السلام عليكم ورحمة الله وبركاته اخواني هل الرجل لازم يكون الوجة او يكون بطريقة معينة مثلا يكون لابس عقال وعمامة ويكون شكلة على صورة معينة ولا الرياجيل بلافعال ماله دخل اشكالهم او غيرة

بعض الرجال سمكه زين**مثل نجر عند ابن حويل وتدقه مره

الرجال مخبوره والبلد به نظام ......... لو سمعنا هدير ولو سمعنا رمي



وكن رجلا على الاهوال جلدا ............ شيمتك السماحة والوفاء



الرجال ... هو الي يسوي مايفرض عليه عقله بكل شفاوه بالوقت المناسب وبسرعه وبدون تشكيك حتى

ون أخطاء فهذا درس والرجل لايتعلم من غيره المرجله بل يصنعها لنفسه وبنفسه


انا ولا فخر رجال يسموني رجعي متخلف بس انا افتخر كثير ولو اني محااارب جدا

بسبب شخصيتي الدينامكيه وهي من انجح الشخصيات واكثرها تأثيرا على الفرد

من الاخر .. الرجل له مبادئ اذا تمسك فيها وأستمر راح يهابه الجميع


واذا غير المبادئ لارضاء الجميع يفشل في ارضاء نفسه والجميع

ويخسر الاثنين

سالفة الموضشوع خويي يوم شفنا رجال وجهه قالي خويي هذا مهب رجال قلت ليش قال فيه اشكال وناس ماهي رياجيل لو تمرجلوا قلت الله يشفيك وشرايكم فيه بكل امانة وهل كلامة صحيح

الرجال تبين بالمواقف الصعيبه وصقعات بقعاء

مو بالشكل

شاكر مروركم الكريم نعم الرجولة ليست بالاشكال ياكم وجهه قبيح امير قومة

الرجال مخابر وليس مظاهر

بعض الرجاجيل عندهم نظره بالشخص ويعرف الرجال اللي بمعنى الكلمه... واللي مو رجال
والرجال افعالهم تشهدلهم وتعرف الرجاجيل بوقت الشده واصعب المواقف

__________________

الرجاجيل كنوز لابنطقه ولاطريقة كلامه ولا شكله

هذي قصيده تبين بعض صفات الرجوله حبيت انقلها لكم بس مايحضرني اسم الشاعر


الرجوله والتفاخر والبطوله ... ماهي بلبس البشوت وبالعمامه


ولاهي بعرض الجسم ولا بطوله ... ولاهي بحلو الكلام ولا الوسامه



ولاهي بكثر الدراهم والعموله ... بعض جمع المال فاخرته ندامه


البطوله والتفاخر والرجوله ... والشجاعه والكرامه والزعامه


كيف تعرف ربك وتعرف رسوله ... كيف تثبت مع طريق الاستقامه


كيف تفهم دينك وتعرف اصوله ... كيف تفصل في حلاله من حرامه


ماتقصر في حقوق اللي تعوله ... تعطي حقوق البشر طيب وشهامه


وتاخذ حقوقك على صعب وسهوله ... بالعقل والفكر ماهو بالغشامه


كل شي ن بالصبر تقدر تطوله ... كم صبور ن صار له بالمجد هامه


صح اساس المرجله سن الطفوله ... مع بدايات الولد تظهر علامه


كان جاته تربيه ماهي كسوله ... بالرعايه والدراسه والفهامه


بس كل ن ينشدونه عن فعوله ... عن صلاته عن زكاته عن صيامه


والعرب تعرف نشاطه من خموله ... هو بنفسه لاحرص يرفع مقامه


اختصر كل الكلام اللي بقوله... واختصر وصف الرجوله في ختامه


والله ان لو كنت ولد اشهر حموله ... كان مابك دين تزهاك الرخامه


وسلامتكم