اخواني عندي عامل مايخاف الله اعطيته تنازل وله شهرين الان واكتشف انه مانقل الكفالة وفوق هذا طلع شغال بمحل قريب من محلي وحرض مالك المحل الخاص بنا انه يعطيه ايجار زياده وياخذ محلي حسبي الله عليه ويقطع رزقنا وصار مالك السوق كل يومين داخل محلنا يدور اي مشكلة عشان يطلعنا أسألكم بالله العظيم انك تدلوني ابغى ابلغ عليه هروب اش اسوي وهل فيه طريقه ثانيه اوقفه عند حده علما اننا والله ما نحب نقطع رزق احد مهما كان لكن هذا العامل الاجنبي يبغى يقطع عيشنا حسبي الله عليه والله ينصرنا عليه بقدرة قادر

فيدونا بعد الله يا اخوان

اخوي قطع الاعناق ولا قطع الارزاق

بلغ عليه اكيد

واخوي اذا مانفع لا شرطة ولا احد

انا ما ابي احرضك عليه

بس ونفس الوقت اشتكي عند الشرطة عن رفعه للأسعار قل مابقى الا يسوي كل شهر يبي يرفع

ونفس الوقت حط لك كمرة دام تقول يدور المشاكل حط لك كمرة وخلهم يشوفون وش يسوي في محلك و حط مسجل خلهم يسمعون وش يقولك عن الاسعار وانت ظبط اسلوبك

ولاتنسى تقول حسبي الله ..، وحسبي الله ونعم الوكيل

وذكر الرجال انو الدنيا فانية كم يبي يجلس 100 سنة الف سنة ؟؟ مصيرهـ يبي يتحاسب بالقبر ويتحاسب يوم الحساب
واذا مانفع معك الشرطة ولا نفع معه

:$ هددهـ مرهـ مرتين مانفع استغفر الله مابي اقولك اجلدهـ
بس اخوي الدولة فيه محكمة

ونفس الوقت امسك هذا الوافد وهددهـ شوي

والله يوفقك

بس قبل لاتهدد ولا تسوي كله سوو النقاط الي قلت لك عليها

مو تسوي العكس

الله يوفقك

روح سفره

عليك لوزارة العمل اول شي قسم شؤون الوافدين وهم يعلمونك وش الاجرائات وثانيا الذهاب للجهات المعنية كا الشرطة واحضار دورية واخذه للمركز والتفاهم معه في حال كررها الذهاب الى الجوازات وعمل شكوى وهروب وتدلهم على مكانه ياخذونه ويسفرونه ويطلعون لك بدل فاقد فيزة تجيب عامل اخر

ياخوي روح سسسفره وخلآآص

رحلة وانا اخوك واعطيه خروج نهائي

يا رجال ما بقى الا هي الا وقفه عند حده والبادي اظلم

والمفروض انه يجي هنا يترزق الله ما يجي يحط راسه بروسنا عمال اخر زمن يوم كثرت فلوسهم

انا اشوف انك تهدده هالاشكال ما يمشي معها الا العين الحمرا