الصبر يا شباب الصبر صدقوني لازم نصبر الدعوه اثبات وجود

واحد من الضباط قال ان فيه حفل تخرج بيحضره الامير محمد بن نايف في مكه

حسبي الله عليهم والله ثم والله ثم والله ان رجليني يوجعنن بشكل ما مر بحياتي كلها وجع مثلها لاكن الله يهد هالعقيد ويمرضه لا بارك الله فيه اللهم ارنا فيه يوماً اسود واجعله عبره له ولغيره حسبي الله عليه والله يا جماعة الخير انهم جلدونا جلد اجلدونا جلد قسم يا اني احس لوني داخل الصاعقه كان ارحم ورونا شي آآآه بس ما اقول الا الله يصبرنا بعطيكم نبذه بسيطه عن اللي حاصل :-
حضرنا يوم الجمعة وفتشو 2000 طالب كلهم وتمر من عند تفتشين يعني الواحد يتفتش مرتين طبعا جينا الساعه 3 ولين بعد المغرب الساعه 7 والناس لا زالو يدخلون طبعا المركز كبير اول ما تعدي من التفتيش ومنكسر ضهرك من وقفه الثبوت بالتفتيش تشيل شنطتك فوق راسك وتركض ركض ركزو ركض موب هروله تهرول يمسك ويصفك ضابط وتحط شنطتك فوق راسك بثقلها اجلس وانهض 40 وانا امسكت فيها حسبي الله عليهم المهم ركض نودي شناطنا على السرايا وكل سرية ابعد من الثانيه مدري كيف يبوننا نشيل الشنطه بثقلها ونركض المهم بعدها ميدان وثبوت ومواطير انوار مزعجه جدا جداً قسم ان راسي صار تقل مخدة باالنسبه للثبوت ما فيه امل تكسر رجلك ولا تحك خشمك ولا توخر العرق اللي يصب منك حسبي الله عليهم الضباط والافراد بمعدل كل دقيقه ودقيقتين مار من عندك واحد يعني انسى غصبن عليك بتصير ثابت والله ثاني يوم بغيت الا شوي واجلد لي ضابط عالني لاكن تقبلت الجزاء بصدر رحب عدد اللي حجزوهم من 2000 طالب من 700 الى 900 طالب هالاسبوع البرنامج بهالاسبوع وشو انا اقولكم :
1- عدد ساعات النوم 3 ساعات فقط ..
2- تقوم قبل صلاة الفجر بساعه تنط من فراشك نط تأخر من القومه يسجل اسمك حجز وطوابير اضافيه ..
3- تصلي الفجر وبعد الفجر حاله استنفار بالطلبة الكل على موقعه بالميدان الركض بطريقة همجية وبسرعه ما فيه تفاهم اذا وصلت لموقعك وتبي تركع بس عشان يرتاح ضهرك بعد الجري ولسا ما اعطى وقت ثبوت مسكك وسجل اسمك الموية ممنوع نشرب ...
4- تبدأ الحصة الصباحيه وظهورنا متكسره من الثبوت هرولة هرولة غير طبيعية غير طبيعية ابد ابد 6 لفات الى 7 لفات وما فيه وقفه او تمشي تريح والناس يهرولون ولا يطلعك المدرب ويكتب اسمك ويجلدك جزا آآه بس ..
5- يوقفوننا وتشوفون الواحد منا يقطر من العرق يصب صب كنه توه طالع من دش ويدخل يفطر بعد ثبوت وبعد الفطور التوجع للسرايا وممنوع تجلس على السرير وممنوع تنسدح قسم ما بقلوبهم رحمه لا بارك الله فيهم المهم 20 دقيقه همن على الميدان لييييييين الظهر ثبوت وحصة تدريب مشاة واستعداد واستريح ومن هالامور وتسوها بأتقان اذا ما اتقنت كتبو اسمك وحجز ما فيه تفاهم يعني ترفع رجليك بالتريب غصب ..
6- قبل صلاة الظهر بنص ساعه نستعد للصلاة ونصلي وكالعاده الركض بطريقة همجيه وسريعه للمواقع والشمس حارقة والكبد والعه فصيلها ما يمر اليوم الا 3 او 4 مطرشين وثبوت تحت الشمس والعرق يصب صببببببب موب طبيعي لين الساعه 2 ونص همن يصرفوننا للغدا وبعد الغدا نص ساعه تستعد للصلاة العصر ..
7- بعد صلاة العصر الركض بطريقة همجيه للميدان وحصه هرولة مثل الصباح هرولة توجع القلب خلاص الواحد قاضي حجاره من حصة الصباح تخيلو 15 لفة على ميدان كبير كأجمالي من حصه الصباح والعصر آآآه بس وحر العصر عندنا بمكة ووقت العصر اللحين طويل 3 ساعات قسم بالله جلد مبرح وتكسير عظام ..
8- المغرب صلاة ونرجع للميدان ثبوت وصرف على الميز لوجبة العشاء ونطلع من الميز ستعداد لصلاة العشاء نصلي وعلى الميدان لين الساعه 11 بالليل ثبوت تخيلووو!!! قسم اني ودي اصيح من القهر قسم ان رجليني مدري وشلون هي شايلتني من شد التعب والارهاق اللي جانا والله اني اشرب 10 قوارير الى 12 قارورة موية وتبخر مدري وين تروح يعني ما ما يطلع شي بدورة المساه من شد ما شفنا ..
طبعا بعد كل ميدان تدافع عند البرادات وهجوم شرس من شد العطش والتعب شي شي خيالي يا ناس قسم انهم ما بقلوبهم رحمه والله ان الرحمه منزوعه من قلوبهم وابصم بالعشره عليها لا وبعدها بشوي يجون الضباط للبرادات ويمنعوننا والله بلحضتها العطشان وده يدبغ الضابط لين يعض الارض لا حول ولا قوة الا بالله يعني لاحد يقنعني انهم بقلوبهم رحمه والله ما يرحمون مريض تعبان عطشان ... الخ جلد مبرح ..

9- هالعقيد الميداني ملعون الخير لا بارك الله فيه الله يجعله ينفق ما وراه ودونه على صحته .. المهم العقيد هذا شكله جالد الضباط والمدربين كلهم يرتعدون منه وحنا ضايعين بينهم الضابط يجي ويحط الحره فينا والعقيد يحط الحره فينا والمدربين كسرو ضلوعنا والافراد متوطيين ببطوننا يعني بختصار كل هذولا ينهاشون وتنحط الحره فينا وحنا الضعفه بنتحمل وصابرين وحنا وياهم والزمن طويل لأجل هالوظيفة ...
الافراد والضباط والعقيد اللي زاد ضعف اللي كانو عندنا مرتين وشكلهم جايبين العن ضباط بمراكز تدريب الدفاع المدني الموجودة بالمملكة وهذا اللي ظاهر قدامنا ولكم الحكم وانا لو اضمن ان فتره ال 45 بتحسب لي واكمل دورتي بدورات ثانية والله لا اسحب بس ما فيه شي ينص على هالشي آآآخ بس
بس هذا المختصر اللي نشوفه بعد فتره 45 يوم والله ثم والله ثم والله ان ال 45 ارحم بواجد بواجد عن هالاسبوع اللي دبغونا فيه وجلدونا فيه والله يورينا فيهم عجايب قدرته لا بارك الله فيهم ولا باللي جمعهم علينا .. ساعات اقول يمكن بوه حرب وجايين عندنا عشاننا الفين يبون يفرموتتنا شوفتو لوين وصل تفكيري من العذاب اللي شفناه واللحين منسدح ورجليني متورمه والكعوب رايحه وطي ولا حتى استانست باليومين اللي عطونا اياها حسبي الله عليهم بس هذا اللي اقوله ..
وبعدن وين حصص الدراسه للحين ما حطو مباني ولا شي وشلون بيدرسوننا شكل كل ال 3 شهور جلد مبرح ولو استمرو الاسبوع الجاي على الرتم عز الله ان نص الدورة هجو لانه صعب يتحملون اللي يردون من خارج الدورة ما يعرفون وش اللي حاصل ويقولون تحملو لاكن ان جلدونا الاسبوع الجاي بنفس الطريقة ان اقولها لك انسى انهم يصبرون ما فيه امل والله يعين ويصبر هالناس الضعفه اللي يحاجه هالوظيفة ..
ونصيحه للناس كلها اردو تخصصات حلوة وزينه ومن جامعات زينه ولا تدخلون شي اسمه عسكرية العنو العسكرية كل ما قمتو وقعدتو وادرسو نصيحه اخويه للجميع ..

طيييييييييييييييييييييييب

حد يفيدنا عن الوضع وليش كذا الله يخاااااارجنا بس

ربي يسهل عليكم وعلينا

الله يعينك يازميل ..


انا بدوره الدفاع المدني مركز الطائف ،،

والله اننا كل يوم نسولف نقول محسودين حقين مكه مرتاحين ويهربون كل يوم هه


اجل عندنا وعندكم خير يازميل ،،، والله العظيم كدونا كد كرهنا ام العسكريه

والله العظيم اننا نتذكر ال 45 ونقول يازينها ايام ياليت ترجع

كرفونا كرف مو صاحي لكن ربك يسهلها ..

بالتوفيق للجميع

[align=center]الله يعينكم ويصركم
اصبرو ياشباب وان شاء الله ان الوضع بيتحسن
لكن مالكم الا الصبر والدعاء ان الله يسهلها عليكم
واكيد زي ماقالو الاخوان المدربين جدد وحااب يثبت وجوده
وان شاء الله اول ماتحضرو بكره تشوفون الوضع افضل بكثير
واذا الوضع نفسه كرف وتعب زي ماتقولون ماااالكم الا الصبر
وماراح يطولون ع الحاله هاذي اصبرو
وبدون كرف وتعب ما راح يجيك شي بلاش وانت مرتااح
الله يسهلها عليككم ويصبركم ويعينكم [/align]

ياشباب اصبروا انا اسولف مع واحد بالدفاع المدني يقول الضباط هذولا من اشرس ضباط الدفاع المدني وتم اختيارهم بعنايه وهذا اسلوبهم
نبي نشوف الاسبوع الجاي الله يعين
صدقوني اني افكر بيوم الجمعه من الحين ضايقي صدري الله يرحمنا برحمته ويفرج عنا