[poem=font="Arial,6,white,bold,normal" bkcolor="transparent" bkimage="https://www.btalah.com/mwaextraedit2/backgrounds/22.gif" border="inset,4,white" type=1 line=0 align=center use=ex num="0,black""] يا عيني ياللي تحبسين الدموعي=هلي دموعك كود حزني يزاحي
البارحة راسي على راس كوعي=والجفن كنه بين غافي وصاحي
ليلي طويل ٍ شبه طول السبوعي=والهم يلفي من جميع النواحي
في النوم عيني تشوف شي يروعي=وأفز كني اللي عليه السلاحي
هم وغرابيل ٍ من كل نوعي=سمو فكري في سما الحزن طاحي
الأفكار تشرد بي على غير طوعي=ومن حر ما جاني ترى العقل زاحي
أسبابها أول نهار الربوعي=القلب يدمي من كثير الجراحي
القلب مما فيه خطر ٍ يزوعي=ويبيح سده من كثير الصياحي
يا صاحبي ياللي حسين الطبوعي=لا أياك تجفيني ترى الوقت شاحي
ما جيتك اشكي وأطلبك سد جوعي=ودي أفضفض لك وتسمع صياحي
أون تالي الليل وربعي هجوعي=وجيران بيتي يسمعون النياحي
العمر ليته ينطوي للرجوعي=ويختفي شيب ٍ على الراس لاحي[/poem]

__________________
"لله دُر أمي إذا ابتسمت
تهادت جروح قلبي والتئمت"