السلام عليكم ورحمه الله وبركاته




اخواني واخواتي الكرام اسعد الله مسائكم بالفرح والسرور



انا ادرس في قسم الاحياء وفي محافظه وعدنا في تخصص الاحياء لايتجاوز 30 طالب
والحين الطلاب يبغون تخصص احياء دقيقه والكليه تقول احياء عامه راح تدرسون والسبت بيسون مظاهره قدام مكتب العميد لان كل الطلاب يبغون احياء دقيقه ومايبغون احياء عامه

الحين ايش الافضل الاحياء العامه ولا الاحياء الدقيقه؟


تنصحوني اروح في ايش هل اوافق واوقع ع هذا القرار انا قلتلهم اوقع يوم السبت اول بسأل لان هذا مستقبل لازم استشير بالاول ومن استشار ماخاب

انتظر ردودكم واتمنى محد يرد الا الناس المتخصصه في قسم الاحياء امانه

والله يوفقكم يارب ويسعدكم وين ماكنتو


محبكم : مزون

الحقيقة تخصصي فيزياء بحته بعيد كل البعد عن الأحياء

ولكن بقول لك رايي ,, ابعد عن الأحياء الدقيقة .. لأن مستقبلاً اذا جيت تقدم على وظيفة
الخدمة المدنية مايعترفوا بالتخصص وبيرمونك على الصحة واذا رحت لوزارة الصحة بترميك للخدمة المدنية
واذا مو مصدق كلامي ,, اكتب في قوقل معاناة خريجي تخصص الأحياء الدقيقة وبتشوف العجب العجاب
الله يكون في عونهم ويرزقهم من وآسع فضله .
انت خليك فطين واحسبها صح ,, اختار احياء عام أو أحياء حيوان أو نبات .. بعدين فرصتك في التعيين رح تكون أفضل اذا كانت رغبتك في العمل في قطاع التعليم العام أو التعليم العالي من خلال وظائف الإعادة
وشد حيلك قد ماتقدر أهم شي المعدل ..

لا تنسى استخير وانصح الشباب اللي معاك بالإستخارة وربنا ييسرها من عنده .

ودعواتي لك بالتوفيق والسداد

للرفع

وعليكم السلام ورحمة الله وبركاته

أهلاً وسهلاً بالزميل مازن

أنا أحيائية تخصص علم الحيوان

شوف أنا من رأيي حدد وجهتك من الأن تفضل تدريس و إلا مجال الصحه

إذا مهدف على التدريس توكل على الله و أدخل أحياء عامه التخصص مرغوب في وزارة التربية و التعليم وعلى فكره أنت بتكون خريج جامعه يعني يلزم معك دبلوم تربوي سنه حتى تكون مؤهل للتدريس لأن خريجي الجامعات غير تربويين و إذا يبي يكون تربوي ياخذ دبلوم تربوي سنه عشان تصير تربوي إن شاء الله فهمت علي بهالنقطه


إذا مهدف صحه لا تشاور أدخل أحياء دقيقة بس ترا حط في بالك بعد التخرج من تخصص أحياء دقيقه مطلوب عليك بطاقة التصنيف من الهيئة السعودية للتخصصات الصحيه و يمكنك الرجوع لمعرفه سالفة هالبطاقه إلى منتديات وزارة الصحة السعودية راح يفيدونك الأخوان هناك ..

أتمنى أفدتك ..