السلام عليكم ورحمة الله وبركاته



اخواني الكرام عندي مشكلة وحبيت اطرحها لعل وعسى اجد لها حل


منذ مدة ونحن على راتب تقاعدي وبسبب خروج احد المستفيدين انهار الراتب للنصف
اي حوالي 1800 ريال رحت لمصلحة التقاعد قالو ان الوكيل لم يبلغ مصلحة التقاعد
لذلك يسترد المبلغ منكم على اقساط يعني لمدة سنة راح يبقى الراتب على 1800 ريال
وبعدها يكون حوالي 2000 ريال قلت لعل وعسى ان نجد الحل عند الضمان الاجتماعي
واخذت ورقة من مصلحة التقاعد بكشف الراتب وكاتبين ان الراتب 2000 ريال ولا وضحو
الخصم بسبب عدم الابلاغ بعد مارحت للضمان الاجتماعي قالو راتبكم زايد 200 ريال


طيب 200 ريال اخصموها من المرتب الشهري ويعطونا الباقي من مكافأه الضمان !! وانتهت المشكلة


الان ابي منكم الحل هل في طريقة لاستثناء سالفة زيادة الـ200 ريال
خصوصا ان راتب 1800 ريال مع ايجار 1100 ريال ومع احتياجات اسرة كاملة
مستحيل 700 ريال راح تغطي تكاليف كهرباء وماء ومعيشة


يعني ليش الضمان الاجتماعي مايراعون هالجانب وبما انهم شئ مخصص لحماية المجتمع من الفقر


وهل من الممكن ان نستغني عن الـ200 ريال من الراتب التقاعدي حتى يشملنا الضمان الاجتماعي


او هل هناك اي جهة تكون تحل هالمشكلة .. احنا في بلد مسلمين وإلا الوالد الله يرحمه ماخدم عمره كله
إلا لنعيش بكرامه ولا نحتاج للناس


الحقيقه لم يتبقى لدي اي حلول لهذه المشكلة


اتمنى من كل شخص عنده حل او مره بمثل هذه التجربة انه ييساعدنا


ولكم الشكر احبتي

الحل انك تكتب معروض استثناء وترسله لمكتب الوزير

او تكلم صحيفة سبق وانشالله تنحل المشكله

الله يوفقك اخوي بس تقدر تبحث في العم قوقل وان شاء يتلاقيه

شكوى (زغيرونه) بالبريد الممتاز لسمو الأمير نايف وأنتهى أمرك طال عمرك