^_^ صبآح آلخير يآحلوين .. أولآ اسف وآلله جدآ جدآ لعدم دخولي ا لمنتدى هالايام الي راحت لاني كنت خارج المنطقه وكمان مافيه نت المكان الي استأجرت فيه ..


حصلت ردود وستفسارات عن هالموضوع .. بلخص لكم الموضوع قد مآآقدر .. وصدقوني بالعربي الشغله كانك تشتري خبز من البقاله والله يعني سهله لاتصعبهآ على نفسك ..


6000 ريآل .. <-- مآزدآ 929 <-- كيآ 2002 <- هوندآي اكسنت من موديل 2002 و2003


مو شرط اني ابتدي عالطول بسياره كآمري أو كورلآ أو جيب

تأكد انت بآدي من القليل حتى يصبح الكثير .. روحو اسألو اي صآحب معرض سيارات قولو له وش كنت اول يقول لك شريطي ويبتسم لك بعد

لمآ كون نفسه حتى اصبح صاحب معرض


خذ لك سياره بـ6000 او 5000 بس ماتكون عطلانه وروح غسلها ونظفها من ألى وحط كم اكسسورآت عليها ونزلها للمعارض بيوم السوق الي هو يوم الجمعه معروف عند المملكه .. ^_^ أمه محمد كلها بالمعارض هاليوم


انت اخذتها بـ6000 بيعها بـ7000. واذا مابعتها سيارتك عندك ويادار مادخلك شر ..

واذا بعتها دور لك سياره بـ7000 وبيعها 8000 ومشي نفس الطريقه ونفس الموال

صدقني بعد فتره توصل الى 18 وماتدري الا انت واصل 25 واذا وصلت 25 الف انت ربحان الى حد الان 18000 نقول خلال 6 شهور من بدايتك اذا كنت متحرك وكل يومين بسوق

وتمشي معاك الامور


اول حاجه بشراء السياره كثر الله الورش الفحص تفحص وتشوف اذا فيها عاطل تخصم من قيمه السياره وتتفق معه اذا رفض وشفت ان تكلف عليك وخر عنها

والله هذي كل الشغله


يارجال انا عمري 23 سنه اتحدث معاكم .. دخلت السوق وانا مع ابوي عمري 12 سنه

والله ماتكلم لكم عبث اني بديت بسياره قيمتها 4800 ريال

والحمدالله عينت خير وانا رجال لعاب بصراحه اضيع الفلوس اطلع وصرف كثير

وانا ندمان ماجمعت لكن كل دقه بتعليمه

^_^ احمسكم اكثر عشان تعرفون الشغله وناسسه والله

يآطويل العمر المتزوجين او الي ماهم متزوجين بعد صلاه العصر ياطويل العمر تقول للحرمه تسوي لك دله قهوه

وتجلس بسيارتك وتصيد لك كم سياره وتاخذ لك فره وكوب شاي كذا ولا عصير وتتمشى

عاد تنفع لدببه هههههههههههههههه

منها تمشيه وتغيير جو ومنها تترزق والله

وبعدين بعضهم يقول ياخي كل يوم انزل انزل طفش او اتعجز لا ياقلبي مو كل يوم تنزل

انزل كل يومين الى 3 ايام

واذا ماتبي تنزل وعندك شغل وعندك سياره اخذتها بـ 6000 راح اكيد تتعرف على كم شريطي تقول له هذي سياره خلها بالسوق وبيعها لي 7500 وخذ لك 500 وهات الباقي

كذا استفدت انت وستفاد هو

يعني اذا كنت مجبور ماتقدر تنزل للمعارض سلمها واحد ثقه وقت البيع تجي توقع


لكن تكون انت متواجد احسن

والله اشغله عاديه جدا وماهي محتاجه خبرره مره بالبدايه الخبره بصراحه لسيارات الكبيره وثمنها غالي من جد يبي لها خبره عشان الواحد مايطيح فيها لان بيدفع مبلغ كبير ولازم يكون مدقق لسيارت الحديثه والغاليه اما كبدايه ماهي محتاجه خبره

ولي من تبوك .. للمره الثانيه اقولها يبي يشتغل ..ويحس انها متخوف .. يحط لي رقم جواله على الخاص وانا اتصل عليه

ودله مكاني وتواجدي يجيب لي السياره وشوفها واعطيه رايي

ودمتم بخير يارب واسف على الاطاله واسف ان كلامي اذا فيه غلط او زله هيك ولا هيك

ماشاء الله عليك بالتوفيق وعقبال مانشوفك صاحب معاااارض

واللي من الرياض مالهم نصيب
اتمنى لك التوفيق بالدارين

شكرا على مروركم العطر .. بنسبه للرياض مدري والله عن الاسعار بزبط .. كم تسوى الفئات من السيارت لكن انت اسأل وماتضيع ورآح تعرف

وهي تجآره آلسيآرآت بآلمعآرض فيهآ رزق يآ آخوآن رزق طيب طيب فوق مآتتخيل

أحذر من هذه الشغلة غالبا ما يصاحبه الغش خصوصآ المستعمل ولا فيها بركة
أما تكذب وتمدح أو تغير عداد أو ما أحد يشتري منك
هذه وجهة نظر لمن يريد النزاهة

للأمانة منقول: https://www.btalah.com/showthread.*****..#ixzz1tSxlUUbO

السلام عليكم ورحمة الله وبركاته.
بارك الله فيك الاخ قمر المحبة على حرصك على الخير الدال على الخير كفاعله و الحث على التشمير على السواعد و المثابرة على الشغل وليس التعليق على شماعة الاجانب كما قرأت في بعض التدخلات الله يهدي اصحابها.
بالنسبة لمشاركتي هذه و قد سبقني بعض الاخوة فتجارة السيارات مو سهلة و تحتاج صاحب خبرة و حنكة ... و نظرتي من اراد ان يشتري سيارة فالافضل ماتكون اكثر من 3ـ4 سنوات في عمرها و العداد لا يتجاوز 100 الف او 120 الف كأقصى حد و تخلى صاحب السيارة يكتب لك في العقد ان السيارة لم يسبق لها حادث حتى تضمن عدم وجود تشوهات داخلية لا يمكنك كشفها و تعمل لها فحص بالكمبيوتر فالقديمة ليس بها كمبيوتر داخلي و لمن اراد ان يعرف اسعار السيارات الالمانية مثلا في المانيا يخبرني و انا في الخدمة ان شاء الله, و لاثراء الموضوع الكيم بعض الامثلة .