يسعد صباحكم

توني دقيت ع مكتب لدكتورة ايمان وسألت عن نتائج القبول
وسألتني عن قسمي قلت لها حاسب آلي قالت ماطلعت احتمال الاسبوع الجاي

ومن اسبوع في اسبوع يعني غنوا ياليييل ماطولك

الله يكتب اللي فيه الخير للجميع

انا للاسف رحت وقالوا بعد اسبوعين تطلع واذا ماطلعت تعالوا اسالوا ونجاوبكم بس الحين ما نعلم احد...يعني مالنا الا الصبر والله يصبرنا ان شا الله...المشكله وحده بش هي المرشحه في كل قسم مب اكثر هذا الي يحبط شوي مع اني احس الاحتياج اكثر من وحده بش الشكوى لله...هذا بالنسبة للمحاضرات اما المعيدات مادري كم مطلوب....الله يكتب لنا الخيرة يااااارب

الله يستر ويسمعنا خير
وربي يوفقنا ويكتب لنا الصالح


ان غداً لناظره قريبُ

لا حول ولا قوة الا بالله
ربي يسر امورنا ووفقنا وجميع المسلمين


يارب الطف بشعب سوريا

بنات صباح الخير
دوبي كلمت مكتب الدكتوره ايمان وتقول نهاية الاسبوع يمكن تطلع النتائج مو أكيد
ما ادري يلعبون علينا ولا صادقين
الله ييسرها من عنده ويرزق الجميع من واسع فضله

السلام عليكم جميعا

اخواتي اتصلت على مكتب الدكتورة ايمان
تم تبليغي بما يلي :
الاوراق لدى ادارة الجامعة سوف يتم التدقيق و المراجعة لاوراق المتقدمات ثم تعاد الاوراق الى الكليات مره اخرى ثم سيعقد مجلس كلية للموافقة النهائية و تبلغ الاقسام بالنتيجة النهائية و القسم هو من يقوم بالاتصال بالمرشحات

سوف يستغرق الامر من اسبوعين الى ثلاث اسابيع من الان لذلك ريحوا بالكم و اشغلوا انفسكم بشي مفيد و لا تنسون ذكر الله .. عليكم بالاستغفار ..

الله يكتب للجميع الخير و التوفيق

السلام عليكم
أخواتي تو دق عليه قسم الحاسب من جامعة الاميرة نورة وقالت لي
ان الجامعه محتاجه معيدات للترم الجاي نظام الاجر بالساعه (يعني ع قد المحاضرات اللي اعطيها يعطوني راتب )
وسألتها هل الوظيفة ذي رسميه ؟؟ قالت لا

وتقولي من بكرة تجين تستلمين جدولك

المشكله انا متردده بصراحه الوظيفه مو رسميه ولما سألتها هل فيه تثبيت قالت مدري

يوم ان الجامعة محتاجه ليه مايوظفون رسمي ؟؟؟؟؟

وهل معقول ان كل اللي تقدموا للكليه محد فيهم توظف رسمي
او هم سياستهم كذا ؟؟؟


وش السالفه بالضبط مو فاهمه شي

تكفوووون اللي تعرف شي او مثلي ترد

مشكورة أختي ع الرد

انا ي قلبي من سكان الرياض والجامعة بجنب بيتي
وجاتني وظيفة تدريس رسمية بس خارج الرياض
طبعا لان جامعة نورة تأخرت علينا بالموضوع اضطريت اكمل إجراءات التعيين في وظيفة التدريس
لان المثل يقول عصفور باليد احسن من عشرة ع الشجره

انا مرررره حلمي اني اصير معيده لان طموحي اكمل دراسات عليا بس يكون ابتعاثي عن طريق جهة العمل عشان تكون وظيفتي اذا رجعت موجوده مو اجلس ادور عن عمل حالي حال اللي شهاداتهم ثانوي وبكلريوس

يعني لو التثبيت مضمون او يكون لي اولوية التثبيت لو فيه شواغر ماحتردد
بس مدري !!!!!!!!!