يا الله يا اللي عالم ما جرالي
يارب طه وربي ورب البيت

يا الواحد المعبود يا عز والي
يا للي تميت الحي ثم تحيي الميت

الطف بعبد غربلته الليالي
زود على الهوجاس حيرة وتشتيت

باسباب علم أحسب إنه خيالي
أثره حقيقة والحقيقة تشقيت

من يومها لليوم ما ارتاح بالي
وقلبي تفتت بين الأضلاع تفتيت

على الذي تسوى جميع الغوالي
هي دنيتي ما غيرها اللي تمنيت

قالوا توفت قلت واعز تالي
يا ليتني من دون نورة توفيت

وش عاد من بعد العزيزة بقا لي
عز الله إني بعدها ما تهنيت

جالس مع العالم وكني لحالي
دوم أتذكر جلسة أمي بها البيت

مره هنا تجلس ومرة قبالي
ومرة تجي جنبي ومرات لاجيت

البيت كنه عقبها كوخ خالي
والحال كنه عقبها عود كبريت

والدمع سال ولا بقالي مجالي
غير أزعج الونات لأصبحت وأمسيت

قالوا تصبر كلنا للزوالي
لابد يجيلك يوم ويقال قفيت

قلت الصبر عيا يطيق احتمالي
حاولت أنا أصبر دونها لكن أزريت

وشلون أبا أنسى عمري اللي غدالي
نور يوجهني ليا تهت واخطيت

ثم طاح سيفي وانكسر كل عالي
في ليلة الاثنين لو ما تشكيت

في ليلةٍ حكم القدر فيه مالي
ليل على قلبي قضى بالتناهيت

لا عاده الله للحبايب ولا لي
يوم خذا نورة حفظته ولا نسيت

قبلتها قبلة موادع لغالي
عقب الضما من دمع عيني ترويت

ودعيت ربي يا عزيز الجلالي
بعطفك ولطفك ترحم أمي وصديت

وأيقنت في نفسي وقلبي قرا لي
من صفحة أيام الزمن لو تناسيت

إن البشر للتراب والجسم بالي
واليوم ماتت هي وبكرة أنا ميت

آه يمه الله يجمعنا فيتس ب الجنه

^
آمين

'
أحيَآن صدرٍي من نظرٍ عينيْ يضيْق
وأحيآن لْآ‘ وٍآلله من آللي أسمعَه
مدرٍي آنآ آللي غيرٍ وإحسآسيْ رقيْق
وإلْا صدوٍر آلنآسْ مآ فيْيْيْهآ سعهْ

إذا ضاقَ صَدري وخِفتُ العِدا
تَمَثَّلتُ بيتًا بِحالي يَليق:
فباللهِ أبلغُ ما أرتَجي
وباللهِ أدفعُ ما لا أُطيق!*

العذر مكتوب لاصار الخط مقري
آسف على ضحكتي وآسف على احزاني

خطاي معذور والا غلطتي عذري
و مرارة العذر في قلبي وفي لساني

مدري وش اللي ذكرت وضاق به صدري
مدري وش اللي نسيت ولاتناساني

لبست انا ثوب لاطولي ولا قصري
ياطيبة القلب وين القلب وداني

لا تستحي مني ليا شفت بي عيب
وتروح تحـكي بي مع اللي حكابي
اللي منعك تقـدم النصح بالطيب
يمنعك من هـرج القفا في غيابي !!

كلنآ بِ / دروُبْ .. ، آلتعَب تآيهْين
نآسّ تبوُح و نآسّ تكتم وجعَهآ !!

آللي رحل من خآطره .. وانت تغليه
وآقفى وخفآق آلضلوع : يحكَي به

خله يوآدع وآنت لآتعتني فيه !!
مصير ضيقآت آلليـآلي ..[ تجيبه ]

بعض الجروح ان جت من اغراب عادي
الموت موت الجرح لا جاء من اقراب
(صنيتان المطيري) ...

تعاف نفسي صاحب القيل والقال
اللي هروجه سوات نفسه سخيفه
نمام يكيل الحكي بألف مكيال
ويزود بھارات على كيف كيفه

لا شفت روتينك تكرر ومليت .. لا تنطوي للوقت و الوقت كافر

قص التذاكر و إترك الهم فالبيت .. وإخذ الجواز ولا تعلم و سافر