ليه البنات مو مثل الشباب من ناحيه !!!!

كل القصائد · #1 (**permalink**) 09-04-2012, 09:40 PM

بسم الله الرحمن الرحيم
من خلال تصفحي وقراتي المستفيضه في قسم المشاريع والافكار لاحظت ان الشباب يتعاونون مع بعض هاذا يطرح فكره ويطلب تمويل مادي وهاذا عنده مبلغ مالي ويبي افكار وهاذا يبى شريك وغيره ولاحظت من بعض الاخوات وخلال طرحي لموضوع خاص بي في نفس القسم عن طريقه استثمار مبلغ 10 الالا ف وجدت بعض الاخوات عندها نفس المبلغ اوا كثر السوال الي محيرني كثير ليه حنا البنات مانتعاون مع بعض ونستثمر اموالنا ؟؟؟ بمعنى نسوي لنا قروبات والي في نفس المنطقه يجتمعون مع بعض في اي مكان ويتفقون على مشروع هم يشفون انفسهم فيه على حسب الامكانيات الماليه والجهد المبذول وعلى حسب الميول وماهي مردودات هذا المشروع الماليه وش رايكم في هذا الاقتراح بدال البنات مو حاطين اياديهم على خدودهم وينتظرون الوظائف الحكوميه جداره وغيره لو انتظرتم 100 سنه ماراح يجيكم شئ بعد التعينات انا مااحبط البنات لكن ابيكم تشدون حيلكم انا حاليا فكرت اني اشترى عماره وناجرها بس نبي قروب من البنات كل وحده وراس مالها باسم "قروب بنات الطائف احلى "ارجوا الجديه واخذ الموضوع بعين الاعتبار
ملاحظه :ابي الاخوان والاخوات بالمنتدي يتفاعلون مع هذا الموضوع خلاص هرمنا من البطاله وانتظار جداره الكذابه ابي ابدا بمشروع نبي نتحرك
شكرا جزيلا للجميع

اميرة فاس · #2 (**permalink**) 11-04-2012, 11:16 PM

فكرة ممتازة

تم التحديث · #3 (**permalink**) 11-04-2012, 11:19 PM

انا ماعندي وحتى لو فكرت بمشروع لازم راس المال ولازم محرمك يجري ويخلص معاملاتك

هنلاي · #4 (**permalink**) 13-04-2012, 07:23 PM

بسم الله الرحمن الرحيم
فكره حلوه اذا كان الاجتماع شهري ...
البنات احسن شئ ويربح هو بالنت تصميم تسويق متابعه....
يعني لوموقع خدمات كامل وكل وحده متخصصه بشئ تحفه او متجر وكل وحده تمسك شئ وتدور وتنشر رايط المتجر وهي مساهمة به

سَ أكون · #5 (**permalink**) 13-04-2012, 08:44 PM

حبيبتي البنات غير

ماتقدر تتطلع اي وقت وتستفسر ومثل ماقالت الاخت اغلبه بيع وتجاره ف النت

وكلامك حلو بس مين ح يوافق عليه ويضمن ؟

مو حلوه وبس رائعه فوق ماتتصورين وربحها جميل ،،

بس لازم بنات ثقه مو اي وحده ،،

فكرة ديزاين · #6 (**permalink**) 13-04-2012, 09:01 PM

موفق بإذن الله ... لك مني أجمل تحية .

. لاتعليق على الطرح والله يوفقكم..

حروف · #7 (**permalink**) 13-04-2012, 09:49 PM

مشكلة المعاملات كلها تحتاج لرجل مايعترفون فينا كمواطن عاقل يقدر يدبر اموره بنفسه !

للصرقعه عنوان · #8 (**permalink**) 17-04-2012, 12:57 PM

اي والله صادقه
انا نفسي اسوي مشروع خياطه
بس اليد ماتصفق

ا بزنس مان ا · #9 (**permalink**) 17-04-2012, 04:42 PM

بس عماره مره وحده ؟!!! ... صعبه شوي ... قولي مشغل نسائي ويكون كل وحده تشارك بملغ معين وتشارك بخبرتها وتكون موظفه بالمشغل ... المشغل على بعضه ما يتعدى 80 الف ريال بالكامل وشدوا حيلكم بالشغل والله بيوفقكم ويرزقكم ان شاء الله