بسم الله الرحمن الرحيم

السلام عليكم ورحمة الله وبركاته

انا موظف في القطاع الخاص الراتب الحمد لله جيد وارغب بالعمل الحر استطيع توفير مبلغ مابقارب 300,000 حتى 500,000 الف ريال طبعا سلف ولكن من احد الاقرباء والسداد حسب القدرة يعني على راحتي ولا فيه اي ضغوطات نهائيا
انا من سكان الرياض عندي افكار مشاريع كثييرة جدا ولكن كل ما اخترت احدها واستشرت اصحاب الخبرة اتضح ان المشروع متعب جدا ولا يوجد جدوى تستحق التعب فيه مكسب ولكن قليل ،
انا مرتاح جدا في عملي وفيه مستقبل بإذن الله ولكن لي رغبة بالعمل الحر لاجلي والاستقالة من العمل لاجل الاخرين.
الاستفسار هو :
1-هل اتسلف المبلغ ؟ وماهو المشروع المناسب في نظرك؟
2-ام استمر في العمل لدى الغير.
طبعا الفكرة كلها اني كل ما بدأت وانا شباب كل ماكانت الفائدة اكبر يعني يستطيع الواحد يلاحق الشغل

كم لك في الشركة
ولا تنسى اذا استقلة
نقص التقاعد
انصحك ما تتقاعد الى بعد عمل 20 سنه
لكي تستلم نصف الراتب تقاعد
ــــــــــــــــ
الشي الثاني والاهم
ما هو ميولك
الشغله الي تحبها اشتغلها
ومبلغ 500 الف بأمكانك تشتري عماره وتجرها
وانت شغال في الشركة
وتسدد منها لصاحبك

هلا اخوي

اولا استمر في عملك نصيحه ولا تطلع الا اذا تجارتك نجحت وارتكزت واستمرت ساعتها اطلع

هل استلف المبلغ ؟ لا

ماهو المشروع المناسب في نظرك؟

اخوي السوق الحر مقسم الى كثير لازم قبل ما تتسلف المبلغ تحدد ايش القسم الي تبغى تشتغل فيه يعني قطاعي ؟ محلات اكشاك او جمله او تسويق او معدات او مقاولات الخ عشان الواحد يقدر يساعدك

ولا تستلف الا اذا عملت دراسه عن المشروع واتاكدت من كل شي

لا تنسى تستخير ربك قبل كل خطوه

اي استفسار انا حاضر

شف شغلك وش يحتااج إذ1 هي شركه كبيره .. فتقدر تسوي شريييكه صغيره وتصير كنتراكت مع شركتك ^__^

/
\
/
\

عندك ي طويل العمرْ . مثلا ارامكو تطلب شركااات تطلب شركاات نقل تريلات ، وتأجير بمباالغ كبيره توصل لـ 20 الف وعليك الحسبه ^__^ ...


الله يوفقك

والله شف ياخوي انا اشوف لك مبلغك جدا ممتاز أنصحك تاخذ امتياز لأحد المطاعم خارج المملكة مثل ناندوز ماهو موجود في السعودية كان موجود قبل فترة واتقفل بسبب صاحب المطعم زود أطباق من عنده مالها دخل في مطعم ناندوز وسحبو منه الامتياز تقدر ناخذ وكالة لاحد المطاعم المشهورة بالخارج مثل amigos ولا nandos ولا مطعم مسكوف العراقي الي له فرع في لندن وفي لبنان ودبي وبغداد أو خذ لك وكالة مطعم فاست فود في واحد مثل الماكدونالدز في باريس وطعمه احلى بكثير وهذي المطاعم لاخذ الامتياز مايحتاج لك تسوي حملة تسويقية ولآ يحتاج لك تجيب لك شيف طباااخ الا همآ يجيبون لك طاقم مدرررب من عندهم وأرباح مهوولة قسم بالله شوف مطعم جي بي كي في ستار افينيو صاحب المطعم احمد بدر بن لادن اخذ وكالة مطعم همبرجر في امريكا وجابها هنا روح شف كيف محله شغال مايفضى والمطعم ماصار له سنة وحدة وكلفه 300 ألف ريآل بالنسبة للخمسية ألف ماابتجيب لك شقة في مكان كويس انا اشووف اما تروح تسولك مشروع اما بالعقار تراه الحين بينزل العقار على اخر السنة ميه المية خذها مني أو روح أسآل واحد شغال في العقار اخر السنة العقار حينزل سعره اكثر من 20% في الناس هالحين معد تشتري عقار عشان تتاجر فيه لانه حيخسرون

انا بالنسبة لي انصحك في المطاعم لاكن تاخذ امتياز للمطاعم فقط أو خذ لك امتياز لمطعم ساب ويه sub way

السلام عليكم ارسلت لرسالة على الخاص

علما ً بان راس المال المطلوب للمشروع

من 200 الى 250 الف

عافاك الله على الفكرة

بالنسبة لحق الإمتياز هل تعرف عنها مثلا من يتحمل التدريب مثلا هل جميع مصاريف المشروع اتحملها انا ام يشاركني فيها صاحب العلامة التجارية الاصلي....الخ