بسم الله الرحمن الرحيم
السلام عليكم ورحمة الله وبركاته

لقيت عمل مندوب مبيعات بشركة كبرى راتب اساسي 3000 ريال بدل سكن 750 و500 ريال سعوده
وفيه تارقت او بونص ( عموله ) الفين ريال تزيد اوتنقص حسب مبيعاتك
وجاري انهاء الاجراءات * الوظيفه بالعربي بالواسطه * : / وهي انهم يسلمونك دينا فيها بضاعه( كراتين ) وانت تلف على الدكاكين توزع الكراتين منها مع التحميل والتزيل من الدينا

واذ بحافز يباغتني بهذه الرساله ويلخبط الحسابات

المرسل : TAQAT1
بتاريخ اليوم 11/04/2012 .. . لأني قبل يومين مخلص دورتهم ( التدريب الالكتروني )
تقول الرساله ( تم ترشيحك من قبل طاقات للتوظيف التابع لصندوق تنمية الموارد البشريه لحظور مقابله شخصيه للعمل لدى شركة زين بموقعنا بمدينه كذا الساعه كذا تاريخ كذا يرجى الحظور بالزي الرسمي )

الوظيفه الاولى احبها واحب العمل الميداني لكنها مسؤليه واجهزه وتسليم واستلام يومي و بضاعه وفلوس وسياره وفيها هجوله وتعب شوي ،، وعندهم دوره شهرين ويقولون لو فصلت قبل سنه تدفع 25.000 ريال رسوم الدوره . << اتحدى لو قالوا للعماله الاجناب للي موظفينهم من قبل دوره شهرين ولا 25.000 .!!

المهم


الوظيف الثانيه اللي هي في زين ماادري اش هيه لكن قريت عن شركه زين الشئ الكثير اللي يسود الوجه صراحة ً والكثير من الموظفين متذمرين منها أو بالاصح متذمرين من الشركات المتعاقده معها ؟؟ مدري وش رايكم بشركه زين هل يوظفوني او يوظفوني مع المتعاقدين ( وكيف مستقبلها ) واهم شئ كيف رواتبهم هل فيها تطور .

علماً اني شهادتي ثانويه تجاريه ( دبلوم محاسبه ) .
أفيدوني الله يجزاكم خير

واخيرا ستبدي لك الايام ماكنت جاهله
بالتوفيق للجميع

وعليكم السلام ورحمة الله وبركاته
لا تستعجل بالوظيفة الاولى وروح لـTAQAT1 وشوف الوظيفة اللي عندهم + عرضهم = وبعدها تقرر

وظيفة مندوب مبيعات تمثل لك مستقبل افضل لماذا ؟ لأن هي وظيفة منتشرة بالكثير من الشركات وانت راح تاخذ دورة وشرط سنة للعمل شرط بسيط جدا وترى السنة تمر عليك بسرعه .

حسب ما تقول فأن راتبك راح يكون اجماليه على الاقل 5500 راتب ممتاز كبداية لك في مشوارك الوظيفي وفي غيرك بدأو في المبيعات برتبة اقل وبراتب اقل ووصلو الى مراكز متقدمة وراتب اكثر من 10 الاف فالمبيعات والحركة فيها الكثير من البركة والخبرة وترى راح يشوفك ويراقبك ليس فقط مديرك بل حتى المدراء في الشركات الاخرى وراح تكون بسبب العمل الميداني علاقات مع مندوبين في شركات اخرى مما يجعل فرصة حصولك على وظيفة براتب اعلى في شركة اخرى كبيرة .

شركة زين وظيفتهم اكثر راحة لكن لو رغبت بالتحول لشركة اخرى لن تجد خيارات كثيرة فانت محصور بثلاثه مشغلين لهذا هم يعاملون موظفيهم بقسوة لعلمهم بقلة خيارات موظفيهم .

[align=center]الله يجزاكم خير جميعاً [/align]

الوظيفه الاولى استخرت واستشرت وصرفت النظر عنها من المستشارين وش قالوا لي المستشارين : )
قالوا وظيفتك الاولى حمّال .!! وظيفه بمستوى سادس ابتدائي يعني تروح تاخذ بضاعه وتوزعها وانت تخصصك محاسبه وتعبت ودرست محاسه واخترك حمال : / ومالها مستقبل ومشاكلها كثيره بالذات ( عملاء اجانب مشاكلهم كثير ‘ زحمة السير في مدينة جده ولا تطور وظيفي يعني حتظل حمال في الشمس وتقلب اسود ووووو

2/ رحت لطاقات ووظيفة زين
وهذا اللي حصل معي لأن في واحد ارسلي خاص يستفسر ويمكن احد يستفيد ولا يفيدني

الوظيفه كول سنتر ( ترد على استعلامات عملاء زين .. .

( هي عن طريق شركة رياده وليس موظف مباشر في زين يعني زين تطلب موظفين الكول سنتر من شركة رياده ) وريادة توفر لهم ذلك

رحت وقالوا لنا الراتب الاساسي 4.000 اربعه الاف ومع البدلات يوصل 5.000 وفيه عمولات يمكن يوصل 6.000
وطبعا نخصم منها تأمينات اجتماعيه وطبي يمكن الراتب اجمالي 5000 يزود او ينقص
وصلت الساعه 9.30 اعطانا موظف (زهراني نسيت اسمه لكن انسان ذكي ومحترف ما شاء الله عليه ) في طاقات محاظره كانت مهمه و سريعه عن العمل وعن طريقة العمل وعن الاساليب وطرق البحث عن عمل وكذا .. .
بعد ين قال اللي ماعند اسنعداد يعمل في جده يروح يعني عادي ينصرف ينسحب من الوظيفه
واللي الدغ في كلامه يعني مخارج الحروف مهي مظبوطه يروووح
واللي مايعرف ولاشئ في الكمبيوتر والانجليزي يرووح طبعا الانجليزي اذا تعرف اسمك وعمرك تعرف تقولها يكفي ولهم طالبن شهادة انقلشو لاكمبيوتر لكن بالانجليزي تمام والكمبيوتر وورد واكسل كيف تطفيه وكيف تسوي اعادة تشغيل .

الدوام 8 ساعات يوميا ويمكن اجازه يوم ف الاسبوع هذي اللي عرفته واي استفسار بالخدمه

هذا ماجرى معي ف المقابله الاولى وباقي مقابله ثانيه مع مدير في زين

ونسيت هم على حسب المقابله يحددون لك هل تحتاج دوره او لا انا ولله الحمج اثنوا علي في المقابله وقالوا تمام قولوا ماشاء الله

المقابله الشخصيه
انا السلام عليكم مع ابتسامه خفيفه
الموظف ( مسؤل التوظيف بشركة رياده ): وعليكم السلام استريح
انا جلست منصب الظهر شامخ الرأس شلولخ هههه الاخير احذفوها
اسمك ( قلت اسمي طبعا وصانا الاستاذ الزهراني انه بحكم طبيعة الوظيفه خلك ذيان انطق اسمك مع مخارج الحروف بشكل واضح وخل صوتك واضح ) وهذا ماحصل
وقال الموظف / تكلم عن نفسك .. .
طبعا سكت شوي ( مثل ماوصانا الاستاذ لا تستعجل في الاجابه )
واستحظرت بسرعه كلام وبدأت بسرده انا اسمي كذا ولدت في مدينةكذا ودرست بكذا وحاصل على شهادة كذا وووو اتكلم عن نفسي تقريبا ثلاث سطور وسكت وانا شاطر في التعبير .
قال / عطني صفتني ايجابيه وصفتين سلبيه : / ياليل السؤال المنشكح
سكت شوي وكمان شويت ومالقيت صفات ايجابيه قلت له ( الصبر ) وسكت
قال السلبيه
هنا جاوبت بسرعه ابغى اتفادى تأخري في الايجابيه .. و
قلت التدخين والسرعه بالسياره ههههههه
قال تحب التفحيط قلت لا اعوذ بالله - وانا صادق مااحبه الله يهدي المفحطين -
قال اش تعرف عن الاوفس
قلت اعرف اتعامل مع الوورد والاكسل و .. قال تمام
تكلم عن نفسك بالانجليزي
قلت ايام الي اسمي بالكامل عشان اطولها ههه وعمري وسكت
قال OK
وكانت نتيجه مرضيه وجواب التدخين كأنه لعجبه لأني كنت صريح
لكن استغفر الله ماقصدي اجاهر واعلم اني ادخن ( إن شاء الله اببطله قريب ) دعواتكم
بعدها اخذني موظف ثاني اختبرني في الكمبيوتر قال افتح الوود واكتب اسمك ووسط الكلام وغير حجمه كلها سهله
وقال افتح الاكسل سو جدول
وقال صور الصفحه اللي هو الزر جنب اف 12 ( اللي يصور الشاشه ) وطلعها طبعا اخراجها من الرسام بلصق
قال سو اعادة تشغيل للكمبيوتر وقال تمام
ناجح ولله الحمد باقي المقابله الثانيه مع مدير زين
و لكن حبيت اعلمك باللي صار وبالتوفيق .. .
دعواتكم بظهر الغيب