قبل أسافـر كنـت جالـس فـي زمـان الإنتظـار
ارتشـف هــم المـكـان وكــل هـمـي حاجتـيـن
كنت خايف من يباس وكنت خايف من خضار
كنت اخاف انك تجيـن وكنـت خايـف ماتجيـن
ليـن شفتـك مـن ورى بيبـان صـالات المطـار
مقبله من كثر شوقك كنت اشوفـك تركضيـن
مـرةٍ ركضـك يميـن ونـظـرة عيـونـك يـسـار
ومـرةٍ ركضـك يسـار ونظـرة عيونـك يمـيـن
تايـهـه ماكـنـك الا ضحـكـةٍ وســـط انـكـسـار
سـاكـتـه مـاكـنـك الا دمـعــةٍ فـيـهــا حـنـيــن
خايفه..وجله..حزينه..يعنـي كنتـي بإختصـار
تشرحيـن لكـل جاهـل معنـى كلمـة عاشقـيـن
بعـدهـا جيـتـك ولــدت عيـنـك ودار الـحــوار
مـن كفوفـي دمعتيـن ومـن كفوفـك دمعتـيـن
كنـت أصـد وكنتـي أنتـي ثايـره مثـل الشـرار
ماعلى لدغة لسانك غير كلمـة ويـن؟؟ ويـن؟
واذكر انـي رحـت قبـل ابـدي لـك اي اعتـذار
رحت حتـى قبـل اطيـب خاطـرك فـي كلمتيـن
لكـن انتـي عارفتنـي زيـن واللـي صـار صـار
سامحينـي واذكرينـي قـد مـا انـتـي تذكـريـن
اذكريني لا انتهـت للشمـس رحلـه مـع نهـار
واذكرينـي لا صـحـا للصـبـح ورد الياسمـيـن
واذكرينـي لا لمحـتـي فــي لـيـال الـبـرد نــار
واذكرينـي لا سمعتـي للمطـر صـوت حـزيـن
اذكرينـي واذكرينـي واذكرينـي ..بإختـصـار؟
اذكـري فهـد المساعـد قـد مـا انتـي تذكريـن

وسلامتكم
اعتقد الشاعر عرفتوه..الشاعر المبدع فهد المساعد
اتمنى ان تكون نالت اعجابكم