[align=center]السلام عليكم

اخوانى الافاضل :


البارحه وصلتنى رساله من حافز ... الزبده يقولون

اغسل وجهك الصبح ولاتنشفه الا عندنا في برنامج طاقات ( الكليه التقنيه )

وهو برنامج تدريبي للتوظيف ..


المشكله : انا خارج الرياض .. وسحبت عليهم سحبه اليمه اليوم


فرجاء وش الحل ..... خاف يخصمون على من حافز


والله العظيم مااستلمت منه ولا ريال الا الان







وهذه هي قصة حافز معي



الشهر اللى فات نزلوا لى 2000 .. وارسلوا لى قالوا مبروك نزلت

ماصدقت خبر .. رحت يم خواتى قلت من اللى عليها اليوم تصلح العشاء


ردت الوسطى : قالت انا بس والله تعبانه لاتطلب شئ صعب .. قلت اليوم راحه

نزل حافز وابشروا بالعشاء .... ياشيخ سوت احتفال اكثر منى وراحت تقامز

وتناقز وانواع الزحلقه بالحوش ... طبعاً اخوانى الصغار من يمر جنبي اقول يالله

روح جبلي مويه .. ينطلق زي الصاروخ ( ماهى بالعاده )

شيكت بالصراف مافيه شئ اتصلت بحافز بدون نتيجه( ماودكم تشوفون وجهى ذالك اليوم وانواع الاحراج من اخوانى ) .. ثم ارسلوا رساله بعدها

بيومين كلها بربسه .. يقولون راجع البنك والرقم المرجعى ...



نرجع لموضوعنا :

انا ماحضرت طاقات اليوم وش الحل ؟؟؟ اتصلت عليهم قالوا اتصل على طاقات اتصلت على طاقات ماردوا ...

واذا احد حضر ممكن يساعدنا ويشرح لنا الوضع !!!!!![/align]