صح السنتكم ومشكورين

أنت قلتها الرجال مخابر مهب مضاهر
وخذها قاعدة وانا خوك
الي يجيك يتفلسف ويقول انا اعرف الرجال من نظره********قله خف علينا يا زرقاء اليمامه لا تاخذ علم من احد والرجال تبين علومهم لا اشتد الحال واحتجت وفي الحقيقه هم عملة نادرة الأن

مشكور ياخيال

عاد ياشين الرجال الا مايهمة الا الترزز بالغترة والعقال

يقطع و ياصل بالهرج في مجالس الرجال تحسبه سنافي

ويوم يرجع البيت يصير قطو تتحكم فيه الحرمة يمين ويسار ..

اللهم لاشماته ..


الرجال بأفعاله مو برزة عقاله ..

اول شي اللي يلبسون شماغ وعقال مااااتوا

ثانيا لازم الرجال يهتم بخشته مايعني انه رجال خلاص مايهتم

احنا بزمن نحكم ع الشخص من شكله

ضبط وضعك ورتب خشتك وشف الفرق

وبس ...

^^
لا والله ماماتوو وليتهم مايموتون يازيين الكشخه بالثوب والشماغ والعقال ..

اما الرجال مخابر والا مظاهر انا اقووول الرجال مخابر لكن من اللي خابر ؟؟ فسرووها عاد خخ .. الله يرحم الحال بس ..

وعليكم السلام ورحمة الله وبركاته

اهلا وسهلا اخوي رجل غيور

بالنسبة للشماغ اللي هو من صلب ثقافتنا موب من اختراعنا

هذا جاي من انجلترا

اما العقال فأصله كان عقال الناقة وصاحب البعير كان يلفه لفتين على ركبة الناقة وركبة الناقة موجودة في يده وليست في رجله مثلي

ولما يركب الناقة كان يلف العقال حق الناقة ويحطه على راسه

يعني الاولين كان عرابجة في زمننا هذا

بمعنى ان رجاجيل زمان كان يمشون بعقال بدون شماغ

زي المنسمين في زمننا هذا


يعني الشماغ موب من ثقافتنا ولكنه ادخل علينا وصار الزي الرسمي


زيه زي الونيت