بسم الله الرحمن الرحيم
السلام عليكم ورحمة الله وبركاته يا أخوان انا عضو جديد وأبتدي في أبيات توني محضرها لهاذا المنتداى الرائع
قالو ثلاث سنين وانت بعطاله
أصبحت في نفسك على هلك عاله
في المنتداى سجل مع أهل البطاله
ناس يواسونك ليا صرت مقهور

هم مثل حالك يوم حالك ضعيف
أجلس فبيتك مع براد المكيف
لاصرت مامن واسطه لاتصيف
ألى بحوش البيت لاصرت مجبور


قلت أشهد أني ذقت بالمر كاسي
ماعاد أعرف أهلي ولاعرف ناسي
امسي وأصبح من همومن براسي
اشعب ذلولًَ فوقها محزم الكور

الحقيقه ياجماعه انا لست شاعر لاكن الهم جلعني شاعر وانا ياجماعه جايكم وناصيكم ياهل المنتداى افزعو لي ياربع لاتخلوني مشكلتي يا أخوان لي ثلاث سنين وأقدم على وضايف ولله كتب لي نصيب ولايئست من رحمة ربي أن ربي غفور رحيم لاكن الحقيقه انا أيست من رحمة الناس كل شوي وانا اشيل ملفي ومافيه دائره حكوميه أو شركه خاصه ألى وقدمت عليها والمشكله الواسطه وأخر مارحت اليوم أقدم على الأمن العام ويوم جيت لهم قالو معك دبلوم تعال وقدم.. مع العلم ان فيه ناس معهم ثانوي مسجلين والله ولاحلفتوني يمين ان فيه ثانوي مقبولين هاذا عشان ايش عشان ابو ثانوي معه واسطه وانت مامعك واسطه شل قشانك وأرجع مع الباب المهم رحت ونخيت لي ضابط وقلت انا معي معهد مهني مدته سنه ونص قال جبها بكره وتعال المهم جبتها له اليوم وقال رح وجب لنا أثبات من المعهد ان دراستك سنه ونص طيب في الشهاده موجوده عندك سنه ونص ليه أروح أجيب أثبات من المعهد ..الشاهد رحت للمعهد وجبت أثبات وكان الأثبات مو مكتوب سنه ونص مكتوب سنه وأربع شهور وعشرين يوم جيتهم قالو سنه واربع شهور وعشرين يوم ماتعتبر دبلوم طيب عشان شهر و10 ايام رديتني وغيري معه ثانويه بدون معهد تقبلونه قال أقول مالك نصيب أطلع بس أسئلكم بالله يا أخوان هل ذولى مسلمين ام ناس ماتخاف الله ياجماعه انا أنسان مامعي واسطه ألى الله سبحانه والله سبحانه أعظم واسطه في الكون كل الي ابيه منكم يا أخوان أفزعو لي ياجماعه طولي زين وزني زين مافي شي ولله الحمد بس ليه يردون ناس ويدخلون ناس تكفون ياهل الفزعات لاتتركوني تكفون يارجال أخر موعد لتقديم بكره في مركز التدريب في القصيم تكفون ياجماعه لاتروح السنه ذي مع السنين الي راحت والله الي يبي يفزع لي اني لدعي له كل ليل ياجماعه انا عمري 29 وباقي سنه وخلاص ماتقبلني عسكريه والمدنيه مئيس منها خلقه اوما جت قبل أدخل الثلاثين تراى ماني متوظف أبد ياجماعه والله أني تعبت تكفون يارجال لاتخلوني

الله يرزقك من اوسع ابوابه
عليك بالاستغفار ..
والحال من بعضه كان 3 سنين
ربعك واجد بالمنتدى حطموا الرقم القياسي بالبطالة ..
لكنــ ..
حسبنا الله سيؤتينا الله من فضله انا الى الله راغبون ..

صح لسانك وانا عاطل من 1426 قل الحمدلله بس ومنور المنتدى يالغلا .....
الله يفرج همك ويرزقك من حيث لاتدري
https://www.btalah.com/f42.html
تابع قسم الوظائف والاستفسارات العسكريه باستمرار

الله يرزقك اخوي من حيث لاتحتسب ونكان تبي الصدق ترا الحال من بعضه ان شاء الله يجي من يوقف معك

تحياتي لك واتمنى لك التوفيق

خلها في القلب تحرق مابقاء الله يكون في العون وحلنا مثل بعض الله يوفقك ويسر امرك

الله يرزقك ماتتمنى يارب

اخوي نسيت اقولك قوات الطواري فاتحه بمكه لاتنساني من صالح دعاءك الموقع مكه المغمس قريب الاستاذ الرياضي تبوك طريق الاردان موقعهم اغلب مدن المملكه للطواري فاتحه موفق

والله ياخوك خمس سنوات عاطل وتوها فرجت علي هذاك الاسبوع ياربي لك الحمد كماينبغي لجلال وجهك وعظيم سلطانك انصحك بالاستغفار والله لتشوف العجب العجاب في الاستغفار الله يرزقك ماتتمنى انشاء الله يالغالي موفق خير

ياخوك الله يرزقك ويرزقنا والمسلمين انا مثلك سنتين عاطل قدمت بالعسكرية مانقبلت قلت ياولد ماني قاعد رحت كملت دراسة بالكلية التقنية تخصص شبكات حاسب والحين دورنا هنا وهناك مالله اراد كتب الله لنا العسكرية وانقبلنا برتبة وكيل رقيب لازم من الصبر والسعي ياخوك