ليش دائما تكون السنه الاولى صعبه ومافيه توافق كبير

وفيه ملل وفيه بعض الاحيان كره

لكن بعد كذا تتحسن الامور ويمشي الحال

بصراحه السؤال هذا كذا مره اطرحه وفعلا احصل نفس النتيجه

على الرغم انه المفروض تكون احلى السنه

انت متزوج ؟؟

ايه متزوج

شوف انا ابي اقولك قصتي ان شاء الله تستفيد منها

اولا التفاهم وحط تحتها خطين تفاهم وتنسيق

انا الان حاليا مملك وكان تاريخ الملكة 28 /1432/8 كنت ابي عقد الملكة بعد رمضان

لاكن ابوها يبي يعجل في الملكة وابوها طيب واقولها هنا طيب وابن حلال والجميع يحبه وانا احبه في الله

انا كنت ابي زواجي على شهر 1433/3/23 بحكم عدة اشياء اللي هي طول الملكة تسبب مشاكل وطلاق وغيرها

ثناياً اجواء السعودية تكون في البرد جميلة وفي قمة الروعة

اسعار القاعات والقصور الزواج والشقق والفنادق بسيطة تبي اطلق فندق وقصر مثل انتركونتننتال سهل وفي متناول الجميع الشوارع فاضية تاخذ راحتك انت وهي .

كان تفكيري ان 15 يوم فقط داخلية وشهر في الصيفية خارجية

اللي صار ان البنت تدرس في الجامعة وعمر البنت 21 سنة طيب الان اهلها رافضين الزواج الا بعد سنة والود انهم مايزوجونها الا بعد تخرجها

اللي هي سنتين وترم تطبيق بحكم انها طفلة صغيرة في نظر امها

طيب الان بعد ماكملت المهر وحجزت شقة جيت ابي اعطيهم المهر قالوا خل المهر عندك

الزواج في الصيفية قلت اشلون انا حجزت شقة وماتفرق ياعمي تدرس عندي او عندكم قال لا احنا قلنا لك من البداية ويعلم الله انهم ماقالوا هذا الكلام

وفوق هذا يعرفون اني ابي زواجي على 3 ولا قالوا الكلام هذا

بعدها اقفلت اخلاقي وكنت على وشك اطلق لاني كنت في شقة 4 غرف وصالة لحالي

والشيطان بدى يسيطر علي سيطرة كاملة لاني وحدي وذبحتني الوحدة وانتهى حلمي وتخطيطاتي

وفوق هذا لا كلام مع البنت مثل جوال او غيره لا نظرة شرعية وفوق هذا تأجيل الزواج

من بعد التأجيل سحبت عليهم ماجيهم لا زيارات ولا امرهم ولا اعترف فيهم مع قرب بيتي وبيتهم

لاني على النية استاجرت في نفس الحي وقريب من اهلها وبعدت عن دوامي لعيونها

فاسالك بالله ماتبي المشاكل دام اسلوبهم كذا من البداية غير اني من اهل جدة حجازي وهم من الرياض بدو

ففيه تضارب عادات وتقاليد بيني وبينهم

وانا اجزم لك ان شاء الله ان المشكلة هذه تنتهي نهائياً بعد تمام الزواج ان شاء الله

السبب التفاهم والتنسيق بينك وبينها هذا اذا قفلت اذنها وفمها من اهلها والناس

فنصيحة للجميع

الملكة ياشباب لاتخلونها اكثر من 4 شهور لانها تسبب مشاكل

ياشباب لازم تتفاهم مع اهل البنت بخصوص زواجك وتساهيله واذا كان مع زوجتك لاباس

البنات ياشباب يبون الزواج مثل مانتم تبون الزواج

لاكن اهلهم هم السبب والبنت صعبة تتكلم او تقول حرف واحد

والله يوفقكم واسف على الاطالة