ههههههههههههههههههه

اضحكتني اضحك الله سنك ..
انا طالب بالكليه ، مكافاتي كلهاا تروح تسديد ديون
بععد سجن شهرين ..!

حناا وين والسعااده وين
الله موسع صدورناا على صلاتناا وديننا
مو سعادتنا على بلدناا وخدمااتها !

...(f)

الوظايف متوفره والسكن يابلاش والشوارع احلى مايكون >>العكس صحيح

الحمدلله على كل حال بس

ههههههههههههه والله ضحكت من قلب

سعاده على فقر اللهم لك الحمد
من ناحيت سعيدين بالامن والامان والصحه اي لكن الفقر الله كريم اتعس ناس احنا

جايز أننا أغنى دولة بعفة النفس ولله الحمد

دراسه مدري وش تبي لكن أتوقع أنها ترقيعيه حتى المواطن البسيط يستانس ويصدق أن الحكومه مو مقصره وان حضرته سعيد بس مو داري!

الي حاصل في هالبلد غبن بكل ما في الكلمه من معنى،والي يقارنا بدول ثانيه اقولهم قيسوا ثروات دولتكم بثروات الدول الثانيه واحكموا!
هنا يرتع الغنى الفاحش مع الفساد الطاغي
هنا يقولون لك نحكم بكتاب الله وسنة نبيه وتلاقي السارق والمرتشي والغشاش والفاسد والطاغي يعيشون حياتهم وحكم الله يتجاوزهم بأسم الواسطه والمحسوبيه!
هنا صار الشعب يفترس بعضه من الحسد وقطع الأرزاق والأنشغال بتتبع عورات بعضهم لبعض وبعدين يجون يتكلمون بالدين والأخلاق وهم يعتلون رأس النفاق!
هنا خدمات سيئه وترفيه معدوم واحكام الجاهلية الأولى وجهل متفشي وتنويم مغنطيسي للشعب المسلوب الأراده بأسم نعمة الأمن والآمان!
هنا كل شي عيب وحرام وعار وللأسف يتم عمل هالأشياء من وراء الستر وفي الخارج!
هنا ياكل القوي الضعيف،وينتشر الفقر،ويرتكب المفسد جرائمه بقواة عين وبدون خوف من اي فضيحه لأن محد بيقوله عينك براسك!
هنا الصحافه تعتبر مجرد كلام على ورق مو سلطه رابعه!
هنا أكبر مجمع للشبوك بينما المواطنين مو لاقين أراضي في دوله شاسعة الأراضي،ويطلع لك وزير ويقولك ما فيه أراضي!
هنا يتم لهط فلوس المواطنين بسوق الأسهم من الروس الكبيره والكل ساكت!
هنا يطلعلك رجال الدين ويحثونك على الزهد والتقوى والخوف من الله بينما ارصدتهم بالبنوك بالملايين وهم يرتادون مجالس طويلين العمر بدل ما ينصاحونهم!
هنا المواطن ما يقدر ينتخب الي يمثل صوته ويكتفي بمشاهدة وزير فاسد يقال وينحط وزير بمكان ثاني!
هنا مجلس الشوربه الي يُنتخب أعضائه بالواسطات والمحسوبيات يعدمون أي قرار بمصلحة المواطن بينما يفترض فيهم يكونون صوت المواطن!
هنا ينتحر شباب مسلمين(الي يفترض دينهم يمنعهم من الانتحار بعكس الشعوب الغير مسلمه)لأنهم وصلوا حدهم من الفقر والتهميش!
هنا تلاقي ملتحين ومنقبات يستغلون الدين أبشع إستغلال لأن الدين في هالبلد صار تجاره ووسيله!
هنا من الأوضاع السيئه أتجه البعض للإلحاد وهم يعتقدون أن المشكله في الدين مو بالحكومه ورجال الدين الي عندنا!
هنا التعصب والقبليات البشعه والطبقات المتعدده(بحسب المستوى الأقتصادي،وبحسب الأصل والنسب،وبحسب المذاهب)والشعب يطحن في بعضه!
هنا تعدم الفرص وتقتل المواهب ويموت الطموح لأن الإنسان أهمل وما أهتم أحد فيه!
هنا يرتفع الحمقى والأغبياء والفاشلين بواسطتهم ويداس بالأقدام الأنسان الي يعتمد على نفسه!
هنا تقام المجازر الطبيه بالمستشفيات بدون تعويضات،وتشح السرائر،ولا يتم الالتفات للمرضى الا بواسطه!
هنا تحتقر المرأه وتهمل حقوقها إلا بولي أمر،وتعتبر عوره وين ما راحت وجت ويتم الإدعاء بأنها ملكه!!
هنا التعليم مجاني لكن سيء جداً جداً ويخرج أعداد هائله بلا تأثير تربوي ولا علمي!
هنا تلاقي وزير يقول كولوا تبن ورئيس اتحاد رياضي يقول كان ما تربيتم ربيناكم وهنا تهان كرامة المواطن دائماً لأنه ما له قيمه عند الوطن!
هنا البطاله الي دمرت نفسيات العاطلين وخلت بعضهم يدمن والبعض ينتحر والبعض تمرمط كرامته علشان ألفين والا ثلاثه في القطاع الخاص والبعض تموت الحياه في داخله!

أي سعاده وأي بطيخ نعيشها هنا؟!
نعم مسلمين ولله الحمد لكن هذي منة الله مو منة أحد من خلقه لكن حتى الصومال مسلمين،والدول العربيه الي ما عندها حروب وثورات مسلمين لكن الفرق بينا وبينهم أننا دوله غنيه ودولهم فقيره وفوق ذا أتحدى أننا كشعب أسعد منهم لأن عندهم حقوق كمواطنين أفضل منا ولأن فسادهم أقل منا بكثير.

اما الي يقولون نحكم بكتاب الله وسنة نبيه فاقول لهم الكلام ذا ما عاد ينضحك علينا فيه وحنا نشوف الحراميه والمرتشين والمفسدين ما يصير لهم شي وحتى الي تطاولوا على الذات الآلهيه وعلى نبينا ما صار فيهم شي،بمعنى ياليت نكون شعب واعي ونفهم إن وضعنا من أسوء الأوضاع واذا حصل إنفجار الأزمه الاقتصادي حنا أول من بيروح فيها لأن أغلبنا ما يملك حتى قطعة أرض يزرعها وياكل منها!

لذلك قليلاً من التدبر في الحال قبل تصديق أي دراسه خربوطيه!

يعني اغلب الردود سلبيه اجت على ردي تحدفووه
حتى هنا في المنتدى في واسطه

إلى السعداء : أقول لكم أدام الله سعادتكم ... آمين
و لكن الإنسان السعيد هو الذي يساعد أخوه المسلم الغير سعيد لأنه في حاجة ماسة إلى يد مد العون في بحثه عن وظيفة حتى يستطيع أن يتزوج و يفتح بيتاً و يساعد أهله أمه و أباه و إخوته .. و من المخجل أن يرى السعداء إخوانهم في الله من الفقراء و المحتاجين و العاطلين الباحثين عن العمل أنهم أقل منهم شأناً أو أنهم مغضوب عليهم ولا تعتقدوا يا أيها السعداء أنكم مباركون أو أنكم ضمنتم الجنة فالقبر لا يفرق بين عاطل و موظف لأن العبرة و الحساب عن العمل الصالح مثل أن يساعد المسلم أخوه المسلم الذي يبحث عن الوظيفة .. فهو لم يبحث عن السرقة أو بيع المخدرات أو بيع الأعراض و الشرف بل يبحث عن وظيفة حكومية رسمية لكي لا يمد يده للناس ... و لكي يحس بإنتمائه للوطن و ليترفع عن الحاجة و الفقر و الذل
و أقل شيء يعمله السعداء لإخوانهم الفقراء الذين هم من بني جلدتهم هو الدعاء الخالص لوجه الله تعالى من دون رياء و لا سمعة و لا تمنن ولا إستعلاء بل دعاء خالص لوجه الله تعالى نابع من قلب صادق بأن يرحم الله العاطلين الباحثين عن العمل و أن يسهل الله أمورهم و يرزقهم من حيث لا يحتسبون ...