اخواني والله العظيم اني استغرب منكم !!
ياغالين انا توني طالب ولكن والله ياكثر النشرات اللي تجيني من العثيم والمطاعم وبنده وغيره
ورواتب 4000 -3500
ماقول انها تكفي انا معك ابدا ماتكفى وخاصة بزمنا هذا ولكن !!
ليش الواحد مايفكر شوي ؟
نشتغل 3 شهور وبعدها ناخذ قرض ب 15 ضعف للراتب فيطلع 4000*15=60.000 ريال
هذه ال60 تفتح بها اشياء كثيرة وتدر ذهب :-
1- تموينات
2- بوفية وجبات سريعه
3- خضار وتمور ودخلة جدا جدا جدا ذهههههههبببببببببببببببب
4- مغسلة ملابس
5- تشغلها بتجارة عامية
يعني تجيب لك بضائع وتجيب عمال تقول يلا مشوها على المحليت
انا ابيعكم الواحد ب 5 وانتوا بيعوه على المخلا ب 7 10 اللي تبون
وهذا راتبكم

انا خذت قرض ب78000 ولكن ضيعته ولا بقى منه الا 20.000 فكرت قلبتها وش اسوي ماخذ القرض باسم ابوي
اللحين بيقول انت ماتثمن كلمتك اللي بتطلع وليه وليه
رحت فتحت سيارة بليلة يصفى لي شهريا الان منها وانا بالبيت
وبعد ماابيع الا فقط بليلة لا كرسبي لا ذرة ولا شي ب 4500 ريال
بعد خروج جميع المصاريف ( راتب العامل 1700 - قسط الوالد 1500 الكماليات..الخ )

فشفتوا شلون الواحد اذا شغل بس مخة يقدر يسوي اللي يبي
وايضا الان عارض السيارة للبيع و لا ودي اكلمة دراسة اول ماتنباع افتح لي محل تموينات قريب لم البيت
واريح
والتموينات كانت عند ابوي وحده من محلاته تموينات والله ياخوان دخلها اليومي 2000 ريال
ولكن هذا اول اللحين ارتفعت المواد والبيع قل
ولكن ماراح ينزل عن الفائده اليومية الصافية - دون البضائع - 700 ريال



وانا اللي خلاني ارفض صراحة فكرة مواصلة الدراسة والتوجه الى التجارة
اولا ابوي رافض العسكرية يقول لا بلا جندي بلا ظابط بلا خراط
وايضا يوم فكرت فيها اقل وظيفة 7 ساعات يوميا ليه ياخي ؟؟
اشتغل بالتجارة اتعب بالبداية ثمن قاعد بالبيت والدراهم تدر علي در






والله يوفق الكل

^^^^^ كلامك سليم والله وتقبل تقيمي لكن حنا نتكلم اخوي عن الظلم في بعض الاباء الله يحفظ لك الوالد ويخليه لك يعني عن اب يكون يملك الملاين وعايش بنعمة وخير ومن بلد لبلد ويتزوج كل يوم وتارك عيلته زوجته واولاده ميتين جوع وعايشين بفقر وللاسف عندنا انت تعرف انت ومالك لابيك

[align=center]الاخ خليه يتقدم بشكوى للمحكمة العامة او ديوان المضالم

يطالبه بحقوقه وبحقوق امه وخواته راح يجوبونه بخفارة ويوقفون حسباته

والله ييسر اموره[/align]

^^^^^^^ مشكوور اخوي رجل اعمال هذا صار امرين طيبين حقوق انسان والمحكمة وديوان المظالم واليوم بتصل عليه واعلمه فيهم جزاكم الله خير ويا ليت حلول اخرى بعيده عن المحاكم لان اعرف وضعهم ووضع ابوهم بامانة ما بياخذون لا حق ولا باطل