المهم سلام عليكم الله يفرح قلوبكم كلكم قولوا امين

مالكم بالطويله وعوار الراس في الغربيه نزل اليوم امطار وسيول اللهم اجعلها خير

وبعد العصر دق عليا واحد من زملائي قال اسمع تعال نروح نتمشى ونشوف السيول قلت تم

مرنى وهاتك ياسوالف الين وصلنا عند نقطه انه يبغى يستثمر مبلغ مليون و200الف

قلت عندي لك استثمار ميه ميه (مسوي فيها ذكي انا وجهي )قال الحقني يرحم والدينك

قلت عقار (لاني مبدع فيه )

قال الله يهديك العقار نازل قلت طيب نشتغل في النازل ونشوف الربح وزي السوق نضارب

سد نفسي وقال (العقار لاتكلمنى فيه )شوف غيره
بصراحه اني قفلت نفسي وقلت مااعرف الا العقار وكل ماقلت له مشروع قال لا مانيفع
كفتريا _مغسله سيارات _بقاله
لالالالالالا المهم قلت اقلك ماعندي شي
قال شاور زملائك العقاريين قلت لا بنزل موضوعك في منتدى اسمه حلول البطاله
وانت ادخل وشوف الهرجه من روسك لروسهم

عاد هذا الي عندي ....الي يعرف يصرف ويستثمر يكلمنا ولا يدلنا ولا يفهمنا ولا يشور ولا ولا لاولا

المهم الرجال يقول ابفتحه وارد على استفساراتكم ومعرفي عنده وبيرد عليكم ولا بخليه يقول ونا اكتب لكم

بس بقولكم شي هوا قالي مشاريع غريبه انا مافهمتها يقول ابغى شي سريع سريع قلت كيف قال مثلا اشترى سوا من الزبون وابيعها على الموزع او شي كذا او العكس

وقال شيولات وقلابات وااجرها على شركات زي مكه في الحرم (الخلاطات هذي الى نشوفها في مكه تمشى وهي تدور )يعنى زي كذا

هذا توجهه وبصراحه اني مااعرف فيها الى يعرف يزودنا وله جزيل الشكر
واخبر انه قالي لو فيه احد عاطل ولا ماعنده شغل ويبغى اشغله فعلى شغله يعنى يكسبنى ونا اعطيه ويقول لقيت يمانى جاب لي عمل مربح 200في الميه بس اخلاقه زفت ويتشرط ويقول حاولت انى اسايسه ماقدرت وفي النهايه يقول كرشته المهم فزعتكم ولنا لقاء بعد الردود

خذوا الورده هذي