ماكينة سلاش بوبي وماكينة البطاطس الكهربائيه ؟

محتار جداً · #1 (**permalink**) 20-04-2012, 02:42 PM

اسعد الله مسائكم بكل خير

ندخل بالموضوع ع طول بدون مقدمات

انا فكرت والمشاريع فجرت راسي والدعم المادي خايس لكن الله يعين

ببالي فكره وان شاء الله ربكم يسهلها

بفتح محل صغير بالحاره

برمضان القادم بأذن الله وبجيب عامل

يبيع بطاطس وعصيرات

وفيه ماكينة سلاش بوبي

من يقدر يفيدنا بقيمتها ؟ ومن وين تنباع ؟

صورتها

كم اسعار المكائن الكهربائيه للقلي ؟

وشششكرا لكم

فتىآ الشرقيه · #2 (**permalink**) 20-04-2012, 02:50 PM

آهلين اخوي والله يوفقك مقدمآ على المشروع

انا من الشرقيه

وشفت هالمآكينه وصنآعتهآ امريكيه البارحه بالدمآم مستعمله ونظيفه تقريبا قالي سعرها 7 الاف

هذه النوعيه اسعارها غاليه بس احس افضل للمنظر انك تشتري المآكينه الاحواض الشفافه تبين الثلج وهو يتحرك داخل مغري افضل وسعرها جديده تقريبا 8 الى 7 الاف مستعمله حسب النظافه من 3 الى 4 الاف

وتقدر تحط نفس النكهه حق السلاش بوبي يبيعو النكهة 3 و75 لتر تقريبا ب 65 ريال والسلاش السعودي 4 لتر ونص ب 45 ريال بس الامريكي ليه نكهه خآصه وحموضه خاصه

واي استفسار حاضرين لك

محتار جداً · #3 (**permalink**) 20-04-2012, 02:57 PM

حياك الله اخوي فتىالشرقيه منور

والله اسعارها غاليه بالحيييل

لاني بفتح المحل تقريبا 45 يوم وخلاص بقفله

يعني ماعتقد انها بتطلع هالقيمه غير المكسب طيب المستعمل كيف شغله

اخاف اخذ مستعمله واتوهق في خراباتها

المكينه جدا حلوه وانا متاكد ان سوقها بيمشي

مدري شقول لك طيب من الشركه الام مايعطونك مكينه وانت تاخذ منهم الصبغه والادوات واواا ؟

وترجعها لهم اذا قفلت محلك ولا ماعندك اي خبره بهالامور

والله يسعدك ماقصرت

فتىآ الشرقيه · #4 (**permalink**) 20-04-2012, 03:38 PM

الله يوفقك

على طريقتك سمعت ان في شركه يعطيك المآكينه ببلاش بس تآخد منه النكهة والكاسات بس ماعرف كيف طريقتها بس يحسب لك الكرتون ب 800 ريال بيمنآ تآخده بره ب 180

محتار جداً · #5 (**permalink**) 20-04-2012, 08:39 PM

طيب حلو

بما انهم يعطونك الماكينه ببلاش وتاخذ منهم الكاسات ووالصبغه

خلاص اشتري منهم مره واسحب عليهم

اشتري بعدين من برا وش بيعرفهم عني تضبط مو ؟

دنياالشوق · #6 (**permalink**) 20-04-2012, 08:48 PM

والله فعلا أسعارها غالية يمكن بالرياض أرخص

بس أخوي فتى الشرقية من وين ألقى النكهات والمكاين أن من الشرقية

فتىآ الشرقيه · #7 (**permalink**) 20-04-2012, 08:54 PM

تقدر مره مرتين تسحب عليهم بس مش على طول لان في مندوب يجي يشيك على حسب علمي وان مايعطوك الا على رخصه محل بوفيه او ماشابه ذالك

النكهآت بالدمآم شارع الخزآن اخوي او عند الوكيل الهليس تخلي رآمز على ايدك اليسار وتعدي الاشاره يجي على ايدك اليمين قبل محلات المفروشات وومحطة البنزين

بالتوفيق