أول شي ,,, حياك الله بين اهلك واخوانك

بالنسبة للاستثمار ,,, فاهل مكة أدرى بشعابها ,, انت شوف وش الأشياء اللي ما هي موجودة عندكم , وحاول انك تتميز فيها

صعب جدا انك تسأل ناس في ديرة عن سوق ديرة ثانية

الله يوفقك ويرزقك

مرحباً بك يا دوحة الخير


الإيجارات في الدوحة في الوقت الحالي ما تساعد نهائيا للي راس ماله بسيط ولكن اذا مقتدر ( وبما أني من اهل الدوحة ) فما أشوف ان فيه مشروع افضل من مغسلة ملابس واعتقد انك تعرف نوعية المغاسل في الدوحة وكيف ان العمل فيها عشوائي ( والغالبية تستخدم الغسالات العادية والتعليق والديكور مشي حالك )

ولكن بيتسائل الواحد ( ليش الشباب يميلون اكثر للمغاسل العادية ) رغم خدمتها العادية ؟ الدين ثم الدين ثم الدين والدفع اخر الشهر وسيلة محببة للشباب وضف ع ذلك الخدمة السريعة والسعر المرضي مقارنة بالمغاسل ( المتطورة خلني اسميها كذا )


لو ذكرت لي المنطقة اللي انت فيها كان يمكن أعطيك أمثلة ، وانا طرحت هالفكرة افتراضا ع اساس ان راس المال متوسط وعندي أفكار ثانية ولكن يبيلها إدارة وتنوع سأطرحها ان شئت لاحقا



بالتوفيق

السلام عليكم
مجرد سؤال !
كيف البيئه ليست عائق في اغلب المشاريع ؟
البيئه اهم شي بالمشروع يعني اللي فاتح مكتبه تصوير جنب جامعه او مدرسه نفس اللي فاتح مكتبه تصوير في سوق الخضره !!!
فينبغي يا اخي تشوف ايش الاحتياج عندك في قطر !!
انا ما اقولك اخترع فكره جديده لا
تقدر تقتبس فكره موجوده بالسعوديه وتتميز فيها بقطر
في محلات معتاده مثل المغاسل والبقالات والحلاقيين و و و الخ
لكن انا انصح بالتميز بحكم ان قطر دوله صغيره يمديك تتميز فيها
على العموم كان تعقيبي فقط على كلام اختي ان البيئه ليست عائق
البيئه تعتبر اهم واول حاجه تفكر فيها


وشكرا