11-04-2012, 02:17 PM
|
|
Guest
|
|
تاريخ التسجيل: Jul 2011
الدولة: بيتنا
المشاركات: 839
معدل تقييم المستوى: 0
|
|
بسم الله والصلاة والسلام على خير خلق الله
هلا بك اخوي ابو مشاري
اخوي بالنسبة للسائق
اذا كنت موظف عسكري فسجل المعدلت باسم احد اقاربك او باسم زوجتك ا ذ ا كنت متزوج
لانه باسمك ما بيطلعون لك سواق
اما اا غير عسكري مو مشكلة تكون باسمك
وطلع كروت تشغيل للمعدات
وقدم على مكتب العمل وهم يعطونك فيز سواقين
اما بالنسبة للمبلغ
اخوي مبلغك زين ويجيب لك كم معدة على اقل القليل معدتين وافضل شي من رائيي القلابات والتريلات
القلابات تاجيرها بالشهر على شركات المقاولات او تخش مقاول بالباطن في احد المشاريع الحكومية الاجار يتراوح ما بين 8 الاف ريال الشهر الى 15 الف الشهر حسب الشركة وحسب الحاجة وغالبا القلابات شغالة سوا تاجير او لحسابك
واقل يومية لها ما تقل عن 300 ريال والاشغال واجد
اخوي انا ضد اقتراح اخوي متفائل بخير مع احترامي لرائية في قولة ان المعدة لا زم تكون جديدة او انك تشري جديد
بالعكس انا انصحك تشتري مستخدم ولاكن لا زم تستعين باهل الخبرة في ها المجال حتى لو تدفع اتعاب شخص خبير يروح معك ويجي لين تشتري
واتفق مع اخوي خذ فنجال في قولة انه لازم يكون عندك على الاقل معدتين وهو صادق عشان معده تشيل الثانية
ايضا اخوي لا تغل معداتك الى بسواق على كفالتك مهما كان العرض مغري
وتابع معداتك كل فترة وخلك حازم مع السواق او الشركة بالنسبة للمحافظة على المعدة
وانصحك لا تطمع في البداية خلك قنوع الين تتوفر بايدك سيولة وبعدها طور نفسك وزود معداتك قد ما تقدر
وانصحك حاول تكون علاقات قوية مع الشركات والمؤسسات الكبيرة واكسبهم عملاء قد ما تقدر
وايضا اخوي لا تبخل على اي شخص يجيب لك عروض او عقود تشغيل بالعكس اعطه حقة وحاول ترضية وشف كيف تشتغل معداتك ولا توقف
اخوي موفق وباذن الله تلقى خير
|
العرض العادي
