السلام عليكم ورحمة الله وبركاته

اخواتي العاطلات حياكن الله في موضوعي

عندي إقتراح لو يتنفذ راح يكون فيه عدل بين القديمات والجديدات وأبي أشوف رأيكم فيه ولو اعجبكم نقول للخدمة تسويه >>تكفين عاد اللي بتسمع لك

المهم اقتراحي إن يكون التوظيف سنة لنا (الجديدات) وسنة لهم (القديمات )

بتقولوا كيف اقول لكم

إحنا الجديدات ماودنا ننتظر مثل ماانتظرتوا يالقديمات وأحس في هالشيء ظلم لنا ويحملونا غلطة مو من ذنبنا لذلك وللعدل السنة اللي يكون التوظيف موجه بشكل خاص لكم (يالقديمات) يرفعون نقاط الاقدمية 10 - 15 سنة اللي تبون

والسنة اللي مخصصة لتوظيف الجديدات يعتمدوا فيها على المعدل وثلاث سنوات أقدمية لو تبون

لأن إحنا يالجديدات نقاطنا تعتبر ولاشيء جنب نقاط القديمات ويبيلي أخلل بالبيت 10 سنين علشان

أوصل لنقاطهم علشان كذا لا زم يصير توفيق وتنسيق في عملية التوظيف يصير سنة لنا وسنة لهم

وكل سنة لها ضوابط للتقديم مستقلة عن الثانية ولو يبون يرجعون سنوات الخبرة والدورات للجميع

عادي علشان البنات اللي تعبوا وخسروا فلوس ماينظلمون كمان

هاه وش رأيكم اقتراح يهبل صح

أنتظر ردودكم بس هاه اللي ماعجبها رأيي لا تأكلني ولا بتأكل أصابعها بعدي من حلاوتي


ولو منتظر دوري اعجبه الإقتراح ويقدر يوصله للوزارة ياليت ونكون شاكرين له