لا ماوصلتني رسالة بحضور دورة تعريفية .. ابداً كل الرسائل اللي وصلتني كالتالي :

نهنئكم بثقتكم بالبنك ونود ابلاغكم وصول طلبكم لمرحلة المقابلة الشخصية وستحدد خلال الاربع اسابيع القادمة

..

وردو علي بعد شهرين او ثلاثة برسالة جديدة :

" موعد المقابلة الشخصية يوم الاثنين " اللي هو بعد بكره !!!!



وقريت بشروط البنك التالي !!

الشروط الفنية اللازم توفرها في المشروع:

1. أن يكون ضمن المشاريع التي يمولها البنك . (انظر سياسة البنك تجاه الأنشطة التي لا يدعمها)
2. أن يكون مجدياً اقتصادياً ( حسب دراسة جدوى مبنية على أسس علمية يعتمدها البنك).
3. أن يكون ذو قيمة مضافة للاقتصاد الوطني .
4. أن يحقق نسب السعودة النظامية من أجمالي القوى العاملة في المشروع.
5. أن يكون جديد أو تحت التأسيس.
6. أن لا يتعارض مع متطلبات البيئة والصحة والسلامة المهنية .
7. أن لا تتجاوز تكلفته الاستثمارية الكلية (8.000.000 ) ريال سعودي.
8. أن يكون من ضمن القطاعات التي يتوفر لها تصاريح وتراخيص لمزاولتها.

السلام عليكم ورحمة الله وبركاتة
أخي العزيز الغالي طالب
أولا جوابي لكـــ
من خلال معرفتي انه بالمقابله الشخصيه لايطلب عليك سوى عرض ( مرئي ) عن المشروع وفي حال عدم وجود العرض يكتفى بالإجابه على أسئلة اللجنة ولايحتاج احظار اي تراخيص للمشروع او دراسة جدوى او اي تكلف ويكتفى بحضورك فقط.

ومن خلال إجابة الأخ دوسري مطنوخ اعتقد انه يوجد لديه لبس في عدم فهم اللائحه :

أولاً: لايوجد هناك ضمان بنكي نهائياً

ثانياً: في اللائحة يوجد نسبة مشاركه يدفعها المتقدم في حال مول المشروع والنسبه تبدأ إذا كان المبلغ أكثر من مليون ريال

ثالثا : لايوجد دورة في مسار التميز نهائياً

رابعاً: اتمنى اخوي طالب انك تدخل على موقع بنك التسليف وتطلع على برنامج مسارات وطريقة سير المشروع واللائحه المعمول بها وكل شي واضح على الموقع .

نسبة المشاركه كالأتي:
تكلفة المشروع الاستثماريةالحد الأعلى للتمويل الحد الأدنى لمساهمة طالب التمويل في التكلفة الاستثمارية
مليون ريال فأقل100%صفر%
أكثر من مليون وحتى مليونين90%10%
أكثر من مليونين وحتى ثلاثة ملايين80%20%
أكثر من ثلاثة ملايين وحتى أربعة ملايين70%30%
أكثر من أربعة ملايين وحتى خمسة ملايين60%40%
أكثر من خمسة ملايين وحتى ثمانية ملايين50%50%


اتمنى لك التوفيق
اخوكـــ
خبير في المشاريع

ماعتقد في ضمان بنكي بنفس قيمة المشروع وكيف يعني يعطوني نص المبلغ الي طلبته !!

الي اعرفه ان البنك اذا مافي ضمانات تقدر ترهن المشروع نفسة لهم

كلام غريب اول مره اسمعه

[align=right]بيض آلله وجهك يا أخ " خبير في المشاريع " :

مقابلتي بعد بكرة وماني مجهز شيء <

عندي استفسار ..!

ماهي طبيعة الاسئلة بالمقابلة الشخصية ؟

واكتشفت ان عندي اخطاء بتقديم طلبي مثل عدد الموظفين وبعض الاشياء اللي كتبتها !

هل استطيع تعديل طلبي عندهم !؟؟


[/align]

السلام عليك اخوي طالب انا ماعندي خبره بالموضوع بس قريت بأحد المنتديات اهم شي الثقة بالنفس والاصرار على نجاح المشروع واهم سؤال لماذا اختر هالمشروع؟ واذا اجبت تمام مشت امورك ان شاءالله ،، هذا ماحبيت اضيفه والله يوفقك من كل قلبي ويوفق الجميع لما فيه الخير وعندي اجابه تقريبيه اتوقع انها تنفعك ( تقول الاجابه اخترت المشروع لثلاث اسباب اولا لانه مشروع ناجح ثانيا لان عندي خبره بالمشروع وتفاصيله ثلاثه لان شروط البنك منطبقه عليه) وترى ياخوي طالب هذا جهد شخصي يمكن صح ويمكن خطاء وبالتوفيق ولاتنسى تنقل لنا اللي يصير معك اول بأول وخصوصا الاسئله في المقابله لان كلنا محتاجينها وارجع واقول الله يوفقك دنيا واخره*

هههههه
ماجاني النوم وبكره موعد المقابلة الشخصية..
الله يكتب اللي فيه الخير يآرب ،
دعواتكم ^^

اهلين وسهلين ، نورة ..

شوفي يا استاذة ، انا بصراحة قدمت بـ شهر 10 بالسنة اللي فاتت ، وتوهم ردو علي الحين ..
وقدمت عن طريق بنك التسليف : مسار التميز ..

شوفي بنك التسليف ومساراتهم ( وايش هو المسار اللي يناسب ميولك ) ..
وقدمي عليهم : اذا كان التسجيل مازال مفتوح !!
والله يكتب لك اللي فيه الخير ان شاء الله !