سلام عليكم ورحمة الله وبركاته

اليوم دق علي الأمن العام مدينة التدريب بالرياض قالي يوم الثلاثاء تحضر عندنا ولا قال وش الطلبات ولا قال اي شي ثاني .. انا طبعا مارحت لهم بس سلمت ملفي واحد بمدينة التدريب قبل شهرين ثانوية وحاسب واليوم الصباح دقو علي فياليت ياشباب تعلمونا وش اخذ معي وش بنسوي هناك بالظبط اول مره اقدم ع الامن العام لاهنتم تفصيل مممل ياليت ياابو ليان ماتنقل الموضوع ..

يمكن مقابله شخصيه روح وخذ معك كل شي يمكن تحتااج لملفك كامل من شهادات او صور كل شي خذه معك

واهم شي كرت العايله والبطاقه


بالتوفيق

طيب الحضور بالزي الرياضي او الثوب والحلاقه لازم ولا مايحتاج

علما ياشباب ان طولي 166 هل فيه احد عدى وطوله مثلي تكفون ردو والله اني شايل همهم

اخوي الحضور بالزي الرياضي + حلاقة نمرة 2 + شهايدك وجميع متطلباتك الاصل وطبق الاصل

واي واحد مو محلق يطردونه او لابس ثوب

في مدينة تدريب مكة اذا شعرك مرتب وعادي يمشوونها في المقابلة

اما ف الرياض ممكن الوضع يختلف

ربي يسهل عليك

لاهنتم يالربع دعواتكم اني اعدي

الطول بمدينة تدريب الامن العام بالرياض ينقص 2 سانتي . شد عمرك عند القياس الطول ارفع عمرك وماعليك منهم ارفع رقبتك . وثاني حاجة راسك دقة مكينة رقم واحد قسم بالله اني محلق على رقم 2 وردني الضابط . والحمدالله عطيته موووس ومشت امووري . الشهادات وصور البطاقات جبها معك لا تخلي شيء . وشف وناخوكك اللجنة حقين الشهادات واللي يطابقون الشهادات تررراهم اللحوووج . ومافيهم اللي ينفعك او حتى يجاوبك على استفسارك . وتوووكل على االلله وان شاءلله ان امورك تمام وسلامتك ................