ابغى اتزوج الثانيه

امل جده · #31 (**permalink**) 13-04-2012, 02:59 AM

اقتباس:

المشاركة الأصلية كتبت بواسطة Emergency only

ممكن الرجل يبغى يكثر النسل ,, وممكن يريد ستر بعض الحريم لان في الارامل وفي المطلقات وفي الخ . . .

وبعدين ليش تطلب الطلاق في حالة طلب الزوج من الزواج بأخرى ,,, الطلاق نهايه الحياه الزوجيه ..

يعني يا تنهي الحياه الزوجيه او لا يتزوج الرجل من أخرى ؟؟

انا معاك بكل شي قلته بس فيه رجال اذا تزوج الثانيه نسى الاولى

والحريم ترا يختلفون يعني خله يحط ذا الاحتمال قدامه انه اذا قال لها وطلبت الطلاق وش بيكون رده لها وايش بيكون نهاية عيش وملح كان بينهم هذا مقصدي لاني اعرف تفكير الحريم

يحط كل الاحتمالات قدامه اذا يقدر يواجه ذي الاحتمالات ومن ظمنها تطلب الطلاق والله وربي اعرف وحده وافقت على زوجها بكل شي بس شرطها يكتب الشقه باسمها ولمن كتبها انتظرته يتزوج وخلعته وتزوجت هي بعد وصاير المحروس يطلع وينزل قدامه وذاك بيموت قهر

كيدهن عظيم

يحط كل الاحتمالات قدامه لايخرب بيته عشان تغيير بعض التغيير خراب بيوت الشرع حلل اربع مانقول شي بس ينتبه من الحريم اهب عليهن موب سهلات وربي

عابر الطيف · #32 (**permalink**) 13-04-2012, 03:05 AM

اذا انت مستعد للصبر وتحمل بيتين والعدل بينهم

ابدأ في التفكير على كيفية اقناع الزوجة الاولى

بشكل مباشر وطريقة تفهيم مقنعة جدآ اذا وافقت تمام واذا ماوافقت لاتقدم بالزواج لأن رح يفكلك ابواب عدة

ومشاكل وشكرآآآ..!

نــصــر · #33 (**permalink**) 13-04-2012, 03:08 AM

حقك يالغالي الشرع محلل اربع
لكن يالغالي ابقولك شغلة ( إذا نويت وقررت بتتزوج لاتجرح زوجتك الأولى وحاول تجيها باللين والكلام الطيب )
ولاتجرح شعورها ولاتضرب بمشاعرها عرض الحائظ

والشغلة الثانية تاكد بإنك قادر تعدل بينهم !!!!!

بالتوفيق

~Rima~ · #34 (**permalink**) 13-04-2012, 03:10 AM

[align=center]الشرع حلل لك اربع يعني مافي احد عاقل بيقولك لا تتزوج وحرام او من هذا الكلام
لكن موضوع الزواج الثاني يتطلب منك العدل وبالاضافه ان ظروفك الماديه تسمح لك انك تفتح بيتين
عموما في البدايه بتواجه صعوبه كبيره لكن يعتمد على شخصيتك وتعاملك مع زوجاتك
اما تقنع زوجتك صعب تقتنع لكن الاهم انك ماتظلمها وتهمشها يعني لازم تتحملها
وتتوقع منها اي ردت فعل لانها بتحس بنقص بنفسها وهذه هي طبيعه المراءه الغيره

وسبق ان طرح الدكتور محمد العريقي حلقه عن الزواج الثاني في برنامج ضع بصمتك
ممكن تتابع الحلقه طرح فيها نقاط مهمه بخصوص تعدد الزوجات

الله يكتب لك الي فيه الخير
[/align]

فضل · #35 (**permalink**) 13-04-2012, 04:54 AM

على طاري اللي يتزوج ثنتين

سالفه يعلمني فيها الوالد الله يرحمه

كان فيه رجال متزوج ثنتين وحده متينه ووحده ضعيفه (معصقله)

واذا جا يوم المتينه تقول له روح للمعصقله انت تحبها اكثر

واذا جا يوم المعصقله قالت له روح للمتينه انت تحبها اكثر

فصار اذا جاء عند المعصقله قال لها

يا عصاقل يا مصاقل حبكم بالقلب صاقل ... خششيني دسسيني عن دبادب لا تجيني

ورضت استقبلته احسن استقبال

واذا جا عند المتينه قال لها

يا متينه يا متينه يا دكاكين المدينة ... خششيني دسسيني عن عصاقل لا تجيني

ورضت استقبلته احسن استقبال

الله يكتب لك اللي فيه خير وصالح

حُلُمي التدريس · #36 (**permalink**) 13-04-2012, 05:28 AM

للأسف كثييييير يذكرون تحليل الشرع لأربع نساء وينسسون باقي الآية
( فإن خفتم ألا تعدلوا فواحدة) تمعنوا في هالآية كثيير يحسب العدل هين وسهل
وكلها اشتري من كل شيء اثنين وافتح بيتين مادروا ان القصة أصعب من كذاا بكثير
ولاماكان نزّل الله سبحانه وتعالى أمر بالعدل بين الزوجات بعدين إذا حضرت جنابك ياللي
كل يوم بستايل تغير وتخلي زوجتك تنبسط من التغيير والاهتمام اللي تشوفه فيك انصحها
تسوي مثلك من باب التغيير فالشكل خلها تصبغ تقص تغير ستايل لبسها وراح تشوفها غير
طبعا إذا قلبك يحبها ومايحب يزعلها وإذا غير كذا فماأقول إلا الله يصبر قليبها بصراحة السبب
اللي عندك يعني مو مقنع ابداا كيف تبي تغير؟؟ اسمحلي حسيتك تتكلم عن سيارة
الله يكون في عونها ويربط على قلبها وجعل ربي يعمي عينك وقلبك عن أنثى غيرها والله يجملها
في عينك يااا الله جدجد دمعت عيني لحال زوجتك اتخيلها تشوفك تشارك بالمنتدى وفاتح اللاب
وودها تحط يدها بيدك بدل ماهي تطقطق عالكيبورد لكن الله أقوى الله يسخرك لها ويسخرها لك
والقهر كانك تكتب الموضوع فبيتها ياااه الله لايحر تسبدي ذا الحرررة
عموما فكر زين مدري وش اقول اشتقيت معها بصراحة أحس زوجتك طيووبة لأن غالبا اللي يدور الثانية
تصير الأولى محلية حياته ومقدرته وهالشيء يخليه يطمع في حياة ثانية حلوة لكن مايدري ان الزوجات
مو سوااا ابدااا دايم اللي منكدة عيشة زوجها مايفكر ياخذ ثانية يقول وحدة وعساني اتحمل الله يكون بالعون
لكن بمجرد زواجه بالثانية تتغير معاملة الأولى لأنها انجرحت والثانية الله اعلم بها ياتصيب وتصير فيها من صفات
الأولى ولا تخيب وتطلع قرون لزوجها ويندم قد شعر واسه انه فكر ياخذ غير زوجته ويحاول يرجع الأولى زي ماكانت
لكن وييييين جرررررح الضررة غييييييير الله لايذوقه حبايبي ولايذوقنياه
انتم تدرون لما تكون زوجة متوفية وتنذكر سيرتها عن الثانية تطق من الغيرة طبعا اذا الكلام قدام الزوج
عموما الله يصلح الحال

و ط ن · #37 (**permalink**) 13-04-2012, 06:24 AM

الله يوفقك أخوي
والمرأة مهما كانت عاقلة ومتدينة
إلا عند مسألة الزواج عليها ، تركل العقل
والحكمه ورى ظهرها ..
وبأحدثك عن أخي الأكبر وهو ( بيعرس من الثانية نهاية الشهر الجاي )
زوجته الأولى عملت المستحيل علشان يغير قراره ، ولكن بدون فايدة ..
فتخيلوا : طلبت جميع ذهبها إلا سبق وأخذه منها ، وهذا من حقها ، ورجعه لها..
وبعدين تهورت وطلبت الطلاق ، علما بأن عندهم ( بنت وولد ) !!
وأخطر شيء سوته ، كانوا يتمشون هم والعيال ، وأخوي كان ماشي بسرعة 120
فغافلت أخوي و حرفت ( الطارة ) فجأة جهت عمود إنارة ، والله سترهم ، وعدا الأمر على خير ..
فتخيلوا إيش تسوي فكرة ( الزواج من ثانية ) على الزوجة الأولى ..
وأظن مايعرف قدر هذا الشيء إلا النساء ..
وإلا لو بتفكيرنا إحنا الرجال : مادام معطيني حقوقي ، و موفر لي سكن ، و أكل ، وشرب ، ولبس
ومهتم بالعيال ، إن شاء الله يتزوج من الجن ، وأنا مالي ؟!

انفاس مبعثره · #38 (**permalink**) 13-04-2012, 06:36 AM

اقتباس:

يا عصاقل يا مصاقل حبكم بالقلب صاقل ... خششيني دسسيني عن دبادب لا تجيني

ورضت استقبلته احسن استقبال

واذا جا عند المتينه قال لها

يا متينه يا متينه يا دكاكين المدينة ... خششيني دسسيني عن عصاقل لا تجيني

ورضت استقبلته احسن استقبال

...

دامك نويت بالتوفيق لكن العدل العدل العدل .. سواء بين الزوجات او الابناء مستقبلاً ..

Sensation · #39 (**permalink**) 13-04-2012, 07:33 AM

سبحاااااان الله

مثل مااحل الله لك الزواج باربع

احل الله لها الطلاق

ليش تحرم عليها وتحلل لنفسك

حسبنا الله عليكم ما عدلتوا لا مع اولى ولا مع ثانية

كرهتونا ماشرع الله ( الزواج من الثانية ) بسبب ظلمكم