السلام عليكم ورحمة الله وبركاته


أخواني العاطلين <- يقولون مايحس بالنار إلا واطيها كخخخ

قلت أضرب على الوتر الحساس عندكم عشان تجيكم نشوه وقهر وتردون


انا طول الله بـ اعماركم طلع اسمي من الـ 14 الف

ولكن موجهه قطاع خاص من ضمن 6 الاف يعني


ما أعترضت وقلت الحمدلله على كل حال والخيره فيما اختاره الله


بعد اسبوعين تم توجيهنا للموارد البشرية لإتخاذ اللازم من التوجيهات الملكية


طبعا الاسماء طلعت باول شهر اثنين

وإلى يومكم هذا ما صار شيء وحنا بندخل بشهر 6 <- ياسرع الايام وياطولها على العاطل


الموارد البشرية ببريدة جيتهم قال سجل اسمك بورقة وسجلناهـ

وبعد اسبوع جاي على اساس طالع اسمي أكيد فيه وظيفة وقال سجل بالنت


وسجلت بالنت بعد اسبوعين جيتهم قالي أنت مسجل بالنت قلت إيه قال أنتظر إتصال أجل


بعد شهر جيتهم قلت ياخوي طول الاتصال قال وش القصة قلت القصة أسمي طلع مع 6 الف نفر

كيف يطلع اسمي بدون وظيفة او تسكتوننا بس

قال حنا جاري البحث لكم عن وظايف بالقطاع الخاص

طيب دام جاري البحث ليش تطلعون اسمائنا دام مافيه وظايف شاغره


معقولة 4 اشهر تدورون لي وظيفة شاغره طيب طالع اسمي انا ولله الحمد

كيف اللي ماطلع اسمه متى توظفونه ؟؟؟



فيه احد توظف بالقطاع الخاص او ناس وناس أو وش السالفة

موب معقول 4 أشهر يدورون لي وظيفة ..!!!



اللي 4 الاف موجهين للقطاع الحكومي أعرف واجد داوموا لهم شهر ما شاء الله

لكن حنا وش مصيرنا 4 اشهر انتظار وشكلنا مطولين

هههههههههههههه حسيتك طلعت شوى من الي بقلبك
تخصصك ايش ومتى متخرج يالغالي

بالتوفيق

انا من ال6000 الموجهين للخاص وماكل تبن هههههههههههههه للحين ماتوظفت لا حكومي ولا خاص .
انا غاسل ايدي صار لي اربع سنوات الشغله كلها واسطه

ههههه شد لي و ........... ؟؟

بدونها لاتتعب .. وأنا أقول
الله يرزقكم ويقضي على الواسطة التي أكلت حقوق كثير من المسلمين .. حسبنا الله ونعم الوكيل ..

انا عندي اخ)الاول في تخصص المختبر مع مرتبة الشرف
وخريج كليه حكوميه حطوه في الخاص حاجه تقهر وبعدين قالو خطا وبعد 4 اشهر وبطلعت الروح حطوه ع الصحه الله كريم))) ياخوي توكل على الله .وحقك بتاخذه وين ماكان

انا من ال6الف المحولين للقطاع الخاص وتخصصي فني مختبر
ونزلت الوظايف الي بالقطاع الخاص قبل 3ايام ارسولي لي رساله برنامج هدف متفق مع الخدمه المدنيه انا ومعظم زملائي تم ترشيحنا على وظايف بمستشفى سليمان الحبيب وعليك الحضور للمقابله في الغرفه التجاريه
ورحت وسويت المقابله وعبيت اوراقي وحصلت تخصصات واجد الي صيدلي والي ممرض وغيرهم
وقالي انتظر لين ندق عليك عشان تجينا وتوقع العقد معنا

وبخصوص الراتب قال الاساسي 5400ومع الحوافز يعني يوصل 6000ويخصموا منه 400حق التامينات
والوظيفه بالرياض

المسؤول عن المقابله جاي من مستشفى سليمان الحبيب قال الي منتظر وظيفه او نازل تعينه لايسجل اسمه
لان احنا جادين ونبي نوظفكم لان مكتب العمل منع الاستقدام من الخارج وقال الراتب مع الحوافز راح يكون مثل راتب الحكومه مدري عاد كلامه صحيح او لا

وهم الحين يرسلوا دفعات الحين رسلوا لاهل جيزان ومدري الحين اي منطقه بيرسلوا

البشاره ان شاءالله ال6000 المحولين للخاص خلاص اسبوعين راح تنزل تعيناتهم بوزاره الصحه