عضو جديد مهموم

ثلاث سنين عاطل · #1 (**permalink**) 17-04-2012, 03:28 PM

بسم الله الرحمن الرحيم
السلام عليكم ورحمة الله وبركاته يا أخوان انا عضو جديد وأبتدي في أبيات توني محضرها لهاذا المنتداى الرائع
قالو ثلاث سنين وانت بعطاله
أصبحت في نفسك على هلك عاله
في المنتداى سجل مع أهل البطاله
ناس يواسونك ليا صرت مقهور

هم مثل حالك يوم حالك ضعيف
أجلس فبيتك مع براد المكيف
لاصرت مامن واسطه لاتصيف
ألى بحوش البيت لاصرت مجبور

قلت أشهد أني ذقت بالمر كاسي
ماعاد أعرف أهلي ولاعرف ناسي
امسي وأصبح من همومن براسي
اشعب ذلولًَ فوقها محزم الكور

الحقيقه ياجماعه انا لست شاعر لاكن الهم جلعني شاعر وانا ياجماعه جايكم وناصيكم ياهل المنتداى افزعو لي ياربع لاتخلوني مشكلتي يا أخوان لي ثلاث سنين وأقدم على وضايف ولله كتب لي نصيب ولايئست من رحمة ربي أن ربي غفور رحيم لاكن الحقيقه انا أيست من رحمة الناس كل شوي وانا اشيل ملفي ومافيه دائره حكوميه أو شركه خاصه ألى وقدمت عليها والمشكله الواسطه وأخر مارحت اليوم أقدم على الأمن العام ويوم جيت لهم قالو معك دبلوم تعال وقدم.. مع العلم ان فيه ناس معهم ثانوي مسجلين والله ولاحلفتوني يمين ان فيه ثانوي مقبولين هاذا عشان ايش عشان ابو ثانوي معه واسطه وانت مامعك واسطه شل قشانك وأرجع مع الباب المهم رحت ونخيت لي ضابط وقلت انا معي معهد مهني مدته سنه ونص قال جبها بكره وتعال المهم جبتها له اليوم وقال رح وجب لنا أثبات من المعهد ان دراستك سنه ونص طيب في الشهاده موجوده عندك سنه ونص ليه أروح أجيب أثبات من المعهد ..الشاهد رحت للمعهد وجبت أثبات وكان الأثبات مو مكتوب سنه ونص مكتوب سنه وأربع شهور وعشرين يوم جيتهم قالو سنه واربع شهور وعشرين يوم ماتعتبر دبلوم طيب عشان شهر و10 ايام رديتني وغيري معه ثانويه بدون معهد تقبلونه قال أقول مالك نصيب أطلع بس أسئلكم بالله يا أخوان هل ذولى مسلمين ام ناس ماتخاف الله ياجماعه انا أنسان مامعي واسطه ألى الله سبحانه والله سبحانه أعظم واسطه في الكون كل الي ابيه منكم يا أخوان أفزعو لي ياجماعه طولي زين وزني زين مافي شي ولله الحمد بس ليه يردون ناس ويدخلون ناس تكفون ياهل الفزعات لاتتركوني تكفون يارجال أخر موعد لتقديم بكره في مركز التدريب في القصيم تكفون ياجماعه لاتروح السنه ذي مع السنين الي راحت والله الي يبي يفزع لي اني لدعي له كل ليل ياجماعه انا عمري 29 وباقي سنه وخلاص ماتقبلني عسكريه والمدنيه مئيس منها خلقه اوما جت قبل أدخل الثلاثين تراى ماني متوظف أبد ياجماعه والله أني تعبت تكفون يارجال لاتخلوني

Ξ الأدميرالي Ξ · #2 (**permalink**) 17-04-2012, 03:30 PM

صح لسانك وانا عاطل من 1426 قل الحمدلله بس ومنور المنتدى يالغلا .....
الله يفرج همك ويرزقك من حيث لاتدري
https://www.btalah.com/f42.html
تابع قسم الوظائف والاستفسارات العسكريه باستمرار

سامي الخيال · #3 (**permalink**) 17-04-2012, 03:44 PM

صح لسانك كلنا جديدين وتستهل التقيم

Ξ الأدميرالي Ξ · #4 (**permalink**) 17-04-2012, 04:21 PM

اخوي نسيت اقولك قوات الطواري فاتحه قدم لاتنساني من صالح دعاءك

يآآ صبر أيوب · #5 (**permalink**) 17-04-2012, 04:51 PM

الهم مآحتستفيد منو غير تدمر نفسك,,أبحث عن رزقك بكل الطرق,,وأسعى وربنآ معآك,,
يآرب يسهل لك الوظيفة اللي تتمنآهآ.

اكمل الفراغ · #6 (**permalink**) 17-04-2012, 05:10 PM

حياك ربي عدد وبل السحابي

كلنا اخوان وابليس منا يهابي

دور وتلقا مع سهارى ذيابي

وتعيش طول العمر معزز ومسرور

حياك الله تابع وظائف منطقتك

راح تحصل ان شاء لله ...

امل جده · #7 (**permalink**) 17-04-2012, 05:36 PM

مشكلتك ياخوي تطلب المساعده من عاطلين مثلنا مثلك

مانقدر الى ندعي لك

الله يسهلك ويوفقك

محصل ديون · #8 (**permalink**) 17-04-2012, 06:18 PM

[align=center]يامرحبا تعداد وبل السحابي
عد الرعود وعداد مابارق (ن ) لاح
ياصاحبي لك رب رب العبادي
ادعية ماينساك في كل الاصباح

ترى ماني بشاعر بس قصيدتك هيضتني وحاولت ارد عليك بهذي المعلقة وبعدين ياخوي ترى رزقك ما احد ياخذه بس لا تستعجل والصبر مفتاح الفرج
شف الشباب هنا كلهم عاطلين ومنهم اللي مشغل نفسة في حاجة تعود عليه بالنفع وترى ابواب الرزق كثيرة وماتقتصر على الوظيفة [/align]

الراآسيه · #9 (**permalink**) 17-04-2012, 07:08 PM

اقتباس:

ولايئست من رحمة ربي أن ربي غفور رحيم لاكن الحقيقه انا أيست من رحمة النا

اعجبني ماقلته وفقك الله هذا المطلوب منا مهما تصعب الظروووف مانييأس ومانقنط من رحمة ربنا
أخي في الله الواحد مايدري وش مخبي له الله بالغيب وليه يتاخرالرزق عنه ربي يبينا نلح ونتقرب منه
اكثر وندعو ونترجاه ونثني عليه ونطلبه ونستعين به على الناس أخي في الله كن لله مثل مايريديكن
لك فوق ماتريد..ادعو الله وحده أن يفتح لك أبواب رزقه ويسر امرك وتتوظف وكل من قرأ كلماتي .....