السلام عليكم ورحمة الله وبركاته
انا متعينه حاليا على وظيفه اداريه باحدى الجامعات تعيني من 3 شهور تقريبا على المرتبه السادسه مع العلم اني بكالريوس تربوي وانتظرت وظيفه التدريس مدة 9 سنوات وماجاني

المهم جاني ترشيح بالقبول بالتدريس والمطابقة ضمن الدفعه الثانية
هل استبعد ام لا ؟
وماهي اجراءات التحويل هل هي سهله ولا يبهدلوني يعني ابقى على وظيفتي
ياليت اللي عنده خلفيه يقول لي قبل يوم المطابقة لانو سمعت انه لازم استقاله من عملي الحاله لمدة 6 شهور بعدها يمكن التحويل يعني صعبه علي
ياليت اللي عنده خلفيه يفيدني تكفون

السلام عليكم يااختي اذا كانت وظيفتك رسمية فاانصحك التمسك بها لان الوظيفة الادارية احسن ولا بالفرق والتدريس شقا ومطامر في قرى ومدارس وطالبات فاانتي استخيري وترى اريحلك وظيفتك الحالية اذا كانت رسمية حكومية ودمتي بحفظ الرحمن

المرتبة السادسة راتبها كويس
وبدون مرمطة عكس التعليمية لازم مرمطة في القرى
يعني في الجامعة في نفس مقر سكنك

أنا اشوف ان وظائف الجامعة افضل

وانت عاد استخيري
والله يوفقك

نصيحتي لا تتركين وظيفتك
لان هذي يمقن ايه يمقن لا

استخيري ..
واذا اداريه والمرتبه السادسه .. حلو جدا
ولا مرمطه نقل وحاله ...
والله يكتب لك اللي فيه الخيره

أنا من وجهة نظري وظيفة الجامعة أفضل بكثير وبين أهلك وناسك

صح فيه فرق بالراتب لكن مو ذاك الشي اللي يخليك تتركي وظيفتك

والإداري أسهل من التدريس

هذا وجهة نظري

واستخيري الله يكتب لك الخير

يعطيكم العافية
انا افضل الاداريه في انها اريح لكن ميولي وطموحي تدريس يعني ابي استفيد من شهادتي وتعليمي
والتعليم رساله وامانه لازم اوصلها لكن سؤالي هل يمنع اني احول للاداريه وهل هناك صعوبه ام سهله يعني احول ع طول لانه اذا صعبه ومرمطه بالتحويل ماراح اتعب نفسي واطابق
اتمنى الرد سريعا وفالكم كلكم التعين

أسألي في الخدمة المدنية أفضل

لاني سمعت اللي تكون على وظيفة رسمية من المرتبة السادسة او اكثر لا يحق لها وظيفة أخرى

اذا متعينة على المرتبة السادسة بيستبعدونك , لان المرتبة السادسة في الوظائف الحكومية تعادل المرتبة الخامسه في الوظائف التعليمية , طبعا تعادلها مو من ناحية الراتب ,,, تعادلها ان شاغليها من خريجين الدرجة الجامعية المستحقه ..

اما اذا وظيفتك اقل من المرتبة المستحقه لك يعني الخامسه ولا الرابعه فما راح يستبعدونك

تقدرين تطالبين بالتعليمي في حاله وحده بس ان تستقيلين من الاداري وتنتظرين 6 شهور ,, وهذا صعب ومو مضمون ... فالافضل تجلسين على وظيفتك الاداري وتقتنعين برزق ربي ...



هالمعلومات انا متأكده منها لان قريب لي نفس وضعك ويبغي التعليمي وكان هذا رد اكثر من دائرة عليه ..

ليش مستعجله خلي الامورتمشي زي ماربك كاتب وخلال هاذي الفترة استخيري

واذا طلع بنفس المدينه اوقريب بحيث تقدري تروحي انا اقول التدريس افضل

والله يكتب اللي فيه خيرلك

اكثري من الدعاء والاستخاره