السلام عليكم ورحمة الله وبركاته

اخواني انا ناوي افتح مكتب استيراد وتصدير لاستيراد السيارات المستخدمة من الامارات بس ما ادري وش الاجراءات
انا عندي سجل تجاري لمؤسسة مقاولات فما ادري هل يكفي أوانه لازم اغير النشاط

ثانيا يقولون لازم ضمان بنكي 200 الف وهذا هو الشرط الي حايسني

ثالثا قالولي ناس لازم تفتح معرض ويضم نشاط الاستيراد بس انا مو في حاجة المعرض ابي مكتب بس

فيا ليت الي عنده اي معلومه ما يبخل علي

يرفع لين يجي واحد يفيدنا

[align=center]

كـان املي افـيـدك لـو امـتـلك معـلومـه واحده

لـكـن لا املك الا دعـواتـي لـك بـ التـوفـيـق

ويـرزقـك بـ شـريـطـي ذو خبره ويـفـيدك


[/align]

شكرا على المرور وننتظر اصحاب الخبره للافاده

ضمان بنكي 200 الف هذآ لازم منه


وبالنسبة للمعرض موب متاكد بس اتوقع لازم

وتغير النشاط تقدر تضيف بمية ريال نشاط ثاني

للرفع

اخوي انت متأكد من الاسعار في الامارات هل هي مجديه اسعارهم وتستاهل الواحد يصدر سيارات او لا..

انا لي تجربه سابقه في استيراد السيارات من الامارات واليابان وامريكا والان ارى السوق الاماراتي من سنة تقريبا مافيه اي فايده من رأس المال الى خساره .ز

انا ماودي احطمك لكن السوق اختلف عن ماكان عليه كليا وصار السعودي مستهدف في رفع السعر والغش مع الاسف ..

ختى الشريطيه هنا مع الاسف من يوم يشوف السياره من الامارات ينزل سعرها عن ما اذا كانت سعوديه

وانت بمكانك تقارن بين سياره مثلا لاندكروزر وارد السعوديه 2006 ونفس الموديل وارد الخليج واللون والمواصفات راح تحصل السعودي اغلى سعر .!!

وهذا ماكان قبل سنوات قصيره الخليجي كان ارغب بسبب المواصفات وجوده الاكسسوارات عكس السعودي..لكن الشريطيه والمعارض الكبيره هي من تسبب في هذا ..

ونفس الشى السيارات الامريكيه والفرق الكبير بينها وبين السعودي مع ان الامريكي افضل من ناحيه الجوده والامان .!

كذلك السجل التجاري من الازم يكون عندك معرض سيارات ومخرص من البلديه وبعدها تطلع سجل تجاري وتضيف الاستيراد والتصدير الى السجل .. وعلى حد علمي فيه معقبين يخلصون لك السجل تقريبا في حدود 5 الاف ريال بدون معرض وخلافه ..

اذا كانت ملزم على المشروع هذا ركز على سيارات المزادات و الله يوفقك ويطرح في مالك البركه بس اتمنى تحط في الاعتبار كل ماقلت لك ..


بالتوفيق

أستخير قبل ماتقدم على الخطوة .. والخيره فيما أختارة الله