مراحب ياخوي طالب بشرنا وش صار معك ان شاءالله خير نحن وكثير من الشباب ننتظر منك الجديد والله يوفقك

الاخت نورة في مسارات في بنك التسليف يبداء التقديم فيها بشهر رجب لمدة شهر وتقفل شوفي ايش المسار اللي يعجبك وقدمي عليه لكن تأكدي من ان مشروعك تنطبق عليه شروط البنك لان ماكل المشاريع يمولونها وبعد ماتقدمين الله يعينك تنتظرين اللين يردوا عليك بس تأكدي من لائحة المشاريع اللتي لايمولها البنك اخاف تقدمين ويروح انتظارك خسارة ولاتنسين تتوكلي على مدبر الارزاق وحده وبالتوفيق واي سؤال ان شاءالله الشباب مايقصرون

السلام عليكم ورحمة الله وبركآته !

بالنسبة للمقابلة الشخصية كانت كالتالي :

تروح على الموعد للجنه ، ويعطونك ورقة .. فيها هالاشياء !

معلومات شخصية : اسمك وعمرك وحالتك الاجتماعية ..

مؤهلاتك العلمية : وين درست ومتى تخرجت وش شهاداتك ..

دوراتك التدريبية : وش الشهادات اللي حاصل عليها ..

و وصف المشروع والمنتج :

في هالجزئية حاول تتكلم عن مشروعك بايجاز ( ماهو وماذا يقدم من خدمات ) ..

راح يسالوك عدة اسئلة بخصوص المشروع " التكاليف و البناء " ان وجد " والتراخيص "
ويحاولون ينشفون ريقك شوي بس خلك واثق وتكلم بـ ثقة !

التقييم راح يتم على ( الثقة والالمام بالمشروع ) ..

واي سؤآل انا حاضر ..
اتمنى للجميع التوفيق !


على فكرة المقابلة ماخذت ربع ساعه تقريباً ..

اول شي جزاك الله خير وعسى الله يوفقك في مشروعك طيب متى يردون عليك ويعلمونك بالنتيجه ووين صارت المقابله في اي منطقة وهل فيه اسئله محدده تتذكرها وتذكرها لنا لان فيه كثير راح يستفيدون من هالكلام وبوركت وبوركت مساعيك

انا حابه استفسر لو سمحتوو انا قدمت ع البنك باطلب قرض شهر ثلاثه مسار التميز وللحين ماجا شي ميين يعرف ايش السبب .