماعات وأشغل البقرة (بصوت ناصر القطامي) والله تجيك رااااحة مالها مثيل وشوي شوي بيدخل فيك النوم صدقني وجرب حملها mp3 وشوف النتيجة
ولا وإنت منسدح استغفر 1000 مرة صدقني بتنام قبل ال100 عاد ماأدري الشيطان هو اللي ينومك علشان ماتكمل أو من التعب ولا ربي يفزع لك..

المهم قلت لك أتكلم عن تجربة

ربي يوفقك

ونتمنى لك نوما هنيئا..