[align=center]السلام عليكم ورحمة الله وبركاته
اخواني خواتي كثير كانوا يستفسرون عن اختبارنا
احنا بنات الرياض
الحمد لله اختبرنا ودخلنا للمقابلة الشخصية ونسأل الله لنا ولكم القبول
اهم الاشياء اللي لاحظتها :
1- أكثر المرشحات حديثات التخرج يعني الترم الماضي تخرجوا .
2- المقابلة كانت بسيطة جداً والموظفات الله يسعدهن ذوق .
3- اسئلة الاختبار كانت اختيار متعدد تقريباً 4 صفحات او 5 واكثر شيء ركزوا عليه :
- قائمة التدفقات النقدية خاصة بنود الانشطة الاستثمارية .
- سؤال عن شركة ام وحصلت عن ارباح عن طريق الشركات التابعة .
- نوع من الايجار في النظام السعودي .
- سؤال عن مبلغ مخصص د.م.ت كيف يظهر قيد الإقفال .
- مسئلة عن السندات .
وقت الاختبار ساعة ونصف ويكفي لحل الاسئلة وزود
والمقابلة بعد الاختبار وماتأخذ أكثر من 10 دقائق .
طبعاً في اسئلة غير هذي لي رجعة لو اسعفتني الذاكرة

الله يوفقنا جميع ويكتب لنا القبول [/align]

[align=center]نسيت أقول لكم بالنسبة للمقابلة مافيها ولا سؤال عن المحاسبة
بس اسئلة شخصية :
- تكلمي عن نفسك
- ماهي نقاط قوتك ونقاط ضعفك .
- وش تعرفين عن المصحلة .
- اذا حديثة التخرج وش قررتي تسوين بعد تخرجك ام اذا موظفة ليه بتتركين وظيفك
- كيف مستواك في الحاسب واللغة الانجليزية وهل عندك شهادات .

ولي رجعة بإذن الله
[/align]

شكرا لك محاسبة الرياض ،،


الله يسهل لنا يارب ويكتب اللي فيه خير وصالح لنا ولكم يارب ،،

ابي اطلللع من البنك الهم اللي استنزف كل طاااقتي ،، يارب نطلع منه يااااارب

الله يوفقك أخوي يوسف ويارب تبشرنا بقيولك قريب

الله يسعدك يارب ويجزاك خير ❤

والله طمنتيني ياااارب يكتب لنا القبول ويكتب لنا الخير

المقابلة الشخصية بس نساء ؟

ماشاء الله عملتو اختبار خخخخ

انا قدمت ومن بعدها مدري وش صار هع

[align=center]والمقابلة اي اختي إبرار كانوا ثلاثة موظفات بس
وهم نفسهم اللي راقبوا على الاختبار
[/align]