عندي مشروع وابي شوركم فيه

طلاسم · #1 (**permalink**) 18-04-2012, 10:41 AM

السلام عليكم

اخباركم يا اعضاء هذا المنتدى الشامخ

عندي مشروع من زمان اهندس فيه ومتردد صراحه

انا الحمدلله فيني طاقه لمسكه الخطوط والروحات والجيات

وانا ناوي باذن الله افتح مشروع نقل معلمات طالبات .. الخ

ومشاوير خاصه وما الى ذلك .. لاكن عندي سؤالين .؟

1/ هل يلتزم وجود محرم ولا لا ؟؟!!

2/ هل هناك مؤسسات تدعم الفكره ذي ماديا ولا لا ؟؟!!

ياليت تفيدوني لاني صراحه قمت اتبحث واتقمص ويمين ويسار

وباذن الله راح ابتدي في ذا المشروع ..

ام اصيل وامير · #2 (**permalink**) 18-04-2012, 10:47 AM

من اللي اشوفوا
سياره انت توفرها مكيفه ممظلله اهم شي

وترى نقل المعلمات +المشواير الخ كلها مربحه بعدالله بس متعبه

والله يكتبلك الخير

ان شاءالله احد يفيدك اكتر مني

بالتوفيق

طلاسم · #3 (**permalink**) 18-04-2012, 11:06 AM

مافي مشكله انا ان شاء الله ابي اشوف لي مؤسسه بالرياض

اسمها كفاله اظن مدري كفاءه حولها بطريق خريص يمكن يدعموني

ويمكن احول لعبداللطيف جميل يعطيني باص تويوتا ذا ..

بس قبل لا اغامر واخش بالموضوع ابي ناس خبره بذا المجال

ويعطيك العافيه يا ام اصيل على ردك

آلفيصل · #4 (**permalink**) 18-04-2012, 11:12 AM

ورى ما تاخذ لك تريله وتمسسسك خطوط

يا اخي مشكلة المعلمات والطالبات لازم تكون يوميا حتى لو عندك ضرف قهري لازم تروح

اما التريلات متى ما ودك ومن مدينه الى مدينه حتى الى دول الخليج

وانت ابوها وسمها

مشعل الشهري · #5 (**permalink**) 18-04-2012, 01:58 PM

الطالبات والمعلمات قروشه من وجهة نظري

وحوادث المعلمات كثرت وما تبي تضر أوادم معك لا سمح الله

لكن مثل ما قال الفيصل شوفلك عمل غير المعلمات

الله يوفقك

مباشر وبس · #6 (**permalink**) 18-04-2012, 02:42 PM

شوف لك نقل البنزين انت ماعليك الا تنقل بنزين لمحطات احسن لك

طلاسم · #7 (**permalink**) 18-04-2012, 09:56 PM

طيب وش رايكم اقدم على فان انوفا ولا هونداي اتش ون واقلبه تاكسي

واكيد ذا المشروع بينجح لاكن المشكله عندي براس المال

وانا ببحث ان شاء الله عن مؤسسات تدعم المشاريع وكذا

مشكورين على النصايح