السلام عليكم ورحمة الله

بصراحه دورة مكة تغيرت
والله يا هالاسبوع قتلونا قتل وذبح
جابو مدربين وضباط جدد الله يكفينا فيهم وحسبنا الله فيهم
وعقيد جاء كل يوم بالميدان .. شايب لكن يا كافي فيه قوه ونشاط ماهو في عشريني
حسبنا الله ونعم الوكيل فيه



الله يرضى عن دورة الصاعقة وإلا دورات الجيش ماهي بهالشكل


ايش اللي ساير المفروض هالشئ يكون بالـ 45 مو بعد الـ 45
ولا فيه فصول وحصص دراسيه ،، كلها بالميدان كرف ولعن جدف



يليت تفيدونا ترى ما نقدر نصبر والله الوضع صعب
وهلااااااااااك للآخر
ما كأني بدفاع مدني كأني داخل الجيش بصراحه

لاحول ولا قوه الا با الله الله يثبتكم ويقويكم ويعطيكم الف عافيه

حسيتك كاتب الموضوع وانت تلهث من التعب
تعدي ان شاء الله و انت قلت المدربين جدد
وهم بالبداية آصلا حابين يفرضوا و جودهم

الله يكون بالعونكم ( الصبر مفتاح الفرج )

يار جال احمد ربك واشكره


إذا انتم مريحين بالـ 45

آحنا ماكلينها تبن من يوم دخلنا

مكروفين إلى الآن لنا 10 آشهر

دورتكم 4 شهور راحت منها شهرين

ياليتنا مثلكم دورتنــا 4 شهور

>> جاركم بمركز آمن المنشات

اصبر الصبر مفتاح الفرج

حياك الله اخوي بس لا تفكر انك تترك الدورة اصبر والله يعينك ومدام هم بيكرفونك ويطفشونك والجزاء ماخذه ماخذه اخذ الدورة فله واستهبل على المدربين فلها هي خربانه خربانه واهم شي لا تفكر تترك الدورة وتنحاش انته قدها وقدود والله يوفقك

[align=center][/align]والله انك صادق وانا اخووك الاسبوع اللي فات كانه شهر يمكن لو اني داخل دورة ظباط يكون ارحم لاكن الله يكون في العون وييسرها ويستر من اللي اي
مركز الدورة لايوجد فيه فصول دراسيه ولايوجد عدد دورات مياه كافيه لــ 2000 طالب
والاسبوع اللي فات اشد من الـ 45 من ناحية التشديد في الثبوت والنزول في الميدان والانضباط داخل المركز لايكون الله ييسرها ودعواتكم لنا بالتوفيق

الله يكتب لكم الي فيه الخير لاكن عليكم بي الصبر انتم رجال والرجال وقت الشدايد لاتفكر انك تتركه.........