>>
<<<
********
<<<<

بسم الله والحمد لله والصلاة والسلام على اشرف الانبياء والمرسلين سيدنا محمد عليه افضل الصلاه واتم التسليم

نشوف كثير من المواضيع تتهم وزارة الخدمة المدنية بتعمد تاخير اعلان المرشحات للوظائف التعليمية والبعض منا ارتفع ضغطها بسبب طول الانتظار وماعليها شرهة اللي تبي تروح تصيف وتسافر مع اهلها وهي منتهيه من جميع الاجراءات بتكون نفسيتها مرتاحة احسن من تسافر وهي قلقانه يطلع اسمها وهي في مكان بعيد ماتقدر ترجع تخلص امورها يكفي ان الكثيرات يستنون الوظائف من شهر 7 العام الماضي من يوم ماعلنوا في الامر الملكي عن الوظائف يعني قربنا على السنه وهن ينتظرن على احر من الجمر لكن والله العظيم المتسبب الاول والاخير منا وفينا هم اللي تسببوا في التاخير هذا كله وراح تشوفون بيستبعدون من الدفعة الثانية كثير مثل مااستبعدو من الدفعه الاولى مما ادى ذلك الى تاخير الاعلان عن الوظائف الادارية التي من المفترض تعلن مباشرة بعد الانتهاء من المفاضلة التعليمية لكن كل شيء متوقف الان الى ان تنتهي المفاضله التعليمية يعني باختصار الوظايف الادارية يمكن تتاخر كثير واكثر المتفائلين يقول يمكن بعد العيد والله اعلم .

قالت الوزارة :إن المدعوات للمطابقة وعددهن (8296) مواطنة بديلات عن المدعوات السابقات للأسباب التالية:

(6097) مواطنة لأن الدرجات العملية أو التخصصات اللاتي يحملنها غير مشمولة بالإعلان .

التعليق : بالله عليكن يوم تقدمون ماتقرون التعليمات والا الدعوه ياتوظفوني والا بخرب . خلاص قالو بكالوريوس مو دبلوم

(1041) مواطنة تغيرت نقاطهن بعد المطابقة والتعديل إلى الأقل.

التعليق : ليه مايصير كذا التلاعب يااخواتنا يعني بتفكرين انكم بتمشونها عليهم اوكان الخطاء غير مقصود الله اعلم

(851) مواطنة لعدم المراجعة خلال الفترة المحددة للمطابقة.

التعليق : حجة الغايب معه

(253) مواطنة يحملن مؤهلات غير تربوية.

التعليق : آآآآه بس ماقد اقول غير كذا روحو خذو دبلوم تربوي نصيحة نصيحة نصيحة

(49) مواطنة يشغلن وظائف رسمية معتمدة .

التعليق : يعني تبون وظيفتين والا ايش يعني فسروها يابنات ملقيت تعليق غير كذا

(3) مواطنات لم يعادلن درجاتهن العملية الحاصلات عليها من خارج المملكة .


التعليق : خسارة والله هذه فرصة ماتتعوض كان عادلتن الشهادات وترشحتم لكن معوضين خير

(2) مواطنتان لأن تاريخ المؤهل لاحق لتاريخ الإعلان.

التعليق : ماني عارفه ايش المقصود . لكن موفقين بالمرات الجايه



تقبلوا تحياتي وشكراً

والله ياأختي انا من المستبعدات والسبب اني خلصت الدبلوم التربوي
الترم الاول من هذا العام قبل نهاية الاعلان

وبالتالي سبب الاستبعاد غير تربوية
حسبنا الله ونعم الوكيل

الله المستعان ويعوضنا خير على صبر السنين

11 سنة عطالة

[align=center]حسبي الله ونعم الوكيل - والله يصبرنا [/align]

اغلب انقاط الذي ذكرتي حلها سهل وهي ارفاق الوثيقه كان وفر عليهم هالاخطاء ووكمان وفر علينا القهر والظلم

مااقول الا حسبي الله ونعم الوكيل

صّـْْ(☑)ـْْحّ كلامك
وكمان راح يكون ‏​فـ♡ـي استبعاد ‏​فـ♡ـي الدفعة الثانية وبعدها الثالثة
ولا راح ننتهي •
ربي يعين

هذه الاخيره مالقوا سبب وكتبوهالسبب الي غير مفهوم . . ثلاث ارباع المرشحات واسطه

الاخيرة هي انهم تخرجوا (تاريخ تخرجهم ) بعد ٣/٢
ولازم يكون تاريخ التخريج سابق لآخر يوم من انتهاء التسجيل

حبيبتي شوووفي كيف نسجل الماسترررر


كيف نرررفق الملفااات ولنا رقم طلب وتاريخ معين للنتائج


لو فيه ترررتيب كان كل البنات تووظفووا بدون ظلم وبدن احتيال وكذب


حسبي الله عليهم

لا يا عزيزتي مو ظلم اتهامهم بتقولين ليه

انا بقولك ليه

لو انهم صدق يفكرون كان اول شي اهتموا فيه موقع جدارة و كانوا قدروا يمنعون اي تسجيل مخالف

منها الدبلومات و اللي تخرجها بعد تاريخ المفاضلة و غيره كثير

لو هم حريصين علينا الامور هذي مو صعبة ترى و لا وش وظيفة ادارة تقنية المعلومات !!!!

بس يصممون موقع و السلام و الأخطاء ما تكتشف الا في المطابقة

على كذا ماراح نخلص لا في دفعة و لا دفعتين و لا عشر دفعات

مين تبغين يلتزم بالتعليمات او حتى يقراها ؟!

الكل شايف انها فرصة ولازم استغلها احنا كذا السعوديين يا قوانين و شروط تفرض علينا و لا انسي الموضوع

الدبلوم وش استفادوا لما سجلوا ؟ استبعاد

الموظفة اللي تعيينها على مرتبة تعادل المستوى الخامس وش استفادت ؟ استبعاد

انا اشوف المفروض القوانين تكون صارمة اكثر لان التلاعب زيادة عند البنات

و اول شي يمسكون موقعهم الله يعافيهم و يضبطونه صح كل مرة نعيد التسجيل و التخبطات نفسها

الحين حتى ما ندري وش وضع الاداري اذا بياخذون نفس القوائم بتتكرر نفس المهزلة

ما قد شفت هالمشاكل في تسجيل الرجال و لا سمعنا منهم ان الدبلوم يترشحون او واحد لاعب في نسبته و تخرجه


الله يعين بس