[IMG]http://static.hawaacdn.com/images/**********/smilies1/smile27.gif[/IMG]السلام عليكم ورحمة الله وبركاته يابنات قلبي بيطيح من الخوف .. اليوم جاء لأخوي اتصال من رجل قال قريبتكم مقدمة على ديوان الخدمة وجوالها مقفل ممكن تخبروها عشان ضروري تكمل البيانات قبل قرار التعيين الاخير..الكلام دا الساعة اربعة العصر ..أخوي دق عليا يقوللي ليه مقفلة جوالك افتحيه دحين يجيك اتصال من موظف الوزارة ..شوي وجاني اتصال ورديت قال انا من الوزارة في الرياض ممكن بياناتك كاملة ورقم الطلب ..وأأنا من عبطي جلست اجاوبه ..سألني عن الاسم الرباعي والتخصص وسنة التخرج واخر شي قال طيب رقم الطلب ..قلت المستند الي معاي مو مسجل فيه رقم طلب قال هو رقم السجل ومليته طبعا ..سألني انت متزوجة ؟؟ جاوبته وقال اعطيبني حلوان البشارة قلت لك دعوات طيبة ان شاء الله ..قال ابشرك جاك التعيين بحائل ؟؟؟؟؟؟!!!!!!!
قلتله بس انا ما حطيت حائل ضمن الرغبات المكانية !!! قال عشان الامر الملكي انه التعيين حسب الشواغر ..وقدامك للساعة ثمانية تعطي جواب اذا قابلة الوظيفة ولا رافضتها ..قلت الصراحة حائل تبعد عن منطقتي ثمانمية كيلو واانا ما اقدر اروح كل المسافة يعني كدة حيروح عليا التعيين قال انا متصل عشان اخبرك واشوف اذا فيه اشكال اساعدك فيه ..قلت والله اشكال كبير موضوع البعد دا طيب ايش الحل؟؟ قال ماعندك واسطة انا بدأت اتعجب قلت لا والله ما عندي واسطة غير رب العالمين ..قال هو ممكن اذا تعرفوا احد من موظفي النقل يقربولك المنطقة بس طبعا في مقابل مبلغ معين !!!!!! أنا بدأ الفار يلعب في عبي ..قلت يعني رشوة ؟؟

قال لاتفهميني غلط بس انا حبيت اقولك الوضع وانا حاب اساعدك طالما ظروفك صعبة ..وحأحاول اساعدك قلت انا ما ابغى شي بشبهة قال لا انا احاول اشوف الوضع مع الموظفين في الوزارة وابلغهم بظروفك يمكن يساعدوكي ويقربولك المنطقة ..وارد لك جواب بالمسا انتي لا تدقي
..قفلت وشوي تجيني رسالة منطقة التعيين حائل والرقم الوظيفي ........والرجاء المحافظة على السرية التامة..
انا بدأت شوي شوي استوعب الموضوع وانه الموظفات بلغونا وقت المطابقة بانه حتجينا رسايل من الوزارة فيها معلومات التعيين وهذا رقم جوال وليه بيسأل معلوماتي الشخصية رغم انه يفترض يكون عنده كله المعلومات ..وقلبي طاح عرفت اني وقعت في مصيدة محتال او مرتشي ..رحت ركض اتصلت على اخوي قلت له هو ليه اتصل عليك قال انا قلت اكيد مسجلة رقمي في الطلب تبعك دخلت النت اتأكد من ملخص الطلب مو مطلوب غير رقمي انا وكمان في مستند المطابقة مطلوب رقم واحد فقط وانا سجلت رقمي انا فقط ..رجعت استفسر من اخوي ولانه صغير وماله خبرة بها الامور قال انا اتصل عليا الشخص هذا وقال قريبتكم مقدمة على الوظيفة بس رقمها مقفل قال له ايوة اختى قال طيب اتكد من رقم الجوال وراتح اخوي بحسن نية اعطاه رقمي...

انا طول اليوم صايرة مجنونة ومو مستوعبة الشخص اخذ مني معلومات شخصية وانا من كثر الفرحة ما استوعبت انه ممكن يكون محتال ..ونزلت موضوع العصر باسال مين جاها اتصال من الوزارة والي ردوا قالوا ما جاهم شي ..
ورجع قبل نص ساعة دق عليا ورديت قال ايش صار معاكي ؟؟قلت انت متأكد انك موظف الوزارة قال انت ايش رايك ؟؟قلت انا سألت كل المتقدمات الي اعرفهم ومحد فيهم جاها اتصال غيري قال كثر الله خيرك وقفل ...

النتبهوا يابنات فيه ناس بتستغل الوضع ..احذروا من اي اتصال يجي من رقم غريب ..الوزارة قالت حتيجي رسايل مو اتصالات ..ياخوفي الان انه المحتال الي ما يخاف ربه يستغل المعلومات خاصة فيا لاغراض دنيئة عرف اسمي وتخصصي وسنة تخرجي ورقم جوالي ورقم السجل تبعي ولما قال على حائل انا سألته المتقدمات الي بظروف خاصة وشحت الظرف الي خصني مالهم اي استثناء؟؟؟ ..يعني عرف كل شي يتعلق فيني ..الله ينتقم منه حاسة نفسي هبلة وفاغرة ..الله يرد كيده في نحره اذا اراد بيا سوء ..حسبي الله ونعم الوكيل على كل محتال وظالم ومرتشي ..ربنا عالم بيهم وبناوياهم الخبيثة ..حسبنا الله ونعم الوكيل[IMG]http://static.hawaacdn.com/images/**********/smilies1/smile27.gif[/IMG]


منقوووووول من صاحبة الموضوع طلبت ننشرهم ونحذر الجميع من المحتاليييييين حسبي الله ونعم الوكيل فيهم

من جاها اتصال رجاااااء تعطي رقمه لوزارة الداخلية وهم يتابعونه ويمسكونه لان هذا النصب والاحتيال للمحسوبيات والواسطات
ولازم نتحد ونقضي على المحتالين في بلاد الحرمين

"


الله يهديه .. والله يستر عليها ويوفقها

:

انا مستند المطابقة حقي مافيه خانة لرقم الجوال ولا يختلف المستند من منطقة لمنطقة ؟

اللي مستند مطابقتها في خانة للجوال تبلغني

الله يستر عليك

وحسبي الله على كل نصااب ولعااااب

تلاقينه مطلع الاسم من الاسماء وطلع رقم الاب من الاتصالات وقالي اتصل


انتبهوووووووا يابنات

مستند المطابقه مافيه رقم الجوال لكن الموظفات في المطابقه كانوا يقروا لنا الرقم من ملخص الطلب
وللمعلوميه موظفي الرياض لهم الصلاحيه للتحكم بالمعلومات مو مثل المناطق الاخرى

موضوع غريب من جد \
وتحذير مهم بنفس الوقت ،
..
واصلا من اول ماقال هاتي رقم الطلب باين انه خراااط
وش رقم الطلب ؟ مايعرف الفرق بين رقم الطلب والسجل ؟
..
وزارة الخدمة للتوظيف النسوي بعد المطابقة والتصحيح
أتوقع انهم أرسلوا فقط بيانات السجل المدني بدون الاسم الرباعي
لان لما نسأل عن السجل مايطلعلهم الاسم ـ
فـ ماأدري هم تحفظوا على أسامينا ـ او انه ذكاء منهم لا يطلع احد الموظفين محتال وما الى ذلك ،
ولو فعلاً ـ
هذي نقطة جيدة تحسب للـ حريم ـ
..
لكن وش المتوقع يكون غرض المحتالين !!
يأخذ منها فلوس ؟ ولا أيش بالضبط !!!
..
ع العموم الله يستر عليها وعلينا وع الجميع ـ

حسبي الله ونعم الوكيل

اللي أعرفه أن الوزارة تتصل من أرقام ثابتة !

ثانيا اللي يتصل عليها واحد مثل هذا على طول تتصل في الهيئة وتعطيهم التفاصيل وهم يتركون رقمه تحت المراقبة ويجيبونه

وأي محاولة للابتزاز قولي له بلط البحر ! وإذا عرف اسمك ورقم سجلك وسنة تخرجك ؟

معلومات عادية ممكن أي شخص يعرفها بأبسط الطرق !

لا تكونوا خوافات ! أي شيء يهزكم !

حسبي الله ونعم الوكيل ع من يتلاعب ببنآت المسلمين
جزاك الله خير