خلاص أخصائي دخل الأمن الله يوفقك يارب وتوصل إلى احسن مكان

شوف ياذيبان

العسكرية كضابط وفي قطاع ممتاز تجمع بين الراحه المكانة والراتب ومميزات الضباط الاخرى

ولكن احسب انك بتجلس سنتين في الكلية هذا غير ان ماعندك الا المكافئة وبعدها المستقبل قدامك زاهر انشاء الله

التدريس من اول شهر راتبك كامل ودوامك مريح واجازات ماشاء الله تبارك الله

اللي يفرق ان راتب الضابط اعلى من المدرس ولكن المدرس بيستلم راتبه كامل من اول شهر

موفق

الامنية حلوووه بس ملاحظة تخيييل بعد الامنية حطوك بحرس الحدود بالخوبة وش شعوووورك

ألتدريس أفضل وأريح بكثيررر ..

اخصائي عزيزي ... بعض الناس تتفلسف ولا يدري وش الطبخه .. خذ العلم .. من معيد بالجامعه .. بالمرتبه الثالثه .. بكلية الهندسه .. انواع البدلات .. وابتعاث وكل شي .. والله اني بقدم استقالتي يوم السبت هذا الجاي لاني وكنت مقدم على القطاعات العسكريه ..

العسكريه ميزتها رواتب .. ولا فيها شغل رااااااااااحه ... التدريس غثا يبي له ذمه وضمير ولو قصرت او شي تتحاسب .. يعني لو تغلط بدرجه الطالب رااااح تتحاسب (اقصد انه حرام) و لان مو ذنب الطالب انك تغلط بدرجته والانسان مو معصوم من الغلط طبعا .. وان قصرت بالشرح برضه .. مسؤوليتها والله كبيره لمن يخاف رب العالمين ... انا اقولك انا صح مادتين مسكتها .. مافيه تعب ابد بس يااخي .. العسكريه فله وراااحه وشغلها قليل ولا يبي له احتراف .. يعني انت تسوي اقل من المطلوب تأدي الغرض .. وكل الي اعرفهم مايداومون خميس وجمعه من الضباط
تقدر تبني مستقبلك بسرعه ... ولو تقاعدت كونت الف علاقه ومعرفه ..يعني صدقني ماراح تخسر اما التدريس لو تتقاعد !! ايش تستفيد !؟

استخير وربي يوفقك .. كنت اشوف ردودك وانت تتمناها .. ومتشفق لها ... وادعي لك .. سبحان الله الحين كأنك ترددت ... صدقني فكررر زين .... وشوفني انا معيد .. وبقدم استقالتي ! وبشوف لي اي شغله ثانيه

هذا زمن المادة بصراحه

يعني رواتب المعلمين تبدآ من 8025 ريال

عكس الامنية الي تبدآ تقريبآ من 12000 ريال

بس الفرق الراحة في المدنية

لكن التعليم ليس تعليم قبل 20 سنه كان الافضل

وفي الاخير استخير وشوف رغبتك

الله يوفقك يااخصائي

طيب وش رايكم وظيفه حكوميه في التعليم العالي عند اهلي راتبها 6200

او الامنيه بجد ابي رايكم

هلا وغلا بصديقي العزيز اخصائي

ياخي لك وحشه والله .. والف مبروك القبول في الامنية .. انا ماحصل لي نصيب والحمد لله المدنية ابرك من العسكرية
حصلت لك موضوع حق الاستفسار عن الافضل الكلية الامنية او التعليم

بقولك رايي بكل صراحة .. والله ماقول هالحكي الا من غلاتك واعتبرك من اخوي واكثر

ركز معي وافهم زين

والله ان المدنية فرق السماء عن الارض والمدنية مو أي وظيفة وظيفتك معلم تدري وش معلم
يعني راتب + راحة + اجازات دون الرجوع الى احد ولا موافقة مرجعك

مشاء الله المستوى الخامس 8050 ريال تقريبا وعندك بدل 20% تقريبا يطلع لك حوالي 9200 بالميت
تعديلك سنويا 510 ريال مشاء الله غير هذا راح يكون نصاب حصصك مايتعدى 14 حصة بالاسبوع
يمقن الساعه عشرة وانت في البيت .. بعدين فكر في التقاعد راتبك وانت معلم كامل وسن التقاعد 60 سنه
لكن العسكرية سن التقاعد 44 تقريبا يعني احلم توصل رتبة عميد الا اذا انت واصل مع الحكومة
والله لو انا اتعين معلم وانا تخصصي للغة عربية
يعني راح يكون راتبي 8050 فقط وعندي نصاب حصص فوق 24 حصة بالاسبوع
اروح مدرس واشتري راحتي عاد اشلون وانت اخصائي نفسي وراتبك مشاء الله
وعملك قليل ..
ياخي اشتر راحتك وراحة بالك لاتغلط والله راح تندم
صدقني التدريس ابرك لك من العسكرية الف مره ... تطلع سبعه وتصلي الظهر في بيتك اذا تاخرت مره
والخميس والجمعه مريح واجازات وفله ووناسه ووين ماتبي تسافر تروح ماحد يرد
وراح تدرس فصل واحد ويكون فيه عدد من 7 الى 9 طلاب فقط ماحد يامرك ولااحد ينهاك ولااحد يمس كرامتك
ولاشموس ولاميدان ولا غسل حمامات ,
ولاحد يضحك عليك ويقولك الضابط مكانه كذب وكله مظاهر للاسف
انت رجال مكانتك باخلاقك مع الناس ..
بضرب لك مثال / لو فيه شخص خبل مثل وصار ضابط يعني خلاص صار رجال ؟؟؟ طبعا لا لان الخبل طول عمره خبل لاترفع رتبه ولا هم يحزنون
الي يرفعك اخلاقك مع الناس
بعدين عملك كمعلم وانت تدرس فئة خاصة هذا اجر وثواب من الله وتجزا به خير ..

صدقني اخوي لو انا مكانك مااستشير احد اروح مدرس بثوبي وراتبي مشاء الله كبير واريييح بالي
لاميادين ولا غسل حمامات ولاكرف ولا شمس واقعد سنتين انكرف واخرتها وشو ؟
عشان ملازم / والملازم اول يأمرك والعسكرية كل يد من فوقها يد

يمكن تتعين بحرس الحدود ولا القوات الخاصة والله تلعن الساعه الي دخلت فيها عسكرية
انت الان امام محك كبير وتحديد مستقبل فأختار التدريس ابرك لك ولهلك وعيالك من بعدك

انصحك لوجة الله وانا ماتعنيت وكتبت لك هالكلام الا من غلاتك عندي وابي لك الخير
والله يوفقك

سبحان الله وبحمدهـ سبحان الله العظيم