جتني وظيفه دوآمين وبراتب أقل من حآفز وإسمي لازم يكون بالتامينات

وهيا قريبه من البيت يعني مشوار سياره بسيط

والدوام من 10 ل 1 الظهر ومن 6 ل 11 الليل

بعيادة دكتور جلديه موظفة استقبال أكثر المراجعات نساء
ايش رائيكم اروح والا لا

أنا من خاطر فرحت فيها وودي اروح عشان أغير جو وكذا

ومنها أمشي حالي واتسلى حتى احصلي وظيفه زينه

وحافز هوا سنه وحده وبيقطعونه والله دائم تنعرض عليا وظائف ورواتبها مره حلوه بس ماتكون بنفس الديره ومااروح والله ماراد لي فيها

خلقي ضايق ومدري ويش اسوي وخاطري فيها

ايش رائيكم

انا من رأيي حافز افضل الين تحصلين وظيفه راتبها مناسب

لان هالوظيفه ماتسوى تعبك دوامين والراتب قليل

والله يرزقك بالوظيفه اللي تسرك

موفقه

انا من راي روحي وتوكيل ع ربي حافز سنه وينقطع وظيفه عند بيتك فرصه ماتكرر مرتين لو اني من مكانك اروح اغير جوا واخذا خبره

حروف الكون

جورري لبى قلوبكم ..أنا بعد أقول ودي اروح واغير جو

بس جالسه احسبها براسي اذا 1500 ومخصوم منها التامينات 200 تصير 1300 ودوامين والله مدري

ابي احد يفكر معاي زين مدري وش السوات

وظيفة اقل من 2000 لا تفكرين فيها

وانا بعد اقول وظيفة اقل من 2000 لا تفكرين فيها ابد

بالتوفيق ويشوف اللى في راحتك

لبى قلوبكم تسلمون لي

اي قررت اقل من 2000 مابي

خذي النصيحة مني:
وافقي على الوظيفة بس اشرطي عليه
ما يسجلك بالتأمينات إلا بعد مرور 3 أشهر على عملك
عشان تشوفين طبيعة العمل إذا هي مناسبة لك أو لا + تستفيدين من حافز حق 3 أشهر = ديري بالك على مرور 3 أشهر وتحديداً الشهر الرابع بيطير عليك حافز إذا سجلك بالتأمينات

وإذا رفض فكبري الوسادة بالبيت وزغرطي