السلام عليكم ورحمه الله وبركاته
حبيت استشيركم طبعا بعد مااستخرت الله
انا مطلقه وعندي ولد عمره 3 سنين ,خطبني واحد مطلق وعنده بنت المهم قبل كم يوم وجات امه وشافتني وقالت على شروط ولدها انه يبغاها تشتغل بالبيت وتطبخ وتلبس وتتشيك وماتطفشه بطلباتها وماتقولوا كل شويه خرجني واهم من دا كله مايبغاها تتوظف في قرى بعيده (لان امي كلمتهم على جداره ووظايفها) قال اذا نفس المنطقه مو مشكله وكمان هو مديون يعني قالتلي حالته الان شويه صعبه لانه اشترى شقه لامه يعني لا تطلبيه شي
المهم انا انقهرت من كلامهم كله بس طلبات من غير مقابل وقلت لاهلي طيب اذا يبغاني اسوي كل شي يجبلي شغاله واذا جاتني وظيفه حكوميه بقريه ماراح ارفضها وابغى اسافر وابغى اذا طفشت وتعبت من الشغل يخرجني المهم
امي وابويه عصبوا وشوي وقالتلي امي شروطك هذي يعني ماتبغيه وانا استحي اقلهم دي الشروط كفايه قبلوا بولدك وابويه قلي حتى لو جاتك الوظيفه ماراح اوافق تبغي تصيري مسترجله وتتوظفي وبداو يسبوني ويتوعدوا ويهددوا وتقولي امي انتي تغسلي غسيلك لوحدك وتسوي شغلنا كله ومالنا صلاح بيك عجبتك الجلسه عندنا عشان كدا ماتبغي تتزوجي وبداوا يضيقوا علي في كل شي ويسلطوا علي اخوي اللي اصغر مني ويهدد بصوته وانه وهم في صفه لو مثلا اتكلم ولدي بصوت عالي وهو يبغى ينام يقوم يجي يبغى يضربه وانا اخاصمه تقوم امي توقف في صف ولدها وتهزاني انا يعني ضيقوا علي من كل ناحيه وتقولي امي نفسي اقتلك وارتاح منك
وربي احس اني مخنوقه وابغى اموت تعبت افكر يعني الزواج ولا الوظيفه وانا اشوف انه رجال اليومين دي مالهم امان والوظيفه هي كل شي غير كدا حسيت انه يبغاني خدامه ومااطلبه لانه مديون
ايش رايكم؟؟؟؟؟؟؟؟؟؟؟؟؟؟