بسم الله الله الرحمن الرحيم

السلام عليكم
كيف احوالكم

ابغى منكم تدلوني على طريقة اكتب خطاب بالمدير واشتكيه للإدارة

اتجه الى مكتب العمل

والله مشكله جمع لك كذا شخص له نفس الشكاوى اللي بتقدمها

ترا شغل الواسطه جامد الايام ذي الله يوفقك ويعينك لو كنت على حق

تحياتي

طيب اذكر شوي تفاصيل
حكومي والا خاص
سبب الشكوى؟

قطاع خاص

ياخي اكثر من مرة اطلب اجازة اضطرارية مو راضي يوافق
رغم انه من حقي اخذ اجازة اضطرارية
هو توه متعين بس باقي ما ترسم

انتبه يقلب عليك .. حسبي الله على كل ظالم
والله يعينك ويوفقك

يااخي الاضطرارية ماهي أحباري يعطيك أياها أما الاعتيادية فمن حقك

بس مضطر اخذها

حبيبي أدخل على رئيسه !
أكتب خطاب بالبسملة والتحية واسم صاحب الشركة ..
وأكتب أني أحتاج لإجازة اضطرارية .. واذكر سببها ..
وأن المدير لم يوافق عليها عدد (--) مرة .
وانا بحاجة لها جداً لأسباب .. واذكرها ..

واكتب اسمك اخر شيء .. وأطبعه بورق رسمي
ووقع على الخطاب تحت اسمك ..

وقل : "بسم الله وتوكلت على الله ولا حول ولا قوة إلا بالله العلي العظيم"
فمن قالها كان الله معه وقالت له الملائكة : "كُفيت وهُديت ووقيت"

وأتجه بعد هالكلمة لمكتب رئيس مجلس الإدارة بالشركة ..
وأدخل على سكرتيره وقله أبي اقابل صاحب الشركة اللي هو رئيس مديرك .
منا منا ما ما ماهوب بموجود بعدين .. "أبي أقابله الآن بشكل ضروري وهام"
ان ما نفع سلمه الخطاب وقله بكل ثقة وقوة وهدوء : هذا الخطاب لصاحب الشركة أرجوا ان ينظر له وشكراً .

او اذا دخلت عند صاحب الشركة ..
سلم عليه وعرف بنفسك وبالقسم اللي انت فيه .. وقله انا عندي شوية مشاكل مع المدير
وحبيت اني اجي لرأس الشركة وأرجوا قراءة هذا الخطاب ومده له .
وقل له سبب طلبك للإجازة .. وأن المدير ما وافق عدة مرات بدون اي سبب مقنع ..

وبعدها قل شكراً وأطلع من عنده .. وتوجه لمكتب مديرك ..
وقله بكل هدوء وثقة : هل هناك سبب مقنع لرفضك الإجازة ؟
وهل العمل سيتوقف من دوني ؟
وبيرد عليك ..

اذا كان مديرك اجنبي فالله يعينك .. فهذا احد اساليب التطفيش والاذلال تبعهم .. ولا ينفع معهم الا العين الحمرا
فأولاً وأخيراً ما بيده شيء .. وضبط وضعك مع الموارد البشرية بيومين وتوكل على الله ولا عليك منه حتى لو ما وقع ..
واذا كان سعودي تعال له بالاسلوب وبالحوار "وبالعاطفة المكسورة" !

وبيستدعيه صاحب الشركة بعد خطابك ..
وبتتيسر امورك بإذن الله

ولكن لا تنسى : التوكل على الله .. الثقة وقوة الإرادة

بالتوفيق

--

عليش اخوي العزيز
من حقه يرفض ..
لو جينا للحق .. الحق معه
ونصيحه لا تفكر تعترض او تقدم شكوى الحق معه
لكن انت اكسبه واحترمه وبيعطيك مع الايام ..