هل من الممكن ادفع مبلغ اجار محل لمدة سنين لقدام
واخلي العماله هم الي يشتغلون عليها ويعطوني راتب الفين ريال او ثلاثه كل شهر
حتى لو كانو يطلعون في شهر اكثر من 10 الف


هل هذا شي موجود وهل هو حرام وكيف طريقة لو حبيت اعمل الطريقه هذي
وبحكم اني امراءه هل اقدر اقوم بالخطوه هذي

نعم ممكن وهذا اللي صاير في البلد
ولكن بعد ماتدفعين الايجار راح يشتغلون ويقولون لك كل اخر شهر مافيه دخل وخسرانين وشهر ورى شهر لين تملين وبعدين يشترون المحل منك يجيبون ضحيه جديد وبعد ان يدب اليأس فيك طبعا البضاعه راح ينزلونها من اصحابهم وبفواتير اجله يعني ماتقدرين تاخذين البضاعه مقابل ماخسرتيه اي حركه يجيك راعي البضاعه ويطلع الفواتير انه بايعه لهم على التصريف وياخذ بضاعته وتطلعين من الفول بخساره

يا حسافه العمالة هي الي تعطيك راتب

البنقالي يجي يدور راتب يعيش منه و بيدنا نخليهم هم يعطوننا رواتب

لا تعتمدين على العمالة في كل شيء
وادخلي مشروع نسائي بحت .. وديري المشروع بنفسك
والآن ميسرين العمل النسائي في الأسواق وغيرها

اشتغلي بنفسك وشغلي عمالة نسائية معك
وبتشوفين الخير

ولكن اعتمادك على العمالة وخصوصاًَ الرجال منهم ..
فهم أكبر حرامية وما جاب لنا المصايب من قتل واغتصاب وخطف ومخدرات غيرهم

اولاً راح يبهذلونك لأجل انهم يحصلون على غنيمتهم منك الا وهي استلام المحل بالكامل لهم ويعطونك حفنة قروش اخر الشهر الف الفين ثلاثة .. وهو يطلع اكثر من 15,000 في الشهر صافي له

ثانيا ً انتي انثى وصعب عليك ادارة هالعمالة وراح يلفون ويدورون عليك ويستغلون جهلك في عملهم والمشروع اللي يعملون فيه .. وراح مثل ما قالك الاخ يبدأون في النصب ما في دخل وغيرها وهم معينيين خير ولكن هدفهم استلام المشروع بالكامل لهم ..

ثالثاً وأخيراً : هذا العمل يعتبر " تستر " على العامل الأجنبي واطلاق سراحة بكل حرية في البلد .. ليجمع الأموال ويعمل كما يريد في اي مجال يريد .. ويوجد توجه قادم بمنع هذه العمليات

..

وأشتغلي بنفسك في مشروع نسائي في احد الاسواق
او مشغل أو أنك تشتركي مع أحد أقربائك لأجل أنه يدير ويحكم هالعمالة بدل عنك
لأن نفوذهم في البلد توسع وصارو يأمرون وينهون عليك يالسعودي

واذا ما وقفنا يد وحدة ضد هالتستر اللي خلى البلد في نزول وازدياد اعداد هالعمالة اللي تسرح وتمرح على راحتها وتدخل بدال الـ 1000 راتب له من الكفيل إلى 20,000 راتب له و 1000 ريال للكفيل !

سبحان من قال : " ( وقل أعملوا فسيرى الله عملكم ورسوله والمؤمنون ) .

--

اول خطا بتسوينه انك بتدفعين اجار لسنوات
احسن حل لك بما انك امراءه هم اللي يستاجرون بفلوسهم وهم اللي يسوون كل شي من بضاعه وحتى مخالفات البلديه وانتي بس يصير المحل بأسمك وخذي منهم كل شهر المبلغ اللي تبينه انتي مو هم طبعا ع حسب المشروع
ع كذا انتي ماخسرتي اي شي ان مشى وضعك او كنسلي الموضوع
وانصحك بنقل الكفاله عشان تمسكيهم مو بكره يسوي لك مشكله بالمحل ويمشي
اتمنى افدتك